DANIEL 4:32 - KA BAIBL

³² Bad yn beh noh ïa me na ki briew, bad ka jaka shong jong me kan long ryngkat bad ki mrad khlaw; bad yn pynbam phlang ïa me kum ki masi dab, bad hynñiew ki aïom kin lut ha me; tad ynda me la tip ba U Bahakhlieh Tam Eh u synshar ha ka hima jong ki briew, bad ba u ai ïa ka ha uba u mon hi.”

Khasi CL Bible (BSI)

³² Ïa me yn beh noh na ka imlang ka sahlang u bynriew, men shong men sah bad ki mradkhlaw, bad bam phlang kum u masi dab haduh hynñiew snem. Nangta men pdiang ba U Blei Bahakhlieh Tam Eh u don ka bor halor baroh ki hima ki briew bad ba u lah ban ai ïa ki ha uno uno uba u jied.”

DANIEL 4:32 ပူးပေါင်းရင်းမြစ်များ

2 KHRONIKL 33:13

Bad u la duwai ha U; bad u la kyrpad ïa U, bad U la sngew ïa ka jingkyrpad jong u, bad U la wallam ïa u pat sha Jerusalem ka hima jong u. Te u Manasseh u la tip ba U Trai u long U Blei.

Ka Kitab U Job 42:2

“Nga tip ba me lah ban leh kiei kiei baroh, bad ba ym lah ban khang ïa kano kano ka jingthmu jong me.

Ka Kitab U Job 9:12

Ha khmih, u kynrup ïa ka jinglute, uei uba lah ban khang ïa u? Uei u ban ong ha u, ‘Me leh aïu?’

SALM 115:3

Hynrei, U Blei jong ngi u don ha ki bneng: u la leh ïa kaei kaei baroh katba u mon.

SALM 135:6

U Trai u la leh ïa kaei kaei baroh, kaba u la mon, ha bneng bad ha ka khyndew, ha ki duriaw bad ha ki jingjylliew baroh.

EKSODOS 8:10

U te u la ong, “Lashai.” Bad u la ong, “To kan long katba kum ka ktien jong me: ba men ïoh tip ba ym don uno uno ruh uba kum U Trai U Blei jong ngi.

EKSODOS 9:14

Naba ha kane ka por, ngan sa phah ïa ki jingpynshitom jong nga baroh halor ka dohnud jong me, bad halor ki shakri jong me, bad halor ki briew jong me; khnang ba men ïoh tip ba ym don uba kat nga ha ka pyrthei baroh.

EKSODOS 9:29

Te u Moses u la ong ha u, “Haba nga dang shu mih noh na kane ka nongbah, ngan sa kner ïa la ki kti sha U Trai; te uta u pyrthat un duh, bad uta u phria ruh un ym hap shuh; khnang ba men ïoh tip ba ka pyrthei ka long ka jong U Trai.

ISAÏAH 37:20

Te mynta, A Trai U Blei jong ngi, to pynim ïa ngi na ka kti jong u, ba ki hima ka pyrthei baroh kin ïoh tip ba me long U Trai, tang ma me hi keiñ.”

ISAÏAH 40:15

Ha khmih, ki jaid bynriew ki long kum shi jaw na u khiew um, bad la ñiew ïa ki kum ka phngit ka tarajur: ha khmih, u kit noh ïa ki 'dewlynnong kum ïa kaei kaei ka barit eh.

ISAÏAH 40:17

Ki jaid bynriew baroh ki long kum ei ei ruh em ha khmat jong u; u la ñiew ïa ki duna ïa ka bymlong, bad ïa ka jingthala.

ISAÏAH 45:3

bad ngan ai ha me ïa ki jingkynshew ka jingdum, bad ïa ki spah ba la buhrieh jong ki jaka rieh, ba men tip ba ma nga, nga long U Trai, uba khot ïa me da ka kyrteng, U Blei ki Israel keiñ.

JEREMAÏAH 27:5

“Nga la thaw ïa ka khyndew ïa u briew bad u mrad kiba halor ka khmat ka khyndew, da la ka borbah bad da la ka ksang'ti ba la kner; bad nga ai ïa ka kat ha kiba nga sngewdei.

DANIEL 2:21

bad u pynkylla ma u ïa ki por bad ïa ki aïom: u pynduh ïa ki syiem, bad u thung ïa ki syiem: u ai ka jingstad ïa ki bastad, bad ka jingtip ïa kiba don jingshemphang.

DANIEL 4:31

Hamar ba u syiem u dang kren ïa kata ka ktien, ka jingsawa ka la hiar na bneng ka da ong, “Ko Nebukhadnessar syiem, la ong ha me: ka hima ka la leit noh na me.

DANIEL 5:21

bad la beh ïa u na u khun bynriew; bad la pynlong ïa ka dohnud jong u kum ki mrad, bad ka jaka shong jong u ka la long ryngkat bad ki kadda khlaw; la pynbam phlang ïa u kum ki masi dab, bad ka met jong u ka la jhieh da ka umjer bneng: tad ynda u la tip ba U Blei U Bahakhlieh Tam Eh u synshar ha ka hima ki briew, bad ba u buh halor jong ka ïa uba u mon hi.

JOSHUA 4:24

ba ki bynriew baroh ha ka pyrthei kin dup ithuh ïa ka kti U Trai, ba ka long kaba don bor; ba kin dup sheptieng ïa U Trai U Blei jong phi junom.”