DANIEL 4:36 - KA BAIBL

³⁶ “Ha kata hi ka por, ka jingshemphang jong nga ka la wan phai sha nga; bad na ka bynta ka burom ka hima jong nga, ka burom syiem bad ka jingitynnad jong nga ki la wan phai pat sha nga; bad ki riewsaid jong nga bad ki rangbah jong nga ki la ïawad ïa nga; bad la pynskhem ïa nga ha ka hima jong nga, bad ka jingkhraw bor la pynlang ha nga.

Khasi CL Bible (BSI)

³⁶ “Haba ka jingtipbriew jong nga ka la wan phai, ïa ka burom jong nga, ka jinglong syiem jong nga, bad ka burom jong ka hima jong nga la ai pat ha nga. Ki rangbah synshar jong nga bad ki rangbah donburom jong nga ki la pdiang sngewbha ïa nga, bad la ai pat ha nga ïa ka bor ba kynja syiem, bad wat ka jingpyndonburom kaba kham khraw ban ïa kaba mynshuwa.

DANIEL 4:36 ပူးပေါင်းရင်းမြစ်များ

Ka Kitab U Job 13:12

Ki ktien stad jong phi ki long ki proberb dpei, ki jingïada jong phi ki long ki jingïada kiba da ka 'dewbyrtha.

PROBERB 22:4

Ka nong ka jingsngewrit bad ka jingsheptieng ïa U Trai long ka spah, bad ka burom, bad ka jingim.

DANIEL 2:31

“Me, ko syiem, me la ïohi, bad ha khmih ka durblei kaba khraw. Kane ka durblei, kaba la long kaba heh, bad kaba ka jingtyngshaiñ jong ka, kaba itynnad tam, ka la ïeng ha khmat jong me; bad ka dur jong ka, ka la long kaba shyrkhei.

DANIEL 4:22

uta, u long ma me, ko syiem, uba la nang khraw bad uba la nang khlaiñ: namar ka jingkhraw jong me ka la nang san, bad ka la kot haduh bneng, bad ka jingsynshar jong me haduh ka bakut ka khyndew.

DANIEL 4:32

Bad yn beh noh ïa me na ki briew, bad ka jaka shong jong me kan long ryngkat bad ki mrad khlaw; bad yn pynbam phlang ïa me kum ki masi dab, bad hynñiew ki aïom kin lut ha me; tad ynda me la tip ba U Bahakhlieh Tam Eh u synshar ha ka hima jong ki briew, bad ba u ai ïa ka ha uba u mon hi.”

DANIEL 4:34

“Te ha ka bakut kita ki sngi, nga, u Nebukhadnessar, nga la khmied la ki khmat sha bneng, bad ka jingshemphang jong nga ka la wan phai pat sha nga, bad nga la kyrkhu ïa U Bahakhlieh Tam Eh, bad nga la ïaroh bad nga la pyndonburom ïa uta u ba-im junom; “namar ka jingsynshar jong u ka long ka jingsynshar bymjukut, bad ka hima jong u pateng la pateng bynriew:

MATHAÏOS 6:33

Hynrei, phin ïawad shuwa ïa ka hima U Blei, bad ïa ka hok jong u: te ïa kine kiei kiei baroh, yn sa ai lang tam ha phi.

2 KORINTH 4:17

Namar ka jingjynjar basting jong ngi kaba tang shibit, ka nang pynlong na ka bynta jong ngi ka jingkhia ka burom kaba palat eh bad ka bymjukut,

1 SAMUEL 2:30

Namar kata, U Trai, uba U Blei ki Israel, u ong, ‘Nga la ong shisha ba ka ïing jong me, bad ka ïing u kpa jong me, kin ïaid ha khmat jong nga junom:’ hynrei, mynta U Trai u ong, ‘Kata kaba eh ïa nga; naba kiba pyndonburom ïa nga, ïa kita nga ruh ngan pyndonburom, te ïa kita kiba ñiewbeiñ ïa nga, yn ñiewbeiñ kylliang ïa ki.