DANIEL 5:20 - KA BAIBL

²⁰ Hynrei, haba ka dohnud jong u ka la sngewmeng, bad ka mynsiem jong u ka la eh haduh ba u la leh sarong, la pynhiar ïa u na ka khet syiem jong u, bad ki la shim noh na u ïa ka burom jong u:

Khasi CL Bible (BSI)

²⁰ Hynrei namar ba u la long uba sarong, uba eh ryndang, bad uba runar, la weng noh ïa u na ka khet syiem bad u la duh noh ïa ka jaka badonburom jong u.

DANIEL 5:20 ပူးပေါင်းရင်းမြစ်များ

2 SYIEM 17:14

Pynban, kim treh ban sngap, hynrei, ki la pyneh ïa la ka ryndang, kum ka ryndang ki kpa jong ki, ki bym shym la ngeit ha U Trai U Blei jong ki.

2 KHRONIKL 32:25

Hynrei, u Hesekaïah um shym la ai pat katba kum ka jingmyntoi ba la leh ha u; namar ïa ka dohnud jong u la pynmeng: namar kata, ka jingbitar ka la long halor jong u, bad halor ka Judah bad ka Jerusalem.

2 KHRONIKL 36:13

U la ïaleh pyrshah ruh ïa u syiem Nebukhadnessar, uba la lah pynsmai ïa u da U Blei: hynrei, u la pyneh ïa la ka ryndang, bad u la pynkhlaiñ ïa la ka dohnud ïa ka ban ym phai sha U Trai U Blei ki Israel.

EKSODOS 18:11

Mynta nga tip keiñ, ba U Trai u long uba kham khraw ïa ki blei baroh: wat ha kata hi keiñ, ha kaba ki la ïaleh sarong eh halor jong ki.”

EKSODOS 9:17

Te me dang pynmeng ïa lade pynban halor u paidbah jong nga, ba mem pyllait noh ïa ki?

EKSODOS 9:7

Bad u Pharaoh u la phah tohkit, te ha khmih, na ki jingri ki khun Israel kawei ruh kam shym ïap noh. Te pynban, ïa ka dohnud u Pharaoh la pyneh, bad um shym la pyllait noh ïa uta u paidbah.

PROBERB 16:18

Ka jingsarong ka leit ha shuwa ka jingpynjot, bad ka mynsiem basngewmeng ha shuwa ka jingkyllon.

PROBERB 16:5

U briew baroh uba sarong ka dohnud, u long ka jingijli ha U Trai: la ki ïaksoh para kti, un ym lait na ka jingpynshitom.

ISAÏAH 47:1

To hiar noh, bad to shong ha ka 'dewmet, ko khun theisotti ka Babilon; to shong ha ka khyndew khlem khet, ko ka khun ki Khaldi: namar yn ym khot shuh ïa pha kaba leh kynshing bad kaba subani.

JEREMAÏAH 13:18

To ong ha u syiem bad ha ka kmie syiem, “To pynrit ïa lade, to shong khop: namar ka la hap ka jingdeng khlieh jong phi, ka pansngiat ka burom jong phi keiñ.

JEREMAÏAH 19:15

“Kumne u ong U Trai ki paid, U Blei ki Israel, ‘Ha khmih, ngan pynwan halor kane ka nongbah bad halor ki shnong jong ka baroh ïa kata ka jingsniew baroh kaba nga la pynbna pyrshah ïa ki; namar ki la pyneh ïa la ka ryndang, khnang ba kin ym sngew ïa ki ktien jong nga.’ ”

JEREMAÏAH 48:18

“Ko pha ka khun kynthei kaba shong ha Dibon, to hiar noh ha ka burom jong pha, bad to shong ha ka jingsliang; namar u nonglute ïa ka Moab u la wan ban ïaleh ïa pha, u la pynjot ïa ki kut baskhem jong pha.

ESEKIEL 30:6

Kumne u ong U Trai: “Kita kiba kyrshan ïa ka Ijipt ruh kin kyllon, bad ka jingsarong ka bor jong ka kan hiar arsut: naduh ka kut u Sebeneh kin kyllon ha ka da ka waitlam,” ong U Trai U Blei.

ESEKIEL 31:10

Namar kata, kumne u ong U Trai U Blei: “Namar ba la kyntiew ïa ka rynïeng jong me, bad u la buh ïa ka kliar jong u hapdeng ki dieng bakhah, bad ba ka dohnud jong u ka la at meng ha ka jingjrong jong u;

DANIEL 11:36

“Bad uta u syiem un leh katba u mon; bad un pynkyntiew ïa lade, bad pynkhraw ïa lade halor ki blei baroh, bad un kren ïa kiei kiei ruh ki baphylla pyrshah ïa U Blei ki blei: bad un man bha haduh ba la pyndep ïa kata ka jingbitar; namar ïa kata kaba la thmu, yn pyndep keiñ.

DANIEL 4:26

Bad ha kata ba ki la hukum ban iehnoh ïa ka dyngkhong ki thied, ka hima jong me kan skhem ha me, ynda me la tip ba ki bneng ki synshar.

DANIEL 4:28

Kane baroh, ka la jia ha u Nebukhadnessar syiem.

DANIEL 4:37

Mynta, nga, u Nebukhadnessar, nga ïaroh bad kyntiew nam bad pyndonburom ïa uta u syiem jong ka bneng; namar ki kam jong u baroh, ki long ka jingshisha, bad ki lynti jong u, ka jingbishar: bad ïa kiba ïaid ha ka jingsarong, u lah ban pynpoh.”

DANIEL 8:8

Bad uta u 'lang sohmoh u la pynkhraw ïa lade shikatdei eh: te haba u la khlaiñ, ïa kata ka reng bakhraw la pynkheiñ noh; bad ha ka jaka jong ka, ki la mih saw tylli ki reng kiba phylla sha ki saw lyer bneng.

LOUKAS 18:14

Nga ong ha phi, ba une u la leit hiar pat sha la ïing uba la ksan, ban ïa uta uwei pat; naba ïa uei uei baroh uba pynkhraw ïa lade, yn pynpoh; te ïa uta uba pynpoh ïa lade, yn pynkhraw.”

HEBRU 3:13

Hynrei, to ïakyntu paralok ha la ka sngi, katba dang khot “Mynta ka sngi” ïa ka; ba yn ym pyneh ïano ïano ruh na phi da ka jingshukor ka pop.

1 SAMUEL 6:6

Te balei phi pyneh ïa la ki dohnud, kumba ki Ijipt bad u Pharaoh ki la ïa-pyneh ïa ki dohnud jong ki? haba u la leh ïa kaba phylla hapdeng jong ki, ki kim shym la pyllait noh ïa ki paidbah, ki ruh ki la leit noh?