DANIEL 5:21 - KA BAIBL

²¹ bad la beh ïa u na u khun bynriew; bad la pynlong ïa ka dohnud jong u kum ki mrad, bad ka jaka shong jong u ka la long ryngkat bad ki kadda khlaw; la pynbam phlang ïa u kum ki masi dab, bad ka met jong u ka la jhieh da ka umjer bneng: tad ynda u la tip ba U Blei U Bahakhlieh Tam Eh u synshar ha ka hima ki briew, bad ba u buh halor jong ka ïa uba u mon hi.

Khasi CL Bible (BSI)

²¹ La beh noh ïa u na ka imlang ka sahlang u bynriew, bad ka jingmut jingpyrkhat jong u ka la long kum u mrad. U la shong la sah bad ki kada khlaw, u la bam phlang kum u masi dab bad u la thiah ha ka jaka bym don jingkah khlem kano kano ka ban ïada ïa u na ka umjer. Ha kaba khatduh u la pdiang ba U Blei Bahakhlieh Tam Eh u synshar ïa baroh ki hima ki briew bad u lah ban ai ïa ki ha uno uno uba u jied.

DANIEL 5:21 ပူးပေါင်းရင်းမြစ်များ

Ka Kitab U Job 39:5

“Uei uba la pyllaitluid ïa u kadda khlaw? lane uei ba la loit ïa ki jingteh jong u kadda khlaw?

ESEKIEL 17:24

Bad baroh ki dieng ka khyndew kin tip ba ma nga U Trai nga la pynhiar ïa u dieng uba jrong, nga la kyntiew ïa u dieng uba poh, nga la pyntyrkhong khait ïa u dieng bajyrngam, bad nga la pynman bha ïa u dieng batyrkhong: ma nga U Trai nga la kren bad nga la leh ïa ka.”

DANIEL 4:14

U la pyrta jam, bad u la ong kumne, ‘To khet noh ïa uta u dieng, bad to ngor noh ïa ki tnat jong u, to kynther noh ïa ki sla jong u, bad pynsaphred ïa ki soh jong u: ai ba ki mrad khlaw kin mih noh napoh jong u, bad ki sim na ki tnat jong u.

DANIEL 4:17

Kane ka jingrai ka long da ka hukum jong kita ki nongap phira, bad ka jingleh da ka ktien jong kita ki bakhuid: khnang ba kita ki ba-im kin tip ba U Bahakhlieh Tam Eh u synshar ha ka hima jong ki briew, bad ba u ai ïa ka ha uno uno uba u mon hi, bad ba u buh halor jong ka, ïa uba poh tam na ki briew.’

DANIEL 4:22

uta, u long ma me, ko syiem, uba la nang khraw bad uba la nang khlaiñ: namar ka jingkhraw jong me ka la nang san, bad ka la kot haduh bneng, bad ka jingsynshar jong me haduh ka bakut ka khyndew.

DANIEL 4:25

ba yn beh noh ïa me na ki briew bad ka jaka shong jong me kan long ryngkat bad ki mrad khlaw, bad yn pynbam phlang ïa me kum ki masi dab, bad yn synreit ïa me da ka umjer bneng, bad hynñiew ki aïom kin lut ha me; tad ynda me la tip ba U Bahakhlieh Tam Eh u synshar ha ka hima jong ki briew, bad ba u ai ïa ka ha uba u mon hi.

DANIEL 4:26

Bad ha kata ba ki la hukum ban iehnoh ïa ka dyngkhong ki thied, ka hima jong me kan skhem ha me, ynda me la tip ba ki bneng ki synshar.

DANIEL 4:34

“Te ha ka bakut kita ki sngi, nga, u Nebukhadnessar, nga la khmied la ki khmat sha bneng, bad ka jingshemphang jong nga ka la wan phai pat sha nga, bad nga la kyrkhu ïa U Bahakhlieh Tam Eh, bad nga la ïaroh bad nga la pyndonburom ïa uta u ba-im junom; “namar ka jingsynshar jong u ka long ka jingsynshar bymjukut, bad ka hima jong u pateng la pateng bynriew:

DANIEL 4:35

bad ïa ki briew baroh jong ka khyndew ym shym kheiñ ei ei: bad u leh katba u mon ha u paidbah jong ka bneng, bad hapdeng ki briew jong ka khyndew: bad ym don ba lah ban pynsangeh ïa ka kti jong u, lane ong ha u, ‘Me leh aïu?’

DANIEL 4:37

Mynta, nga, u Nebukhadnessar, nga ïaroh bad kyntiew nam bad pyndonburom ïa uta u syiem jong ka bneng; namar ki kam jong u baroh, ki long ka jingshisha, bad ki lynti jong u, ka jingbishar: bad ïa kiba ïaid ha ka jingsarong, u lah ban pynpoh.”

DANIEL 5:18

A me u syiem U Blei U Bahakhlieh Tam Eh u la ai ha u Nebukhadnessar u kpa jong me ïa ka hima, bad ïa ka jingkhraw, bad ïa ka burom, bad ïa ka jingdonburom: