DANIEL 5:11 - KA BAIBL

¹¹ don u briew ha ka hima jong me, ha uba don ka mynsiem jong kita ki blei bakhuid; bad ha ki sngi u kpa jong me, ïa ka jingshai bad ïa ka jingshemphang bad ïa ka jingstad, kum ka jingstad ki blei, la shem ha u: bad u Nebukhadnessar syiem, u kpa jong me, uta u syiem, u kpa jong me keiñ, u la pynlong rangbah ïa u halor ki riewstad, ki nongkren byrtong, ki Khaldi, bad ki nongkren shwar;

Khasi CL Bible (BSI)

¹¹ U don u briew ha ka hima jong phi uba don ïa u mynsiem jong ki blei bakhuid hapoh jong u. Mynba u kpa jong phi u long syiem, une u briew u la pyn-i ka jingmut kaba bha, ka jingtip, bad ka jingstad kum ka jingstad jong ki blei. Bad u syiem Nebukhadnessar, u kpa jong phi, u la pynlong ïa u, u khlieh duh jong ki nongbatai kupar, ki nongleh myntor, ki nongleh byrtong, bad ki nongpeit kti.

DANIEL 5:11 ပူးပေါင်းရင်းမြစ်များ

JENESIS 41:38

Te u Pharaoh u la ong ha la ki shakri, “Ngi lah ban shem ïa u briew kat une, uba shong U Mynsiem U Blei ha u?”

2 SAMUEL 14:17

Ka shakri jong me te ka la ong, ‘Nga kyrpad ïa me, to ka ktien u syiem kynrad kan long ïa ka ban pyntngen’: naba u syiem kynrad u long kum u angel U Blei, ïa ka ban sngap ïa ka babha bad ïa ka basniew: bad U Trai U Blei jong me to un long lem bad me.”

ESEKIEL 28:3

ha khmih, me long kham stad ïa u Daniel; ym don ka jingrieh ba ki lah ban buhrieh na me:

ESEKIEL 28:4

da ka jingstad jong me bad da ka jingshemphang jong me, me la ïoh spah ïa lade, bad me la ïoh ksiar bad rupa ha ki jingkynshew jong me:

DANIEL 1:4

ïa ki samla bymdon ka jingthoh dak, hynrei, kiba bhabriew, bad kiba don buit ha ka jingstad baroh, bad ki basian ha ka jingtip, bad kiba sngewthuh ïa ka tynrai ka jingstad, bad kiba nang ban ïeng ha ka ïing u syiem; bad ba un hikai ïa ki ka jingstad bad ka ktien ki Khaldi.

DANIEL 2:11

Bad ka long ka bym ju don kaba u syiem u pan, bad ym don uno uno uba lah ban pyni ïa ka ha khmat u syiem, hynrei, tang kita ki blei, kiba ka jaka shong jong ki kam long lem bad ka doh.”

DANIEL 2:22

U pynpaw ïa kiei kiei kiba jylliew bad kiba rieh: u tip aïu don ha ka jingdum, bad ka jingshai ka shong sah lem bad u.

DANIEL 4:18

Ïa kane ka jingphohsniew, nga, u Nebukhadnessar syiem, nga la ïohi: bad ma me te, ko Belteshassar, to ïathuh ïa ka jingbatai jong ka, namar ba ki riewstad baroh ka hima jong nga kim lah ban pyntip ha nga ïa kata ka jingbatai; hynrei, me, me lah, naba ka mynsiem jong kita ki blei bakhuid ka don ha me.”

DANIEL 4:5

Nga la ïohi ïa ka jingphohsniew kaba la pynsheptieng ïa nga; bad ki jingpyrkhat halor ka jingthiah jong nga bad ki jingithuhpaw ka khlieh jong nga ki la pynkhuslai ïa nga.

DANIEL 4:6

Namar kata, nga la hukum ban wallam hapoh ha khmat jong nga ïa ki riewstad baroh jong ka Babilon, ba kin pyntip ha nga ïa ka jingbatai jong kata ka jingphohsniew.

DANIEL 5:14

Nga la ïohsngew shaphang jong me, ba ka mynsiem jong kita ki blei ka don ha me, bad ba la shem ha me ka jingshai bad ka jingshemphang bad ka jingstad babha tam eh.

DANIEL 5:7

U syiem u la pyrta jam ban wallam hapoh ïa ki nongkren byrtong, ki Khaldi, bad ïa ki nongkren shwar, u syiem u la kren bad u la ong ïa ki riewstad jong ka Babilon, “Uno uno u ban pule ïa kane ka jingthoh, bad u ban pyni ha nga ïa ka jingbatai jong ka ruh, yn pynkup ïa u da ki jaiñ basaw bthuh, bad un ïoh u kynjri ksiar ha ka ryndang jong u, bad un ïoh long u nongsynshar u balai ha ka hima.”

KI KAM 12:22

Te uta u paidbah u la risa, u da ong, “Ka jingkren u blei, ym ka jong u briew.”

KI KAM 14:11

Te haba kita ki paidbah ki la ïohi ïa kaba u Paul u la leh, ki la pynjam ïa la ka ktien, ki da ong ha ka ktien Lykaonia, “Ki blei ki la wan hiar ha ngi ha ka dur briew.”

KI KAM 16:16

Ka la jia ruh, haba ngi dang ïaleit sha ka jaka duwai, ba kawei ka shakri kaba shong ksuid ba kren blei ka la ïakynduh bad ngi, kaba ju pynïoh shibun ka jingmyntoi ïa ki kynrad jong ka da kaba kren byrtong.

JINGPYNPAW 3:9

Ha khmih, nga aiti noh ïa kiba na kata ka synagog u Soitan, kiba ong ba ki long ki Jiw, bad kim long, hynrei, ki lamler; ha khmih, ngan pynleh ïa kita ba kin wan bad ïamane ha khmat ki kjat jong pha, bad ba kin tip ba nga la ieit ma nga ïa pha.