DANIEL 5:5 - KA BAIBL

⁵ Ha kata hi ka por, ki la mihpaw ki shynriah'ti briew, bad ki la thoh marpyrshah ka dieng pynïeng sharak halor ka astor ka kynroh ka ïing u syiem: bad u syiem u la ïohi ïa kata ka bynta ka kti kaba la thoh.

Khasi CL Bible (BSI)

⁵ Kynsan kynsan la mihpaw ka kti briew bad ka la sdang ban thoh ha ka kynroh ba la astor jong ka ïingsyiem, ha kaba ka jingshai na ki sharak ka shai phyrnai eh. Bad u syiem u la ïohi ïa ka kti katba ka dang thoh.

DANIEL 5:5 ပူးပေါင်းရင်းမြစ်များ

Ka Kitab U Job 20:5

ba ka jingrisa jong u bymman ka long kaba tang shibit, bad ba ka jinglehkmen uba khlem blei ka long tang shi khyllipmat?

PROBERB 29:1

Uta haba la sneng ïa u bunsien u pyneh ïa la ka ryndang yn pynlwet kyndit ïa u, bad kata bymdon jingshna shuh.

JEREMAÏAH 50:43

“U syiem ka Babilon u la ïohsngew ïa ka nam jong ki, te ki kti jong u ki la tlot noh: ka jingpisa ka la ngat ha u, ka jingsuh kum ka jong ka kynthei haba suhkhun.

DANIEL 4:31

Hamar ba u syiem u dang kren ïa kata ka ktien, ka jingsawa ka la hiar na bneng ka da ong, “Ko Nebukhadnessar syiem, la ong ha me: ka hima ka la leit noh na me.

DANIEL 4:33

Ha kata hi ka por, la pyndep ïa kata ha u Nebukhadnessar; bad la beh noh ïa u na ki briew bad u la bam phlang kum ki masi dab bad ka met jong u ka la jhieh da ka umjer bneng, tad ynda u shñiuh jong u, u la san kum ki 'ner pukni, bad ki tyrsim jong u kum ki tyrsim sim.

DANIEL 5:15

Te mynta, ïa ki riewstad, kita ki nongkren byrtong keiñ, la wallam hapoh ha khmat jong nga, ba kin pule ïa kane ka jingthoh, bad ban pyntip ha nga ïa ka jingbatai jong ka: hynrei, kim lah ban pyni ïa ka jingbatai jong ka.

DANIEL 5:4

Ki la ïadih Waiñ, bad ki la ïaroh ïa ki blei kiba da ka ksiar, bad da ka rupa, da ka rnong, da u nar, da ka dieng, bad da u maw.

DANIEL 5:6

Ynda kumta, ka khmat u syiem ka la kylla bak, bad ki jingpyrkhat jong u ki la pynkhuslai ïa u; bad ki mat ka syngkai jong u ki la khih, bad ki khohsiew jong u ki la ïatyngkhuh.

DANIEL 5:8

Ynda kumta, ki la wan rung baroh ki riewstad ki jong u syiem: hynrei, kim lah ban pule ïa kata ka jingthoh, lymne ban pyntip ha u syiem ïa ka jingbatai.

KOLOSSAI 2:14

haba la lah pyndam noh ïa ka kot jingkular ba la thoh ha ki niam ki rukom kaba la ïaleh pyrshah ïa ngi, kaba la long pyrshah ïa ngi, bad u la weng noh ruh ïa ka, u da sahnar ïa ka ha ka diengphna;