DANIEL 4:6 - KA BAIBL

⁶ Namar kata, nga la hukum ban wallam hapoh ha khmat jong nga ïa ki riewstad baroh jong ka Babilon, ba kin pyntip ha nga ïa ka jingbatai jong kata ka jingphohsniew.

Khasi CL Bible (BSI)

⁶ Nga la hukum ban wallam sha nga ïa baroh ki nongai jingmut jong u syiem ha Babilon khnang ba ki lah ban ïathuh ha nga kaei ka jingmut jong ka jingphohsniew.

DANIEL 4:6 ပူးပေါင်းရင်းမြစ်များ

EKSODOS 7:11

Ynda kumta, u Pharaoh ruh u la khot ïa ki riewstad, bad ïa ki nongleh byrtong: te ki nongleh byrtong ka ri Ijipt, ki hi ruh ki la leh kumjuh da ki jingleh myntor jong ki.

ISAÏAH 8:19

Te haba kin ong ïa phi, “Wad ïa ki nongkren blei bad ïa ki nongkren byrtong, kiba pah krik krik bad kiba kren blom blom”: kam dei ïa u paidlang ban wad ïa U Blei jong u? na ka bynta ki ba-im hato kin leit wad na ki baïap?

DANIEL 1:17

Te shaphang kine saw ngut ki samla, U Blei u la ai ïa ki ka jingtip bad ka buit ha ka jingnang bad ka jingstad baroh: bad u Daniel u la don ka jingshemphang ha ki jingithuhpaw bad ki jingphohsniew baroh.

DANIEL 2:2

Ynda kumta, u syiem u la hukum ban khot ïa ki riewstad, bad ki nongleh byrtong, bad ki nongkheiñ ksuid, bad ki Khaldi, ban ïathuh ha u syiem ïa ki jingphohsniew jong u. Kumta, ki la wan hapoh bad ki la ïeng ha khmat u syiem.

DANIEL 2:48

Ynda kumta, u syiem u la kyntiew nam ïa u Daniel, bad u la ai bun ki jingai ki bakhraw ïa u, bad u la thung ïa u ban synshar halor kata ka shnat baroh jong ka Babilon, bad ban long u nongsynshar rangbah halor ki riewstad baroh jong ka ri Babilon.

DANIEL 4:15

Hynrei, to iehnoh ïa ka dyngkhong ki thied jong u ha ka khyndew, da ka jingspaiñ nar bad rnong, ha u 'lang lung ka khyndew. To ai ba yn synreit ïa u da ka umjer bneng, bad ai ba ka bynta jong u kan long ryngkat bad ki mrad ha u phlang jong ka khyndew:

DANIEL 5:11

don u briew ha ka hima jong me, ha uba don ka mynsiem jong kita ki blei bakhuid; bad ha ki sngi u kpa jong me, ïa ka jingshai bad ïa ka jingshemphang bad ïa ka jingstad, kum ka jingstad ki blei, la shem ha u: bad u Nebukhadnessar syiem, u kpa jong me, uta u syiem, u kpa jong me keiñ, u la pynlong rangbah ïa u halor ki riewstad, ki nongkren byrtong, ki Khaldi, bad ki nongkren shwar;

DANIEL 5:7

U syiem u la pyrta jam ban wallam hapoh ïa ki nongkren byrtong, ki Khaldi, bad ïa ki nongkren shwar, u syiem u la kren bad u la ong ïa ki riewstad jong ka Babilon, “Uno uno u ban pule ïa kane ka jingthoh, bad u ban pyni ha nga ïa ka jingbatai jong ka ruh, yn pynkup ïa u da ki jaiñ basaw bthuh, bad un ïoh u kynjri ksiar ha ka ryndang jong u, bad un ïoh long u nongsynshar u balai ha ka hima.”