DANIEL 5:16 - KA BAIBL

¹⁶ Hynrei, nga la ïohsngew shaphang jong me, ba me lah ban ai ki jingbatai, bad ban pynshai ïa ki jingeh: mynta lada me lah ban pule ïa kata ka jingthoh, bad ban pyntip ha nga ïa ka jingbatai jong ka, yn pynkup ïa me da ki jaiñ basaw bthuh, bad men ïoh u kynjri ksiar ha ka ryndang jong me, bad men ïoh long u nongsynshar u balai ha ka hima.”

Khasi CL Bible (BSI)

¹⁶ Mynta nga la ïohsngew ba me lah ban shem ïa ki jingmut barieh bad batai ïa ki jingmaïan. Lada me lah ban pule ïa kane ka jingthoh bad ïathuh ïa nga aïu ka kit jingmut, yn pynkup ïa me ha ki jaiñkup syiem ba sawbthuh, yn pyndeng ha me ïa u kynjri ksiar jong ka jingpyndonburom sawdong ka ryndang jong me, bad men long uba lai ha ka bor hapoh ka hima.”

DANIEL 5:16 ပူးပေါင်းရင်းမြစ်များ

JENESIS 40:8

Bad ki la ïathuh ha u, “Ngi la phohsniew ïa ka jingphohsniew, hynrei, ym don u ban batai ïa ka.” Bad u Joseph u la ong ha ki, “Ki jingbatai kim dei ki jong U Blei mo? To ïathuh ha nga ïa ki mynta, nga kyrpad ïa phi.”

JENESIS 41:15

Bad u Pharaoh u la ong ha u Joseph, “Nga la phohsniew ïa ka jingphohsniew, bad ym don ba lah ban batai ïa ka; te nga la bna shaphang jong me, ba me lah ban sngap ïa ka jingphohsniew ïa ka ban batai ïa ka.”

JENESIS 41:42

Bad u Pharaoh u la law noh ïa ka sa'ti na la ka kti, bad u la buh ïa ka ha ka kti u Joseph, bad u la pynkup ïa u da ki jaiñ 'sai ryndia bani, bad u la buh ïa u kynjri ksiar ha ka ryndang jong u;

DANIEL 2:48

Ynda kumta, u syiem u la kyntiew nam ïa u Daniel, bad u la ai bun ki jingai ki bakhraw ïa u, bad u la thung ïa u ban synshar halor kata ka shnat baroh jong ka Babilon, bad ban long u nongsynshar rangbah halor ki riewstad baroh jong ka ri Babilon.

DANIEL 2:6

Hynrei, lada phin pyni ïa kata ka jingphohsniew bad ïa ka jingbatai jong ka, phin ïoh na nga ïa ki jingai, bad ki buskit bad ka burom bakhraw: namar kata, pyni ha nga ïa kata ka jingphohsniew bad ïa ka jingbatai jong ka.”

DANIEL 5:29

Te u Belshassar u la hukum, bad ki la pynkup ïa u Daniel da ki jaiñ basaw bthuh, bad ki la pyndeng u kynjri ksiar ha ka ryndang jong u, bad ki la pynbna shaphang jong u, ba un long u nongsynshar u balai ha kata ka hima.

DANIEL 5:7

U syiem u la pyrta jam ban wallam hapoh ïa ki nongkren byrtong, ki Khaldi, bad ïa ki nongkren shwar, u syiem u la kren bad u la ong ïa ki riewstad jong ka Babilon, “Uno uno u ban pule ïa kane ka jingthoh, bad u ban pyni ha nga ïa ka jingbatai jong ka ruh, yn pynkup ïa u da ki jaiñ basaw bthuh, bad un ïoh u kynjri ksiar ha ka ryndang jong u, bad un ïoh long u nongsynshar u balai ha ka hima.”

DANIEL 6:2

bad halor kita ruh, ïa ki lai ngut ki rangbah, na kita, u Daniel u la long uwei; ba kita ki lyngskor kin ai jingkheiñ ïa ki, ba u syiem un ym luksan.

KI KAM 8:18

Te ynda u Simon u la ïohi ba da kaba buh ki kti ki apostol, la ai ïa U Mynsiem Bakhuid, u la tyrwa sbai ha ki,