DANIEL 4:8 - KA BAIBL

⁸ Hynrei, ha ka bakhatduh u la wan ha khmat jong nga u Daniel, uba kyrteng ‘u Belteshassar’, kum ka kyrteng u blei jong nga, bad uba ka mynsiem kita ki blei bakhuid ka don ha u: bad nga la ïathuh ïa kata ka jingphohsniew ha khmat jong u, nga da ong,

Khasi CL Bible (BSI)

⁸ Te u Daniel u la wan shapoh. (La khot ruh ïa u, u Belteshassar, ha ka kyrteng u blei jong nga.) U mynsiem jong ki blei bakhuid u don hapoh jong u, kumta nga la ïathuh ha u ïa kaei kaba nga la phohsniew. Nga la ong ha u:

DANIEL 4:8 ပူးပေါင်းရင်းမြစ်များ

JENESIS 41:38

Te u Pharaoh u la ong ha la ki shakri, “Ngi lah ban shem ïa u briew kat une, uba shong U Mynsiem U Blei ha u?”

ISAÏAH 46:1

U Bel u dem khrup, u Nebo u dor ryngkhung; ki durblei jong ki, ki kit halor ki mrad, bad halor ki masi: kita kiei kiei kiba phi leit lam bad phi la pynlong jingkit, ka jingkit khia ïa u mrad bathait eh.

ISAÏAH 63:11

Ynda kumta, u la kynmaw ïa ki sngi mynbarim, ïa u Moses, bad ïa u paidlang jong u, kiba la ong, “Hangno uta uba la wallam ïa ki na ka duriaw lem bad ki nongsharai ïa ka kynhun jong u? Hangno uta uba la buh ïa la U Mynsiem Bakhuid hapdeng jong ki?

JEREMAÏAH 50:2

“To ïathuh phi hapdeng ki jaid bynriew bad to pynbna, bad to pynïeng ïa ka lama; to pynbna, bad wat buhrieh: to ong, ‘Ïa ka Babilon la jop, ïa u Bel la pynlehrain, u Merodak u la khaw-eit; ïa ki dur jong ka la pynlehrain, ki durblei jong ka ki la khaw-eit.’

ESEKIEL 17:23

ha u lum ka jingjrong jong u Israel ngan thung ïa i: bad in kha ki tnat, bad in sei soh, bad in long u dieng Kedar uba itynnad: bad hapoh jong u kin ïashong baroh ki sim kiba man ki rukom thapniang; ha ka syrngiew ki tnat jong u kin ïashong.

DANIEL 1:7

Bad u rangbah ki ïunukh u la kyrteng ïa ki: ïa u Daniel u la khot “u Belteshassar”; bad ïa u Hananiah “u Shadrak”; bad ïa u Mishael “u Meshak”; bad ïa u Asariah “u Abednego”.

DANIEL 2:11

Bad ka long ka bym ju don kaba u syiem u pan, bad ym don uno uno uba lah ban pyni ïa ka ha khmat u syiem, hynrei, tang kita ki blei, kiba ka jaka shong jong ki kam long lem bad ka doh.”

DANIEL 2:26

U syiem u la ïathuh bad u la ong ha u Daniel, uba ka kyrteng u Belteshassar, “Me lah ban pyntip ha nga ïa kata ka jingphohsniew ïa kaba nga la ïohi, bad ïa ka jingbatai de?”

DANIEL 3:14

U Nebukhadnessar u la ïathuh bad u la ong ha ki, “Ka long kaba shisha, ko Shadrak, Meshak bad Abednego, ba phim shakri ïa u blei jong nga, lymne mane ïa kata ka durblei ksiar kaba nga la pynïeng?

DANIEL 4:18

Ïa kane ka jingphohsniew, nga, u Nebukhadnessar syiem, nga la ïohi: bad ma me te, ko Belteshassar, to ïathuh ïa ka jingbatai jong ka, namar ba ki riewstad baroh ka hima jong nga kim lah ban pyntip ha nga ïa kata ka jingbatai; hynrei, me, me lah, naba ka mynsiem jong kita ki blei bakhuid ka don ha me.”

DANIEL 4:9

‘Ko Belteshassar, u rangbah ki riewstad, namar ba nga tip ba ka mynsiem jong kita ki blei bakhuid ka don ha me, bad ba ym don ka jingbuhrieh kaba eh ïa me, to ong ha nga ïa ki jingithuhpaw ka jingphohsniew jong nga ïa kiba nga la ïohi, bad ïa ka jingbatai jong ki ruh.

DANIEL 5:14

Nga la ïohsngew shaphang jong me, ba ka mynsiem jong kita ki blei ka don ha me, bad ba la shem ha me ka jingshai bad ka jingshemphang bad ka jingstad babha tam eh.