DANIEL 4:5 - KA BAIBL

⁵ Nga la ïohi ïa ka jingphohsniew kaba la pynsheptieng ïa nga; bad ki jingpyrkhat halor ka jingthiah jong nga bad ki jingithuhpaw ka khlieh jong nga ki la pynkhuslai ïa nga.

Khasi CL Bible (BSI)

⁵ Hynrei nga la ïoh ka jingphohsniew kaba pynsheptieng bad nga la ïohi ki jingïohipaw kiba shyrkhei mynba nga dang ïohthiah.

DANIEL 4:5 ပူးပေါင်းရင်းမြစ်များ

JENESIS 41:1

Ka la jia te ynda la dap ar snem, ba u Pharaoh u la phohsniew: bad ha khmih, u da ïeng harud ka wah.

DANIEL 1:7

Bad u rangbah ki ïunukh u la kyrteng ïa ki: ïa u Daniel u la khot “u Belteshassar”; bad ïa u Hananiah “u Shadrak”; bad ïa u Mishael “u Meshak”; bad ïa u Asariah “u Abednego”.

DANIEL 2:1

Te ha ka snem ka ba-ar ka jingsynshar u Nebukhadnessar, u Nebukhadnessar u la phohsniew ki jingphohsniew; bad la pynkhuslai ïa ka mynsiem jong u, bad ka jingïohthiah jong u ka la duh noh na u.

DANIEL 2:3

Bad u syiem u la ong ha ki, “Nga la phohsniew ka jingphohsniew, bad la pynkhuslai ïa ka mynsiem jong nga ban tip ïa kata ka jingphohsniew.”

DANIEL 4:10

Ki jingithuhpaw ka khlieh jong nga halor ka jingthiah jong nga ki la long kumne: Nga la ïohi, bad ha khmih, u dieng hapdeng ka khyndew, bad ka jingjrong jong u ka la long kaba khraw.

DANIEL 4:13

“Nga la ïohi ha ki jingithuhpaw ka khlieh jong nga halor ka jingthiah jong nga, bad, ha khmih, u nongap phira bad u bakhuid ruh u la wan hiar na bneng.

DANIEL 4:15

Hynrei, to iehnoh ïa ka dyngkhong ki thied jong u ha ka khyndew, da ka jingspaiñ nar bad rnong, ha u 'lang lung ka khyndew. To ai ba yn synreit ïa u da ka umjer bneng, bad ai ba ka bynta jong u kan long ryngkat bad ki mrad ha u phlang jong ka khyndew:

DANIEL 4:19

Ynda kumta, u Daniel, uba kyrteng “u Belteshassar”, u la lyngngoh shi por, bad ki jingpyrkhat jong u ki la pynkhuslai ïa u. U syiem u la kren bad u la ong, “Ko Belteshassar, wat ai ba kata ka jingphohsniew, lane ka jingbatai, kan pynkhuslai ïa me.” U Belteshassar u la ïathuh bad u la ong, “Ko kynrad jong nga, kata ka jingphohsniew to kan long ïa ki nongshun jong me, bad ka jingbatai jong ka, ïa ki nongïaleh ïa me.

DANIEL 5:10

Te ka syiem, namar ki ktien u syiem bad ki rangbah jong u, ka la wan hapoh kata ka ïing khawai: bad ka syiem ka la kren bad ka la ong, “Ko syiem, to im ha la ka rta; wat ai ba ki jingpyrkhat jong me kin pynkhuslai ïa me, lymne wat ai ba ka khmat jong me kan kylla:

DANIEL 5:11

don u briew ha ka hima jong me, ha uba don ka mynsiem jong kita ki blei bakhuid; bad ha ki sngi u kpa jong me, ïa ka jingshai bad ïa ka jingshemphang bad ïa ka jingstad, kum ka jingstad ki blei, la shem ha u: bad u Nebukhadnessar syiem, u kpa jong me, uta u syiem, u kpa jong me keiñ, u la pynlong rangbah ïa u halor ki riewstad, ki nongkren byrtong, ki Khaldi, bad ki nongkren shwar;

DANIEL 7:1

Ha ka snem ka banyngkong ka jong u Belshassar u syiem ka Babilon, u Daniel u la phohsniew bad u la ïohi ki jingithuhpaw halor ka jingthiah jong u: ynda kumta, u la thoh ïa kata ka jingphohsniew bad u la ïathuh ïa ka jingkyllum jong kita kiei kiei ruh.

DANIEL 7:28

“Kane ka long ka bakut jong kata ka kam. Nga hi u Daniel, ki jingpyrkhat jong nga ki la pynkhuslai shibun ïa nga, bad ka khmat jong nga ka la kylla bak ha nga: hynrei, nga la rieh ïa kata ka kam ha la ka dohnud.”