DANIEL 5:12 - KA BAIBL

¹² namar ïa ka mynsiem ka babha eh, bad ïa ka jingtip, bad ïa ka jingshemphang, ïa ka jingbatai ki jingphohsniew, bad ïa kaba pynpaw ïa ki jingong kiba dum, bad ïa kaba pynshai ïa ki jingeh, la shem ha une hi u Daniel, ïa uba u syiem u la kyrteng ‘u Belteshassar’. Mynta, to ai ba yn khot ïa u Daniel, bad un pyni ïa kata ka jingbatai.”

Khasi CL Bible (BSI)

¹² U la don ka jinglah kaba kham pher bad u long uba stad bad uba tbit ha kaba batai ïa ki jingphohsniew, uba ai jubab ïa ki jingkyntip, bad batai ïa ki jingmaïan; kumta to phah khot ïa une u briew, u Daniel, ïa uba u syiem u la ai kyrteng u Belteshassar, bad un ïathuh ïa phi aïu kane baroh ka kit jingmut.”

DANIEL 5:12 ပူးပေါင်းရင်းမြစ်များ

SALM 16:3

Te shaphang ki riewkhuid kiba ha ka khyndew, ki long ki babha tam, ha ki, ka jingsngewbha jong nga baroh ka don.

PROBERB 12:26

U bahok u long u nongïalam ïa la u paramarjan: hynrei, ka lynti u bymman ka pynbakla ïa ki.

PROBERB 17:27

Uta uba tyngkai ïa la ki ktien u don ka jingtip: bad uta uba thanda ka mynsiem u long u briew uba shemphang.

ESEKIEL 28:3

ha khmih, me long kham stad ïa u Daniel; ym don ka jingrieh ba ki lah ban buhrieh na me:

DANIEL 1:17

Te shaphang kine saw ngut ki samla, U Blei u la ai ïa ki ka jingtip bad ka buit ha ka jingnang bad ka jingstad baroh: bad u Daniel u la don ka jingshemphang ha ki jingithuhpaw bad ki jingphohsniew baroh.

DANIEL 1:7

Bad u rangbah ki ïunukh u la kyrteng ïa ki: ïa u Daniel u la khot “u Belteshassar”; bad ïa u Hananiah “u Shadrak”; bad ïa u Mishael “u Meshak”; bad ïa u Asariah “u Abednego”.

DANIEL 2:26

U syiem u la ïathuh bad u la ong ha u Daniel, uba ka kyrteng u Belteshassar, “Me lah ban pyntip ha nga ïa kata ka jingphohsniew ïa kaba nga la ïohi, bad ïa ka jingbatai de?”

DANIEL 4:19

Ynda kumta, u Daniel, uba kyrteng “u Belteshassar”, u la lyngngoh shi por, bad ki jingpyrkhat jong u ki la pynkhuslai ïa u. U syiem u la kren bad u la ong, “Ko Belteshassar, wat ai ba kata ka jingphohsniew, lane ka jingbatai, kan pynkhuslai ïa me.” U Belteshassar u la ïathuh bad u la ong, “Ko kynrad jong nga, kata ka jingphohsniew to kan long ïa ki nongshun jong me, bad ka jingbatai jong ka, ïa ki nongïaleh ïa me.

DANIEL 4:8

Hynrei, ha ka bakhatduh u la wan ha khmat jong nga u Daniel, uba kyrteng ‘u Belteshassar’, kum ka kyrteng u blei jong nga, bad uba ka mynsiem kita ki blei bakhuid ka don ha u: bad nga la ïathuh ïa kata ka jingphohsniew ha khmat jong u, nga da ong,

DANIEL 5:14

Nga la ïohsngew shaphang jong me, ba ka mynsiem jong kita ki blei ka don ha me, bad ba la shem ha me ka jingshai bad ka jingshemphang bad ka jingstad babha tam eh.

DANIEL 5:16

Hynrei, nga la ïohsngew shaphang jong me, ba me lah ban ai ki jingbatai, bad ban pynshai ïa ki jingeh: mynta lada me lah ban pule ïa kata ka jingthoh, bad ban pyntip ha nga ïa ka jingbatai jong ka, yn pynkup ïa me da ki jaiñ basaw bthuh, bad men ïoh u kynjri ksiar ha ka ryndang jong me, bad men ïoh long u nongsynshar u balai ha ka hima.”

DANIEL 6:3

Ynda kumta, une u Daniel u la kham donnam halor kita ki rangbah bad ki lyngskor, namar ba la don ka mynsiem ka babha eh ha u; bad u syiem u la pyrkhat ban buh ïa u halor ka hima baroh.

DANIEL 6:4

Ynda kumta, kita ki rangbah bad ki lyngskor ki la ïapyrshang ban wad daw ïa u Daniel shaphang ka kam ka hima; hynrei, kim lah shem daw lymne jingduna; namar ba u la long uba ngeit, ym shym la shem ïa ka jingbakla lane ka jingduna ha u.

KOLOSSAI 1:29

sha kaba nga trei minot ruh, da kaba pyneh katba kum kata ka jingtrei jong u, kaba trei borbah ha nga.