DANIEL 5:14 - KA BAIBL

¹⁴ Nga la ïohsngew shaphang jong me, ba ka mynsiem jong kita ki blei ka don ha me, bad ba la shem ha me ka jingshai bad ka jingshemphang bad ka jingstad babha tam eh.

Khasi CL Bible (BSI)

¹⁴ Nga la ïohsngew ba u mynsiem jong ki blei bakhuid u don hapoh jong me bad ba me long uba tbit bad me don ka jingtip bad ka jingstad.

DANIEL 5:14 ပူးပေါင်းရင်းမြစ်များ

JENESIS 41:15

Bad u Pharaoh u la ong ha u Joseph, “Nga la phohsniew ïa ka jingphohsniew, bad ym don ba lah ban batai ïa ka; te nga la bna shaphang jong me, ba me lah ban sngap ïa ka jingphohsniew ïa ka ban batai ïa ka.”

JENESIS 41:38

Te u Pharaoh u la ong ha la ki shakri, “Ngi lah ban shem ïa u briew kat une, uba shong U Mynsiem U Blei ha u?”

DANIEL 2:22

U pynpaw ïa kiei kiei kiba jylliew bad kiba rieh: u tip aïu don ha ka jingdum, bad ka jingshai ka shong sah lem bad u.

DANIEL 4:8

Hynrei, ha ka bakhatduh u la wan ha khmat jong nga u Daniel, uba kyrteng ‘u Belteshassar’, kum ka kyrteng u blei jong nga, bad uba ka mynsiem kita ki blei bakhuid ka don ha u: bad nga la ïathuh ïa kata ka jingphohsniew ha khmat jong u, nga da ong,

DANIEL 5:13

Ynda kumta, la wallam ïa u Daniel hapoh ha khmat u syiem. U syiem u la kren bad u la ong ha u Daniel, “Me long uta u Daniel, uba na kita ki khun ka jinglongmraw jong ki Judah, ïa kiba u syiem u kpa jong nga u la wallam noh na ri Judah?

DANIEL 5:15

Te mynta, ïa ki riewstad, kita ki nongkren byrtong keiñ, la wallam hapoh ha khmat jong nga, ba kin pule ïa kane ka jingthoh, bad ban pyntip ha nga ïa ka jingbatai jong ka: hynrei, kim lah ban pyni ïa ka jingbatai jong ka.

DANIEL 6:3

Ynda kumta, une u Daniel u la kham donnam halor kita ki rangbah bad ki lyngskor, namar ba la don ka mynsiem ka babha eh ha u; bad u syiem u la pyrkhat ban buh ïa u halor ka hima baroh.