DANIEL 5:6 - KA BAIBL

⁶ Ynda kumta, ka khmat u syiem ka la kylla bak, bad ki jingpyrkhat jong u ki la pynkhuslai ïa u; bad ki mat ka syngkai jong u ki la khih, bad ki khohsiew jong u ki la ïatyngkhuh.

Khasi CL Bible (BSI)

⁶ U la kylla lieh blaid blaid bad u la sheptieng katta katta ba ki khohsiew jong u ki la sdang ban khynñiuh.

DANIEL 5:6 ပူးပေါင်းရင်းမြစ်များ

SALM 22:14

La theh noh ïa nga kum ka um, ki shyieng jong nga baroh ki la lait paiñ: ka dohnud jong nga ka la long kum ka bthing; ka la um noh hapdeng ki snier jong nga.

SALM 69:23

Ai ban pyndum ïa ki khmat jong ki, ba kin ym ïohi shuh; bad to pynkhynñiuh ïa ka syngkai jong ki ha la ka sngi.

ISAÏAH 35:3

To pynkhlaiñ phi ïa ki kti batlot, bad to pynskhem ïa ki khohsiew kiba la sator.

ISAÏAH 5:27

yn ym don uba thait lymne uba jynthut hapdeng jong ki; yn ym don ruh uba samthiah lymne uba ïohthiah; bad kan ym sumor ka jingpanpoh jong ki, lymne un ym dkut noh u jingteh ka juti jong ki:

JEREMAÏAH 50:43

“U syiem ka Babilon u la ïohsngew ïa ka nam jong ki, te ki kti jong u ki la tlot noh: ka jingpisa ka la ngat ha u, ka jingsuh kum ka jong ka kynthei haba suhkhun.

ESEKIEL 21:7

Bad haba kin ong ha me, “Na ka balei ba me pynhiar mynsiem?” me men ong, “Namar kane ka khubor, naba ka wan: bad ka dohnud baroh kan um noh, bad ki kti baroh kin tlot, bad ka mynsiem baroh kan lwait, bad ki khohsiew baroh kin jem kum ka um; ha khmih, ka wan, bad yn sa pyndep ïa ka,” ’ ” ong U Trai U Blei.

ESEKIEL 7:17

Baroh ki kti kin tlot, bad ki khohsiew baroh kin jem kum ka um.

DANIEL 2:1

Te ha ka snem ka ba-ar ka jingsynshar u Nebukhadnessar, u Nebukhadnessar u la phohsniew ki jingphohsniew; bad la pynkhuslai ïa ka mynsiem jong u, bad ka jingïohthiah jong u ka la duh noh na u.

DANIEL 3:19

Ynda kumta, la pyndap ïa u Nebukhadnessar da ka jingbitar lep, bad ka dur ka khmat jong u ka la kylla pyrshah ïa u Shadrak, ïa u Meshak, bad ïa u Abednego: namar kata, u la kren bad u la hukum ba kin kham pynshit ïa kata ka lawar ding hynñiew shah ban ïa kaba la ju pynshit.

DANIEL 4:19

Ynda kumta, u Daniel, uba kyrteng “u Belteshassar”, u la lyngngoh shi por, bad ki jingpyrkhat jong u ki la pynkhuslai ïa u. U syiem u la kren bad u la ong, “Ko Belteshassar, wat ai ba kata ka jingphohsniew, lane ka jingbatai, kan pynkhuslai ïa me.” U Belteshassar u la ïathuh bad u la ong, “Ko kynrad jong nga, kata ka jingphohsniew to kan long ïa ki nongshun jong me, bad ka jingbatai jong ka, ïa ki nongïaleh ïa me.

DANIEL 4:5

Nga la ïohi ïa ka jingphohsniew kaba la pynsheptieng ïa nga; bad ki jingpyrkhat halor ka jingthiah jong nga bad ki jingithuhpaw ka khlieh jong nga ki la pynkhuslai ïa nga.

DANIEL 5:5

Ha kata hi ka por, ki la mihpaw ki shynriah'ti briew, bad ki la thoh marpyrshah ka dieng pynïeng sharak halor ka astor ka kynroh ka ïing u syiem: bad u syiem u la ïohi ïa kata ka bynta ka kti kaba la thoh.

DANIEL 7:28

“Kane ka long ka bakut jong kata ka kam. Nga hi u Daniel, ki jingpyrkhat jong nga ki la pynkhuslai shibun ïa nga, bad ka khmat jong nga ka la kylla bak ha nga: hynrei, nga la rieh ïa kata ka kam ha la ka dohnud.”

NAHUM 2:10

Ka long kaba suda, bad kaba la pynsuda, bad kaba la pynjot noh: bad ka dohnud ka um noh, ki khohsiew ki ïashoh lang, bad ka jingshitom ka ha ki syngkai baroh, bad ki khmat jong ki baroh ki thangïong.

HEBRU 12:12

Naba kumta, to phin rah ïa ki kti ba la pynhap kyr-iap, bad ïa ki khohsiew ïa kiba la sator;