DANIEL 5:2 - KA BAIBL

² U Belshassar, ynda u la mad ïa ka Waiñ, u la hukum ban wallam ïa kita ki khiew ksiar khiew rupa ïa kiba u Nebukhadnessar u kpa jong u, u la lah shim na ka templ kaba ha Jerusalem; ba u syiem bad ki rangbah jong u, ki tnga jong u bad ki tnga kliar jong u, kin ïadih da ki.

Khasi CL Bible (BSI)

² Katba ki dang ïadih, u Belshassar u la ai hukum ban wallam ha ki khuri ksiar bad rupa bad ha ki pliang kiba u Nebukhadnessar u kpa jong u, u la rah noh na ka Templ kaba ha Jerusalem. U syiem u la phah shim ïa ki khnang ba ma u, ki rangbah donburom jong u, ki tnga jong u, bad ki tnga kliar jong u ki lah ban dih na ki.

DANIEL 5:2 ပူးပေါင်းရင်းမြစ်များ

2 SAMUEL 9:7

Bad u Dabid u la ong ha u, “Wat sheptieng: naba ngan leh isynei keiñ ïa me shisha na ka bynta u Jonathan u kpa jong me, bad ngan ai noh pat ha me ïa ka khyndew baroh ka jong u Saul u kpa jong me; bad men ïoh bam kpu ha ka miej jong nga ha la ka sngi.”

2 SYIEM 24:13

Bad u la kit noh nangta ïa ki jingkynshew ka ïing U Trai baroh, bad ïa ki jingkynshew ka ïing u syiem, bad u la pynpait lyngkhot lyngkhai ïa ki pliang ksiar baroh kiba u Solomon u syiem ki Israel u la lah thaw ha ka templ U Trai, kumba U Trai u la lah ong.

2 SYIEM 25:15

Bad ïa ki pliang dieng, bad ïa ki pliang; kata kaba da ka ksiar, ha ka ksiar, bad kata kaba da ka rupa, ha ka rupa, u kaptan ka karod u la shim noh.

2 KHRONIKL 11:20

Bad hadien jong ka u la shim ïa ka Maakah ka khun u Absalom; te ka la kha ha u ïa u Abijah, bad u Attai, bad u Sisa, bad u Shelomith.

2 KHRONIKL 15:16

Bad ïa ka Maakah ruh ka kmie u syiem Asa, u la beh noh na kaba long syiem, namar ba ka la thaw ka dur ba-ijli ïa ka Asherah; bad u Asa u la khet noh ïa ka dur jong ka, bad u la pynlwet ïa ka, bad u la thang ïa ka ha ka wah Kidron.

2 KHRONIKL 36:10

Bad ynda ha kawei ka snem, u syiem Nebukhadnessar u la phah, bad u la wallam ïa u sha Babilon, lem bad ki khiew ki pliang kiba itynnad ka ïing U Trai, bad u la pynlong syiem ïa u Sedekaïah u para jong u halor ka Judah bad ka Jerusalem.

2 KHRONIKL 36:18

Ïa ki khiew ki pliang baroh ka ïing U Blei, kiba khraw bad kiba rit, bad ïa ki jingkynshew ka ïing U Trai, bad ki jingkynshew u syiem, bad ki jong ki rangbah jong u; ïa kine baroh u la leit lam sha Babilon.

ESRA 5:14

Bad ïa ki khiew ki pliang ksiar bad rupa ruh ka ïing U Blei, ïa kiba u Nebukhadnessar u la shim noh na ka templ kaba la don ha Jerusalem, bad u la wallam ïa ki ha ka templ Babilon; ïa kita, u Seiros u syiem u la sei noh na ka templ Babilon, bad u la aiti ïa ki ha uwei uba la kyrteng “Sheshbassar”, ïa uba u la thung nongsynshar;

JEREMAÏAH 27:7

Bad ki jaid bynriew baroh kin shakri ïa u, bad ïa u khun jong u, bad ïa u khun u khun jong u, ha ban da poi ka por ka ri jong u hi: hangta te shibun ki jaid bynriew bad ki syiem ki bakhraw kin pynlong shakri ïa u ha ki.

JEREMAÏAH 50:35

“Ka waitlam ka don halor ki Khaldi,” ong U Trai, “bad halor kiba shong ha Babilon, bad halor ki rangbah jong ka, bad halor ki riewstad jong ka.

JEREMAÏAH 52:19

Bad ïa ki bati, bad ki pliang dieng, bad ki khuri, bad ki khiew, bad ki dieng pynïeng sharak, bad ki siang, bad ïa ki khuri piala; kata kaba da ka ksiar, ha ka ksiar, bad kata kaba da ka rupa, ha ka rupa, uta u kaptan ka karod u la shim noh.

DANIEL 1:2

Bad U Trai u la ai noh ïa u Jehoïakim u syiem ka Judah ha ka kti jong u, lem bad shi bynta na ki khiew ki pliang ka ïing U Blei; te u la rah noh ïa ki sha ka ri Shinar sha ka ïing u blei jong u: bad u la wallam ïa kita ki khiew ki pliang ha ka ïing jingkynshew u blei jong u.

DANIEL 5:11

don u briew ha ka hima jong me, ha uba don ka mynsiem jong kita ki blei bakhuid; bad ha ki sngi u kpa jong me, ïa ka jingshai bad ïa ka jingshemphang bad ïa ka jingstad, kum ka jingstad ki blei, la shem ha u: bad u Nebukhadnessar syiem, u kpa jong me, uta u syiem, u kpa jong me keiñ, u la pynlong rangbah ïa u halor ki riewstad, ki nongkren byrtong, ki Khaldi, bad ki nongkren shwar;

DANIEL 5:13

Ynda kumta, la wallam ïa u Daniel hapoh ha khmat u syiem. U syiem u la kren bad u la ong ha u Daniel, “Me long uta u Daniel, uba na kita ki khun ka jinglongmraw jong ki Judah, ïa kiba u syiem u kpa jong nga u la wallam noh na ri Judah?

DANIEL 5:18

A me u syiem U Blei U Bahakhlieh Tam Eh u la ai ha u Nebukhadnessar u kpa jong me ïa ka hima, bad ïa ka jingkhraw, bad ïa ka burom, bad ïa ka jingdonburom:

DANIEL 5:23

hynrei, me la kyntiew ïa lade pyrshah ïa U Trai ka bneng; bad ki la wallam ïa ki khiew ka ïing jong U ha khmat jong me, bad me bad ki rangbah jong me, ki tnga jong me bad ki tnga kliar jong me, phi la ïadih Waiñ da kita; bad me la ïaroh ïa ki blei kiba da ka rupa, bad da ka ksiar, da ka rnong, da u nar, da ka dieng, bad da u maw, ki bymïohi, lymne ïohsngew, lymne tip: bad ïa U Blei uba ha ka kti jong u ka jingring mynsiem jong me ka don, bad uba ki lynti jong me baroh ki long ki jong u, mem shym la pyndonburom.

DANIEL 5:3

Ynda kumta, ki la wallam ïa kita ki khiew ksiar ïa kiba la shim noh na ka templ ka ïing U Blei kaba ha Jerusalem; bad u syiem bad ki rangbah jong u, ki tnga jong u bad ki tnga kliar jong u, ki la ïadih da kita.

DANIEL 5:30

Ha kata hi ka miet, la pynïap ïa u Belshassar u syiem ki Khaldi.

DANIEL 5:4

Ki la ïadih Waiñ, bad ki la ïaroh ïa ki blei kiba da ka ksiar, bad da ka rupa, da ka rnong, da u nar, da ka dieng, bad da u maw.

JINGKHEIÑ 7:79

Ka jingainguh jong u, ka la long kawei ka pliang rupa kaba shispah laiphew shekel ka jingkhia jong ka, kawei ka khuri rupa kaba hynñiewphew shekel, katba kum ka shekel ka jaka kyntang; baroh ar kiba dap da u 'purew bani ba la khleh bad ka umphniang, ban long ka jingainguh bam;