DANIEL 5:7 - KA BAIBL

⁷ U syiem u la pyrta jam ban wallam hapoh ïa ki nongkren byrtong, ki Khaldi, bad ïa ki nongkren shwar, u syiem u la kren bad u la ong ïa ki riewstad jong ka Babilon, “Uno uno u ban pule ïa kane ka jingthoh, bad u ban pyni ha nga ïa ka jingbatai jong ka ruh, yn pynkup ïa u da ki jaiñ basaw bthuh, bad un ïoh u kynjri ksiar ha ka ryndang jong u, bad un ïoh long u nongsynshar u balai ha ka hima.”

Khasi CL Bible (BSI)

⁷ U la pyrta ïano ïano ban wallam shapoh ïa ki nongleh myntor, ki nongleh byrtong, bad ki nongpeit kti. Haba ki la ïawan shapoh, u syiem u la ong ha ki, “Ïa uno uno uba lah ban pule ïa kane ka jingthoh bad ïathuh ïa nga ïa ka jingmut jong ka yn pynphong ha ki jaiñkup syiem kiba sawbthuh, un deng u kynjri ksiar ka jingpyndonburom sawdong ka ryndang jong u, bad un long uba lai ha ka bor hapoh ka hima.”

DANIEL 5:7 ပူးပေါင်းရင်းမြစ်များ

JENESIS 41:8

Te mynstep ka la jia ba ka mynsiem jong u ka la khih khuslai; bad u la phah khot ïa ki kynja nongkren byrtong baroh ka ri Ijipt, bad ïa ki riewstad baroh jong ka: bad u Pharaoh u la ïathuh ha ki la ki jingphohsniew; hynrei, ym don ba lah ban batai ïa ki ha u Pharaoh.

ESTHER 3:1

Hadien kine kiei kiei ruh, u Ahasueros syiem u la kyntiew burom ïa u Haman u khun u Hammedatha u nong Agag, bad u la kyntiew ïa u, bad u la buh ïa ka jingshong jong u halor ki rangbah baroh kiba la don lem bad u.

EKSODOS 7:11

Ynda kumta, u Pharaoh ruh u la khot ïa ki riewstad, bad ïa ki nongleh byrtong: te ki nongleh byrtong ka ri Ijipt, ki hi ruh ki la leh kumjuh da ki jingleh myntor jong ki.

PROBERB 1:9

naba kin long ka pansngiat ka burom ïa ka khlieh jong me, bad ki kynjri baroh sawdong ka ryndang jong me.

JINGRWAI SOLOMON 1:10

Ïa ki ngab jong pha la pynitynnad da ki jingthain shñiuh, bad ka ryndang jong pha da ki jingdeng.

ISAÏAH 47:13

Pha la thait ïan ha u paidbah ki jingsylla jong pha: to kin ïeng ki nongïit bneng, ki nongkhmih khlur, ki nongbatai bnai, ban pynim ïa pha na kiei kiei ki ban sa jia ha pha.

JEREMAÏAH 50:35

“Ka waitlam ka don halor ki Khaldi,” ong U Trai, “bad halor kiba shong ha Babilon, bad halor ki rangbah jong ka, bad halor ki riewstad jong ka.

ESEKIEL 16:11

Nga la pyndeng ïa pha da ki jingdeng, bad nga la buh ki khadu ha ki kti jong pha, bad u kynjri ha ka ryndang jong pha.

DANIEL 1:20

Bad ha ka jingstad bad ka jingshemphang baroh, shaphang kiba u syiem u la kylli ïa ki, u la shem ba ki la kham nang shiphew shah ban ïa ki riewstad bad ki nongleh byrtong baroh kiba ha ka hima jong u baroh.

DANIEL 1:4

ïa ki samla bymdon ka jingthoh dak, hynrei, kiba bhabriew, bad kiba don buit ha ka jingstad baroh, bad ki basian ha ka jingtip, bad kiba sngewthuh ïa ka tynrai ka jingstad, bad kiba nang ban ïeng ha ka ïing u syiem; bad ba un hikai ïa ki ka jingstad bad ka ktien ki Khaldi.

DANIEL 2:2

Ynda kumta, u syiem u la hukum ban khot ïa ki riewstad, bad ki nongleh byrtong, bad ki nongkheiñ ksuid, bad ki Khaldi, ban ïathuh ha u syiem ïa ki jingphohsniew jong u. Kumta, ki la wan hapoh bad ki la ïeng ha khmat u syiem.

DANIEL 2:27

U Daniel u la ïathuh ha khmat u syiem, bad u la ong, “Ym don ki riewstad, ki nongleh byrtong, ki nongleh myntor, lymne ki nongkren shwar, kiba lah ban pyni ha u syiem ïa kata ka jingbuhrieh ïa kaba u syiem u la kwah;

DANIEL 2:48

Ynda kumta, u syiem u la kyntiew nam ïa u Daniel, bad u la ai bun ki jingai ki bakhraw ïa u, bad u la thung ïa u ban synshar halor kata ka shnat baroh jong ka Babilon, bad ban long u nongsynshar rangbah halor ki riewstad baroh jong ka ri Babilon.

DANIEL 2:6

Hynrei, lada phin pyni ïa kata ka jingphohsniew bad ïa ka jingbatai jong ka, phin ïoh na nga ïa ki jingai, bad ki buskit bad ka burom bakhraw: namar kata, pyni ha nga ïa kata ka jingphohsniew bad ïa ka jingbatai jong ka.”

DANIEL 4:14

U la pyrta jam, bad u la ong kumne, ‘To khet noh ïa uta u dieng, bad to ngor noh ïa ki tnat jong u, to kynther noh ïa ki sla jong u, bad pynsaphred ïa ki soh jong u: ai ba ki mrad khlaw kin mih noh napoh jong u, bad ki sim na ki tnat jong u.

DANIEL 5:11

don u briew ha ka hima jong me, ha uba don ka mynsiem jong kita ki blei bakhuid; bad ha ki sngi u kpa jong me, ïa ka jingshai bad ïa ka jingshemphang bad ïa ka jingstad, kum ka jingstad ki blei, la shem ha u: bad u Nebukhadnessar syiem, u kpa jong me, uta u syiem, u kpa jong me keiñ, u la pynlong rangbah ïa u halor ki riewstad, ki nongkren byrtong, ki Khaldi, bad ki nongkren shwar;

DANIEL 5:15

Te mynta, ïa ki riewstad, kita ki nongkren byrtong keiñ, la wallam hapoh ha khmat jong nga, ba kin pule ïa kane ka jingthoh, bad ban pyntip ha nga ïa ka jingbatai jong ka: hynrei, kim lah ban pyni ïa ka jingbatai jong ka.

DANIEL 5:16

Hynrei, nga la ïohsngew shaphang jong me, ba me lah ban ai ki jingbatai, bad ban pynshai ïa ki jingeh: mynta lada me lah ban pule ïa kata ka jingthoh, bad ban pyntip ha nga ïa ka jingbatai jong ka, yn pynkup ïa me da ki jaiñ basaw bthuh, bad men ïoh u kynjri ksiar ha ka ryndang jong me, bad men ïoh long u nongsynshar u balai ha ka hima.”

DANIEL 5:29

Te u Belshassar u la hukum, bad ki la pynkup ïa u Daniel da ki jaiñ basaw bthuh, bad ki la pyndeng u kynjri ksiar ha ka ryndang jong u, bad ki la pynbna shaphang jong u, ba un long u nongsynshar u balai ha kata ka hima.

JINGKHEIÑ 22:17

namar ngan pynkyntiew ïa me sha ka burom ka bakhraw eh, bad ïa kiei kiei baroh kat kiba men ong ha nga, ngan leh: namar kata, nga kyrpad ïa me, to wan, to da tim noh ruh ïa kine ki briew na ka bynta jong nga.’ ”

JINGKHEIÑ 22:7

Te kita ki tymmen ki san ki Moab bad ki tymmen ki san ki Midian, ki la ïamih noh bad ka bainong khan ha la ki kti; bad ki la wan poi ha u Balaam, bad ki la ïathuh ruh ha u, ïa ki ktien jong u Balak.

JINGKHEIÑ 24:11

Mynta te, namar kata, to phet noh sha la ka shnong: nga la ong ba ngan kyntiew ïa me sha ka burom bakhraw; hynrei, ha khmih, U Trai u la khang noh ïa me na ka burom.”

1 SAMUEL 17:25

Bad kita ki paidbah Israel ki la ïa-ong, “Phi la ïohi ne em ïa uta u briew uba la wan mih noh? shisha u la wan mih khnang ïa ka ban beiñ ïa ki Israel: te uta u briew u ban pynïap ïa u, u syiem un pynriewspah ïa u da ka spah kaba khraw, un ai kurim ruh ïa la ka khun ha u, bad un pynlong laitluid ïa ka ïing u kpa jong u ha Israel.”