DANIEL 4:9 - KA BAIBL

⁹ ‘Ko Belteshassar, u rangbah ki riewstad, namar ba nga tip ba ka mynsiem jong kita ki blei bakhuid ka don ha me, bad ba ym don ka jingbuhrieh kaba eh ïa me, to ong ha nga ïa ki jingithuhpaw ka jingphohsniew jong nga ïa kiba nga la ïohi, bad ïa ka jingbatai jong ki ruh.

Khasi CL Bible (BSI)

⁹ Ko Belteshassar, u rangbah jong ki nongbatai kupar, nga tip ba u mynsiem jong ki blei bakhuid u don hapoh jong me, bad ba me shemphang ïa ki jingmaïan baroh. Kane ka long ka jingphohsniew jong nga. To ïathuh ïa nga kaei ka jingmut jong ka.

DANIEL 4:9 ပူးပေါင်းရင်းမြစ်များ

JENESIS 41:38

Te u Pharaoh u la ong ha la ki shakri, “Ngi lah ban shem ïa u briew kat une, uba shong U Mynsiem U Blei ha u?”

ISAÏAH 33:18

Ka dohnud jong me kan ïapyrkhat ïa kata ka jingshyrkhei: “Shano uta uba la ñiew, shano uta uba thew ïa ka khajna? Shano uta uba la kheiñ ïa ki ïing phira?”

ISAÏAH 54:14

Ha ka hok yn pynskhem ïa pha: phan long jngai na kaba banbeiñ, naba phan ym sheptieng; na kaba shyrkhei ruh, naba kan ym wan hajan jong pha.

ESEKIEL 17:23

ha u lum ka jingjrong jong u Israel ngan thung ïa i: bad in kha ki tnat, bad in sei soh, bad in long u dieng Kedar uba itynnad: bad hapoh jong u kin ïashong baroh ki sim kiba man ki rukom thapniang; ha ka syrngiew ki tnat jong u kin ïashong.

ESEKIEL 28:3

ha khmih, me long kham stad ïa u Daniel; ym don ka jingrieh ba ki lah ban buhrieh na me:

DANIEL 1:20

Bad ha ka jingstad bad ka jingshemphang baroh, shaphang kiba u syiem u la kylli ïa ki, u la shem ba ki la kham nang shiphew shah ban ïa ki riewstad bad ki nongleh byrtong baroh kiba ha ka hima jong u baroh.

DANIEL 2:47

U syiem u la ïathuh ha u Daniel, bad u la ong, “Da kaba shisha, U Blei jong phi u long U Blei ki blei, bad U Trai ki syiem, bad u nongpynpaw ïa ki jingbuhrieh, naba me la lah ban pynpaw ïa kane ka jingbuhrieh.”

DANIEL 2:48

Ynda kumta, u syiem u la kyntiew nam ïa u Daniel, bad u la ai bun ki jingai ki bakhraw ïa u, bad u la thung ïa u ban synshar halor kata ka shnat baroh jong ka Babilon, bad ban long u nongsynshar rangbah halor ki riewstad baroh jong ka ri Babilon.

DANIEL 4:18

Ïa kane ka jingphohsniew, nga, u Nebukhadnessar syiem, nga la ïohi: bad ma me te, ko Belteshassar, to ïathuh ïa ka jingbatai jong ka, namar ba ki riewstad baroh ka hima jong nga kim lah ban pyntip ha nga ïa kata ka jingbatai; hynrei, me, me lah, naba ka mynsiem jong kita ki blei bakhuid ka don ha me.”

DANIEL 4:5

Nga la ïohi ïa ka jingphohsniew kaba la pynsheptieng ïa nga; bad ki jingpyrkhat halor ka jingthiah jong nga bad ki jingithuhpaw ka khlieh jong nga ki la pynkhuslai ïa nga.

DANIEL 4:8

Hynrei, ha ka bakhatduh u la wan ha khmat jong nga u Daniel, uba kyrteng ‘u Belteshassar’, kum ka kyrteng u blei jong nga, bad uba ka mynsiem kita ki blei bakhuid ka don ha u: bad nga la ïathuh ïa kata ka jingphohsniew ha khmat jong u, nga da ong,

DANIEL 5:11

don u briew ha ka hima jong me, ha uba don ka mynsiem jong kita ki blei bakhuid; bad ha ki sngi u kpa jong me, ïa ka jingshai bad ïa ka jingshemphang bad ïa ka jingstad, kum ka jingstad ki blei, la shem ha u: bad u Nebukhadnessar syiem, u kpa jong me, uta u syiem, u kpa jong me keiñ, u la pynlong rangbah ïa u halor ki riewstad, ki nongkren byrtong, ki Khaldi, bad ki nongkren shwar;

1 SAMUEL 4:8

Kordit ïa ngi! uei u ban pynim ïa ngi na ka kti jong kine ki blei kiba don bor? Dei kine ki blei kiba la shoh ïa ki Ijipt da kita ki jingïapthem baroh ha kata ka ri khlaw.