DANIEL 5:1 - KA BAIBL

¹ U Belshassar syiem u la thaw ïa ka jingkhawai bakhraw ïa ki shi hajar na ki rangbah jong u, bad u la dih Waiñ ha khmat jong kita ki shi hajar.

Khasi CL Bible (BSI)

¹ Ha kawei ka miet u syiem Belshassar u la khot sngewbha shihajar ngut ki rangbah donburom sha ka jingkhawai kaba khraw, bad ki la ïadih waiñ lang.

DANIEL 5:1 ပူးပေါင်းရင်းမြစ်များ

JENESIS 40:20

Bad ha ka balai sngi ka la jia lyngkhuh ka sngi kha jong u Pharaoh, bad u la thaw ïa ka jingkhawai ïa la ki shakri baroh: bad u la kyntiew ïa ka khlieh ka jong u rangbah ki nongrah khuri, bad ïa ka jong u rangbah ki nongshet kpu hapdeng ki shakri jong u.

ESTHER 1:3

ha ka balai snem ka jingsynshar jong u, u la thaw ka jingkhawai ïa ki rangbah bad ki shakri jong u baroh; ka bor ka ri Persha bad Media, ki bakhraw batri bad ki rangbah jong ki shnat, ki ïadon ha khmat jong u:

ISAÏAH 22:12

Ha kata ka sngi ruh, U Trai, U Trai ki paid, u la khot ïa ka ban ïam, bad ïa ka ban ïam sngewsih, bad ïa ka ban pynlyndum khlieh, bad ïa ka ban panpoh jaiñ byrni:

ISAÏAH 22:14

Te U Trai ki paid u la pasiaw ïa lade ha ki shkor jong nga, “Da shisha ïa kane ka jingbymhok yn ym pyndam noh na phi haduh ba phin da ïap, ong U Trai, U Trai ki paid.”

JEREMAÏAH 50:35

“Ka waitlam ka don halor ki Khaldi,” ong U Trai, “bad halor kiba shong ha Babilon, bad halor ki rangbah jong ka, bad halor ki riewstad jong ka.

JEREMAÏAH 51:39

Haba ki la shit, ngan khreh ka jingkhawai ïa ki, bad ngan pynbuaid ïa ki, ba kin ïashadkmen, bad ba kin thiah noh junom, bad ba kin ym peit shuh,” ong U Trai.

JEREMAÏAH 51:57

Bad ngan pynbuaid ïa ki rangbah jong ka bad ïa ki riewstad jong ka, ïa ki nongsynshar jong ka bad ïa ki deputi jong ka, bad ïa ki riewkhlaiñ jong ka; bad kin thiah ïa ka jingïohthiah kaba ha la ka rta, bad kin ym peit shuh,” ong U Syiem uba ka kyrteng jong u long “U Trai ki paid.”

DANIEL 5:30

Ha kata hi ka miet, la pynïap ïa u Belshassar u syiem ki Khaldi.

NAHUM 1:10

Namar la ki long kum ki dieng shiah ba la suhsat, bad kumba la pynwieh ïa ki ha la ka jingdih, yn thang duh noh ïa ki kum u 'lang tyrkhong.