DANIEL 5:23 - KA BAIBL

²³ hynrei, me la kyntiew ïa lade pyrshah ïa U Trai ka bneng; bad ki la wallam ïa ki khiew ka ïing jong U ha khmat jong me, bad me bad ki rangbah jong me, ki tnga jong me bad ki tnga kliar jong me, phi la ïadih Waiñ da kita; bad me la ïaroh ïa ki blei kiba da ka rupa, bad da ka ksiar, da ka rnong, da u nar, da ka dieng, bad da u maw, ki bymïohi, lymne ïohsngew, lymne tip: bad ïa U Blei uba ha ka kti jong u ka jingring mynsiem jong me ka don, bad uba ki lynti jong me baroh ki long ki jong u, mem shym la pyndonburom.

Khasi CL Bible (BSI)

²³ Phi la leh pyrshah ïa U Trai jong ka bneng bad phi la wallam shapoh ïa ki khuri bad ïa ki pliang kiba la shim na ka Templ jong u. Ma phi, ki rangbah donburom jong phi, ki tnga jong phi, bad ki tnga kliar jong phi ki la dih waiñ na ki bad ki la ïaroh ïa ki blei kiba la shna da ka ksiar, ka rupa, ka rnong, ka nar, ka dieng, bad u maw — ki blei ki bym lah ban ïohi lane ïohsngew bad ba kim lah ban tip ei ei. Hynrei phim shym la pyndonburom ïa U Blei uba rai la phin im ne phin ïap bad uba synshar ïa kaei kaei baroh kaba phi leh.

DANIEL 5:23 ပူးပေါင်းရင်းမြစ်များ

JENESIS 14:19

Te u la kyrkhu ïa u, bad u da ong, “To long ba la kyrkhu ïa u Abram na U Blei U Bahalor Tam Eh, U Trai ka bneng bad ka khyndew:

JENESIS 2:7

Bad U Trai uba U Blei u la thaw ïa u briew na ka 'dewmet ka khyndew, bad u la pyrsad ha ki thliew khmut jong u ïa ka jingpyrsad ka jingim; bad uta u briew u la long ka mynsiem ba-im.

2 SYIEM 14:10

Shisha me la jop ïa ka Edom, bad ka dohnud jong me ka la pynsngew meng ïa me: to sngewsarong ha kata, bad to sah ha la ïing namar balei men leh lushia ïa ka ban sniew, ba men kyllon, ma me keiñ, bad ka Judah lem bad me?”

Ka Kitab U Job 12:10

Uba ka mynsiem jong kaei kaei baroh ka ha ka kti jong u, bad ka mynsiem u bynriew baroh.

Ka Kitab U Job 31:4

Hato um ïohi ïa ki lynti jong nga, bad um kheiñ ïa ki jingjam jong nga baroh?

SALM 104:29

Me buhrieh ïa la ka khmat, ki la jynjar; me shim noh ïa ki mynsiem jong ki, ki ïap, bad ki phai noh pat sha la ka khyndew.

SALM 115:16

Ki bneng ki long ki bneng jong U Trai; hynrei, ïa ka khyndew u la ai ïa u khun bynriew.

SALM 139:3

Me ïitbniah ïa ka lynti jong nga bad ïa ka jaka thiah jong nga, bad me ithuh ïa ki lynti jong nga baroh.

SALM 146:4

Ka mynsiem jong u ka mih noh, u leit phai sha la ka khyndew; ha kata ka sngi hi ki jingpyrkhat jong u ki duh noh.

PROBERB 20:24

Ki jingleit u briew ki long na U Trai; kumno te ba u briew u lah ban sngewthuh ïa la ka lynti?

ISAÏAH 13:11

Te ngan pynshitom ïa ka pyrthei namar ka jingsniew jong ki, bad ïa ki bymman namar ka jingbymhok jong ki; ngan pynwai noh ruh ïa ka jingleh khraw jong uba sarong, bad ngan pynpoh ïa ka jingleh meng jong uba ishyrkhei.

ISAÏAH 14:13

Te me la ong ha la ka dohnud, ‘Ngan kiew sha bneng, ngan kyntiew ïa la ka khet haneng ki khlur jong U Blei; bad ngan shong halor u lum ka jingïaseng, ha ki bakut phang shatei:

ISAÏAH 2:12

Namar kan don ka sngi ïa U Trai ki paid halor kaba sarong bad kaba meng baroh, bad halor kaba la pynkyntiew baroh; te yn pynpoh ïa ka:

ISAÏAH 33:10

“Mynta ngan ïeng,” ong U Trai, “mynta ngan pynkhraw ïa lade; mynta ïa nga yn pynkyntiew.

ISAÏAH 37:19

Bad ki la bred ïa ki blei jong ki ha ka ding: namar kim shym la long ki blei, hynrei, tang ka jingthaw ki kti ki briew, u dieng bad u maw; namar kata, ki la pynjot ïa ki.

ISAÏAH 37:23

“ ‘Ïano me la krenbeiñ bad me la kren sang? Pyrshah ïano ruh me la pynjam ïa la ka ktien bad me la khmied ïa la ki khmat sha jrong? Pyrshah ïa uta U Bakhuid jong u Israel keiñ.

ISAÏAH 42:5

Kumne u ong U Blei U Trai, uta uba la thaw ïa ki bneng, bad ba la pynpyiar ïa ki; uta uba la siang ïa ka khyndew bad ïa kaba mih na ka; uta u ba ai ka jingpyrsad mynsiem ïa ki briew kiba ha ka, bad ka mynsiem ha kita kiba ïaid ha ka:

JEREMAÏAH 10:23

A Trai, nga tip ba ka lynti u briew kam long ha u hi: kam long ha u briew uba ïaid ban pynbeit ïa la ki jingjam.

JEREMAÏAH 48:26

“To phin pyndih buaid ïa u; namar u la pynkhraw ïa lade pyrshah ïa U Trai: bad u Moab un ksaid ha la ka prie, bad un long ruh ka jingrkhiebeiñ.

JEREMAÏAH 50:28

Ka jingsawa jong kita kiba phet noh bad ba phet ïap na ka ri Babilon, ïa ka ban pynbna ha Seïon ïa ka jingpynhiar kput jong U Trai U Blei jong ngi, ka jingpynhiar kput ka templ jong u.

JEREMAÏAH 50:29

“To lum lang ïa ki nongsiat khnam ban ïaleh ïa ka Babilon, ïa kita baroh kiba wiat ïa ka ryntieh; to sher dara ban ïaleh ïa ka baroh sawdong; wat ai ban lait mano mano na ki: to siew kylliang ïa ka katba kum ka kam jong ka; katba kum kaba ka la leh baroh, to leh ïa ka: naba ka la long kaba sarong pyrshah ïa U Trai, pyrshah ïa uta U Bakhuid jong u Israel.

ESEKIEL 28:17

Ka dohnud jong me ka la meng namar ka jingitynnad jong me, me la pynsniew ïa la ka jingstad na ka daw ka jingphyrnai jong me: nga la bred ïa me ha ka khyndew, nga la buh ïa me ha khmat ki syiem, ba kin shu khmih ïa me.

ESEKIEL 28:2

“Ko khun u briew, to ong ha u nongsynshar ka Tyros, ‘Kumne u ong U Trai U Blei: “ ‘Namar ba ka dohnud jong me ka la sngewmeng, bad me la ong, “Nga long u blei, nga shong ha ka jingshong U Blei, hapdeng ki duriaw;” haba me hi u briew, ym U Blei, la me la buh la ka dohnud kum ka dohnud U Blei:

ESEKIEL 28:5

da ka jingstad bakhraw jong me bad da ka kam khaïi jong me, me la pynkhraw la ki spah, bad ka dohnud jong me ka la meng namar ki spah jong me:’ ”

ESEKIEL 31:10

Namar kata, kumne u ong U Trai U Blei: “Namar ba la kyntiew ïa ka rynïeng jong me, bad u la buh ïa ka kliar jong u hapdeng ki dieng bakhah, bad ba ka dohnud jong u ka la at meng ha ka jingjrong jong u;

DANIEL 11:12

Te yn pynsarong ïa uta u paidbah, bad ka dohnud jong u kan sngewmeng: bad un pynkyllon bun phew hajar, hynrei, un ym jop.

DANIEL 4:37

Mynta, nga, u Nebukhadnessar, nga ïaroh bad kyntiew nam bad pyndonburom ïa uta u syiem jong ka bneng; namar ki kam jong u baroh, ki long ka jingshisha, bad ki lynti jong u, ka jingbishar: bad ïa kiba ïaid ha ka jingsarong, u lah ban pynpoh.”

DANIEL 8:11

Shisha keiñ, ka la pynkhraw ïa lade ruh, wat haduh u rangbah jong uta u paidbah; bad ka la shim noh na u, ïa kata ka jingainguh thang kaba borabor, bad ïa ka jaka ka ïing kyntang jong u la pynkyllon noh.

HABAKKUK 2:4

“Ha khmih, ka mynsiem jong u ka at meng, kam long kaba beit hapoh jong u: hynrei, u bahok un ïoh im da la ka jingngeit.

KI KAM 17:25

lymne ym ju shakri ïa u da ki kti ki briew, kumba u da kyrduh ei ei ruh, haba u hi u ai ha ki baroh ïa ka jingim, bad ka mynsiem, bad ïa kiei kiei baroh ruh;

1 KORINTH 8:4

Shaphang kaba bam, namar kata, na kita kiei kiei ruh ba la kñia ha ki bleithaw, ngi tip ba u bleithaw um long ei ei ruh em ha ka pyrthei, bad ba ym don U Blei, hynrei, tang uwei.

1 TIMOTHI 3:6

ym u synran ba dang shibit, ïoh ba ynda u la sngewmeng, un hap sha ka jingpynrem jong u Soitan.

HEBRU 4:13

Bad ym don ka jingthaw ba khlem paw ha khmat jong u; hynrei, kiei kiei baroh ki long lyngkhuit bad kiba paw pyrshah ha ki khmat jong u, bad uba ngi ïadonkam.

JINGPYNPAW 9:20

Te kita kiba sah na ki bynriew, ïa kiba ym shym la pynïap noh da kine ki jingïapthem, kim shym la kylla-ka-bamut na kita ki jingleh ki kti jong ki, ba kin ym mane ïa kita ki ksuid, bad ïa kita ki bleithaw kiba da ka ksiar, bad da ka rupa, bad da ka rnong, bad da u maw, bad da ka dieng, ki bym lah ban ïohi, lymne ïohsngew, lymne ïaid:

NONGBISHAR 16:23

Te ki doloi ki Philistia ki la ïalum lang ïa ka ban ainguh da ka jingkñia bakhraw ha u Dagon u blei jong ki, bad ban ïalehkmen: naba ki la ong, “U blei jong ngi u la ai noh ïa u Samson u nongshun jong ngi ha ka kti jong ngi.”

1 SAMUEL 17:26

Te u Dabid u la kren ha kita ki briew kiba ïeng hajan jong u, u da ong, “Yn leh aïu ïa uta u briew u ban pynïap ïa une u Philistia, bad u ban pynduh noh ïa kane kaba jahburom na Israel? naba uei une u Philistia uba khlem otsher, ba u beiñ ïa ki paidïapom jong U Blei u ba-im?”

1 SAMUEL 17:36

Kumta u shakri jong me u la pynïap ïa uta u sing bad ïa kata ka dngiem: te une u Philistia uba khlem otsher un long kum uwei na kita, namar ba u la beiñ ïa ki paidïapom jong U Blei u ba-im.”