DANIEL 4:34 - KA BAIBL

³⁴ “Te ha ka bakut kita ki sngi, nga, u Nebukhadnessar, nga la khmied la ki khmat sha bneng, bad ka jingshemphang jong nga ka la wan phai pat sha nga, bad nga la kyrkhu ïa U Bahakhlieh Tam Eh, bad nga la ïaroh bad nga la pyndonburom ïa uta u ba-im junom; “namar ka jingsynshar jong u ka long ka jingsynshar bymjukut, bad ka hima jong u pateng la pateng bynriew:

Khasi CL Bible (BSI)

³⁴ “Haba ki hynñiew snem ki la leit,” la ong u syiem, “Nga la khmih shajrong sha sahit bneng, bad ka jingtipbriew jong nga ka la wan phai. Nga la ïaroh ïa U Blei Bahakhlieh Tam Eh bad nga la ai ka jingpyndonburom bad ka burom ïa uta uba im junom. “Un synshar junom, bad ka hima jong u kan neh ha ki por baroh.

DANIEL 4:34 ပူးပေါင်းရင်းမြစ်များ

2 SAMUEL 22:31

U Blei uba janai la ka lynti; ïa ka ktien jong U Trai la pynphrang; u long ka stieh ha kita baroh kiba shaniah ha u.

1 KHRONIKL 29:10

Namar kata, u Dabid u la kyrkhu ïa U Trai ha khmat u paidlang baroh: bad u Dabid u la ong, “Long ba la kyrkhu ïa me, A Trai, U Blei jong u Israel u kpa jong ngi, junom la junom.

1 KHRONIKL 29:13

Mynta, namar kata, A U Blei jong ngi, ngi nguh ïa me, bad ngi ïaroh ïa ka kyrteng ba-donburom jong me.

Ka Kitab U Job 1:21

bad u la ong, “Lyngkhuit nga la mih na ka kpoh ka kmie jong nga, bad lyngkhuit ngan phai pat shata: U Trai u la ai, bad U Trai u la shim noh; long ba la kyrkhu ïa ka kyrteng U Trai.”

SALM 10:16

U Trai u long syiem junom junom: ki jaid bynriew ki la ïap duh noh na ka ri jong u.

SALM 102:24

Nga la ong, “A U Blei jong nga, wat shim noh ïa nga hapdeng ki sngi jong nga: ki snem jong me ki sah pateng la pateng baroh.”

SALM 107:15

A ban da kin da ïaroh ïa U Trai namar ki jinglehbha jong u, bad namar ki kam ki baphylla jong u ïa u khun bynriew!

SALM 107:22

To kin ai ruh ki jingkñia ka jingainguh, bad kin pynbna ïa ki kam jong u da ka jingrwai.

SALM 107:31

A ban da kin da ïaroh ïa U Trai namar ka jinglehbha jong u, bad namar ki kam ki baphylla jong u ïa u khun bynriew!

SALM 107:8

A ban da kin da ïaroh ïa U Trai namar ka jinglehbha jong u, bad namar ki kam ki baphylla jong u ïa u khun bynriew.

SALM 111:7

Ki kam ki kti jong u ki long ka jingshisha bad ka jingbishar; ki hukum jong u baroh kiba skhem.

SALM 121:1

Ngan khmied ïa la ki khmat sha ki lum: nangno kan wan ka jingïarap jong nga?

SALM 123:1

Sha me nga khmied ïa la ki khmat, A me uba shong ha ki bneng.

SALM 145:13

Ka hima jong me ka long ka hima bymjukut, bad ka jingsynshar jong me ka neh pateng la pateng bynriew.

SALM 146:10

U Trai un synshar junom, U Blei jong pha keiñ, ko Seïon, pateng la pateng bynriew. To ïaroh ïa U Trai.

SALM 50:14

To ai ha U Blei ïa ka jingkñia ka jingainguh; bad to siew ïa ki kular jong me ha U Bahakhlieh Tam:

SALM 66:7

U synshar da la ka bor junom; ki khmat jong u ki khmih ïa ki jaid bynriew: wat ai ba kiba kiat kin kyntiew ïa lade. Selah.

SALM 7:17

Ngan ainguh ha U Trai katba kum ka hok jong u: bad ngan rwai ka jingïaroh ha ka kyrteng U Trai U Bahakhlieh Tam Eh.

SALM 9:2

Ngan sngewkmen bad ngan leh risa ha me: ngan rwai ïaroh ïa ka kyrteng jong me, A me U Bahakhlieh Tam Eh.

SALM 92:1

Ka long ka babha ban ainguh ïa U Trai, bad ban rwai ki jingïaroh ïa ka kyrteng jong me, A U Bahakhlieh Tam Eh:

ISAÏAH 13:11

Te ngan pynshitom ïa ka pyrthei namar ka jingsniew jong ki, bad ïa ki bymman namar ka jingbymhok jong ki; ngan pynwai noh ruh ïa ka jingleh khraw jong uba sarong, bad ngan pynpoh ïa ka jingleh meng jong uba ishyrkhei.

ISAÏAH 2:11

Ïa ka jingkhmih basarong jong u briew yn pynpoh, bad ïa ka jingmeng ki briew yn pyndem, te tang ïa U Trai hi yn pynkyntiew ha kata ka sngi.

ISAÏAH 24:15

Namar kata, phi to pyndonburom ïa U Trai ha mihngi, ïa ka kyrteng U Trai keiñ, U Blei ki Israel, ha ki 'dewlynnong ka duriaw.

JEREMAÏAH 10:10

Hynrei, U Trai u long U Blei uba shisha; u long U Blei u ba-im, bad u syiem u bajunom: ha ka jingbitar jong u ka khyndew ka khynñiuh, bad ki jaid bynriew kim lah shah ïa ka jingbitar baïaibat jong u.

SNGEWSYNEI 3:38

Na ka shyntur U Bahakhlieh Tam kam wan ka babha bad ka basniew?

DANIEL 12:7

Bad nga la ïohsngew ïa uta u briew uba la kup jaiñ linen, uba la don halor ki um jong kata ka wah, mynba u la rah ïa ka kti kamon jong u bad ïa ka kti kadiang jong u sha bneng, bad ba u la smai ha uta u ba-im ha la ka rta ba kan long shi por, ki por, bad ka shiteng; bad ynda ki la lah pynduh ïa ka bor jong kita ki briew ki bakhuid, ïa kine baroh yn sa pyndep.

DANIEL 2:44

Te ha ki sngi jong kita ki syiem, U Blei ka bneng un pynïeng ïa ka hima, ïa kaba yn ym pynduh lano lano ruh, lymne yn ym iehnoh ïa ka jingsynshar jong ka ha kawei pat ka jaid bynriew; hynrei, kan pynlwet bad kan bam duh ïa kine ki hima baroh bad kan ïaisah bymjukut.

DANIEL 4:2

Nga la ibit ban pyni ïa ki dak khyllah bad ïa ki jingphylla ïa kiba U Blei U Bahakhlieh Tam Eh u la leh ïa nga.

DANIEL 4:26

Bad ha kata ba ki la hukum ban iehnoh ïa ka dyngkhong ki thied, ka hima jong me kan skhem ha me, ynda me la tip ba ki bneng ki synshar.

DANIEL 4:3

“Kiba khraw katno ki long ki dak khyllah jong u! bad kiba don bor katno ki long ki jingphylla jong u! ka hima jong u ka long ka hima bymjukut, bad ka jingsynshar jong u kaba ha la ka rta.

DANIEL 4:32

Bad yn beh noh ïa me na ki briew, bad ka jaka shong jong me kan long ryngkat bad ki mrad khlaw; bad yn pynbam phlang ïa me kum ki masi dab, bad hynñiew ki aïom kin lut ha me; tad ynda me la tip ba U Bahakhlieh Tam Eh u synshar ha ka hima jong ki briew, bad ba u ai ïa ka ha uba u mon hi.”

DANIEL 4:36

“Ha kata hi ka por, ka jingshemphang jong nga ka la wan phai sha nga; bad na ka bynta ka burom ka hima jong nga, ka burom syiem bad ka jingitynnad jong nga ki la wan phai pat sha nga; bad ki riewsaid jong nga bad ki rangbah jong nga ki la ïawad ïa nga; bad la pynskhem ïa nga ha ka hima jong nga, bad ka jingkhraw bor la pynlang ha nga.

DANIEL 5:18

A me u syiem U Blei U Bahakhlieh Tam Eh u la ai ha u Nebukhadnessar u kpa jong me ïa ka hima, bad ïa ka jingkhraw, bad ïa ka burom, bad ïa ka jingdonburom:

DANIEL 5:21

bad la beh ïa u na u khun bynriew; bad la pynlong ïa ka dohnud jong u kum ki mrad, bad ka jaka shong jong u ka la long ryngkat bad ki kadda khlaw; la pynbam phlang ïa u kum ki masi dab, bad ka met jong u ka la jhieh da ka umjer bneng: tad ynda u la tip ba U Blei U Bahakhlieh Tam Eh u synshar ha ka hima ki briew, bad ba u buh halor jong ka ïa uba u mon hi.

DANIEL 6:26

Nga buh ïa ka hukum, ba ha ka jingsynshar ka hima jong nga baroh ki briew kin khynñiuh bad kin sheptieng ha khmat U Blei jong u Daniel: “Namar ma U, U long U Blei U ba-im, bad U ba-neh junom, bad ïa ka hima jong U yn ym pynjot noh, bad ka jingsynshar jong U kan neh haduh ka bakut hi:

DANIEL 7:14

Bad la ai ha u ka jingsynshar, bad ka burom, bad ka hima, ba ki kynja bynriew baroh, ki jaid bynriew bad ki ktien kin shakri ïa u: ka jingsynshar jong u ka long ka jingsynshar bymjukut, ka ban ym duh noh, bad ka hima jong u ka ban ym pynjot noh ïa ka.

DANIEL 7:27

Te ïa kata ka hima bad ïa ka jingsynshar, bad ïa ka jingkhraw jong kita ki hima hapoh ka bneng baroh, yn aiti noh ha ki briew jong kita ki riewkhuid ki jong U Bahakhlieh Tam Eh: ka hima jong u ka long ka hima bymjukut, bad ki jingsynshar baroh kin shakri bad kin kohnguh ïa u.’

DANIEL 9:14

Namar kata, U Trai u la ap ïa kata ka basniew, bad u la pynwan ïa ka halor jong ngi: namar U Trai U Blei jong ngi u long u bahok ha ki kam jong u baroh kiba u leh, bad ngi ngim shym la kohnguh ïa ka ktien jong u.

JONAH 1:14

Namar kata, ki la kyang ha U Trai, bad ki la ong, “Ngi kyrpad ïa me, A Trai, ngi kyrpad ïa me, wat ai ba ngin ïap namar ka jingim une u briew, bad wat tei ka snam balui lui halor jong ngi: naba me A Trai, me la leh katba me la ibit.”

MIKAH 4:7

te ngan pynlong ka bynta ba sah ïa kata kaba la dkoh, bad ka jaid bynriew bakhlaiñ ïa kata kaba la bred noh sha jngai: bad U Trai un synshar halor jong ki ha u lum Seïon naduh mynta junom.”

LOUKAS 1:33

bad un synshar halor ka ïing u Jakob ha la ka rta; bad ka hima jong u ruh ka ban ym kut shuh.”

LOUKAS 18:13

Hynrei, uta u nongkhrong, u da ïeng na jngai, um nud wat ban khmied da la ki khmat sha bneng, hynrei, u la ïaithab ïa la ka shadem, u da ong, ‘A U Blei, to isynei ïa nga u bapop!’

ÏOANNIS 5:26

Namar kumba U Kpa u don ka jingim ha lade, kumta u la ai ha U Khun ruh ban ïoh ka jingim ha lade:

DEUTERONOMI 32:4

“U Mawsiang, ka jingleh jong U ka bajanai; namar ki lynti jong U baroh ki long ka jingbishar: U Blei ka jingshisha bad khlem ka jingbymhok, u bahok bad uba beit u long.

1 TIMOTHI 1:17

Te ha U Syiem Bymjukut, u bym ju ïap, u bym lah ïohi, uba U Blei tang ma u hi, to long ka burom bad ka jingpyndonburom ha la ka rta. Amen.

1 TIMOTHI 6:16

uba tang ma u hi uba don ka jingbymïap, uba shong ha ka jingshai bym lah kot; ïa uba ym don briew uba la ïohi, lane ba lah ban ïohi; ha uba to long ka burom bad ka borbah bymjukut: Amen.

JINGPYNPAW 10:6

bad u la smai ha uta uba ïai-im sha ki bymjukut ki bymjukut, uba la thaw ïa ka bneng bad kiei kiei ruh kiba ha ka, bad ïa ka khyndew bad kiei kiei ruh kiba ha ka, bad ïa ka duriaw bad kiei kiei ruh kiba ha ka, ba kan ym long ka jingpyntud shuh:

JINGPYNPAW 11:15

Bad u angel u bahynñiew u la pynsawa; bad ki la long ki ktien bajam ha bneng kiba ong, “Kata ka hima ka jong ka pyrthei ka la jia long ka jong U Trai jong ngi, bad U Khrist jong u: te un synshar keiñ sha ki bymjukut ki bymjukut.”

JINGPYNPAW 4:10

kita ki arphew saw ngut ki tymmen basan ki ïahap dem ha khmat uta uba shong halor kata ka khet, bad ki ïamane ïa uta u ba-im sha ki bymjukut ki bymjukut, bad ki ïabred ïa kita ki pansngiat jong ki ha khmat kata ka khet, ki da ong,

JINGPYNPAW 4:9

Bad haba kita ki jingthaw ba-im ki ïa-ai ka burom bad ka jingpyndonburom bad ka jingnguh ha uta uba shong halor kata ka khet, ha uta u ba-im sha ki bymjukut ki bymjukut,