DANIEL 4:31 - KA BAIBL

³¹ Hamar ba u syiem u dang kren ïa kata ka ktien, ka jingsawa ka la hiar na bneng ka da ong, “Ko Nebukhadnessar syiem, la ong ha me: ka hima ka la leit noh na me.

Khasi CL Bible (BSI)

³¹ Ha shuwa ba ki kyntien kin mih shabar na ka shyntur jong u, ka sur ka la kren na bneng, “Ko syiem Nebukhadnessar, to shahshkor ïa kaei kaba nga ong! Ïa ka bor ba kynja syiem jong me la shim noh mynta na me.

DANIEL 4:31 ပူးပေါင်းရင်းမြစ်များ

JENESIS 14:18

Bad u Melkhisedek u syiem ka Salem u la wallam ïa u kpu bad ïa ka umsoh Waiñ: bad u la long u lyngdoh jong U Blei U Bahalor Tam Eh.

Ka Kitab U Job 20:23

Haba un sa pyndap ïa la ka kpoh, U Blei un shat ïa ka jingmeh ka jingbitar jong u halor jong u, bad un pynhap slap ïa ka halor jong u haba u dang bam ja.

SALM 145:13

Ka hima jong me ka long ka hima bymjukut, bad ka jingsynshar jong me ka neh pateng la pateng bynriew.

PROBERB 29:23

Ka jingsarong u briew ka pynpoh ïa u: hynrei uta uba rit ha ka mynsiem un ïoh ka burom.

ISAÏAH 14:27

Namar U Trai ki paid u la thmu, te uei u ban pyndam noh ïa ka? Ïa ka kti jong u ruh la kner, te uei u ban pynkynran ïa ka?

DANIEL 12:7

Bad nga la ïohsngew ïa uta u briew uba la kup jaiñ linen, uba la don halor ki um jong kata ka wah, mynba u la rah ïa ka kti kamon jong u bad ïa ka kti kadiang jong u sha bneng, bad ba u la smai ha uta u ba-im ha la ka rta ba kan long shi por, ki por, bad ka shiteng; bad ynda ki la lah pynduh ïa ka bor jong kita ki briew ki bakhuid, ïa kine baroh yn sa pyndep.

DANIEL 4:24

kane ka long ka jingbatai, ko syiem, bad kane ka long ka hukum jong U Bahakhlieh Tam Eh, ka ban sa jia ha u kynrad jong nga u syiem:

DANIEL 4:26

Bad ha kata ba ki la hukum ban iehnoh ïa ka dyngkhong ki thied, ka hima jong me kan skhem ha me, ynda me la tip ba ki bneng ki synshar.

DANIEL 4:30

U syiem u la ïathuh bad u la ong, “Hato kane kam long ka Babilon bakhraw, ïa kaba nga la tei ma nga ban long ka jaka shong syiem, da ka jingkhraw ka bor jong nga bad na ka bynta ka nam ka burom jong nga?”

DANIEL 4:32

Bad yn beh noh ïa me na ki briew, bad ka jaka shong jong me kan long ryngkat bad ki mrad khlaw; bad yn pynbam phlang ïa me kum ki masi dab, bad hynñiew ki aïom kin lut ha me; tad ynda me la tip ba U Bahakhlieh Tam Eh u synshar ha ka hima jong ki briew, bad ba u ai ïa ka ha uba u mon hi.”

DANIEL 4:34

“Te ha ka bakut kita ki sngi, nga, u Nebukhadnessar, nga la khmied la ki khmat sha bneng, bad ka jingshemphang jong nga ka la wan phai pat sha nga, bad nga la kyrkhu ïa U Bahakhlieh Tam Eh, bad nga la ïaroh bad nga la pyndonburom ïa uta u ba-im junom; “namar ka jingsynshar jong u ka long ka jingsynshar bymjukut, bad ka hima jong u pateng la pateng bynriew:

DANIEL 5:20

Hynrei, haba ka dohnud jong u ka la sngewmeng, bad ka mynsiem jong u ka la eh haduh ba u la leh sarong, la pynhiar ïa u na ka khet syiem jong u, bad ki la shim noh na u ïa ka burom jong u:

DANIEL 5:28

Peres, la pynbynta ïa ka hima jong me, bad la aiti ïa ka ha ki Mid bad ha ki Persha.”

DANIEL 6:27

U pyllait bad U pynim, bad U pynlong ïa ki dak khyllah bad ïa ki jingphylla ha ka bneng bad ha ka khyndew; Uba la pynim ïa u Daniel na ka bor ki sing.”

MATHAÏOS 3:17

Ha khmih ruh ka ktien na ki bneng, ka da ong, “Une u long U Khun jong nga uba ieit, ha uba nga sngewbha eh.”

LOUKAS 12:20

Hynrei, U Blei u la ong ha u, ‘A me u babieit, ha kane ka miet yn pan noh ïa ka mynsiem jong me na me; ki jongno te kin long kita kiei kiei ïa kiba me la khreh lypa?’

ÏOANNIS 12:28

Ko Kpa, pyndonburom ïa la ka kyrteng.” Ynda kumta, la wan ka ktien na bneng, “Nga la pyndonburom te, bad ngan pyndonburom ïa ka pat.”

1 THESSALONI 5:3

Katba ki dang ong, “Ka jingsuk bad ka jingskhembha”, ynda kumta, ka jingjot bakyndit kyndit kan ngat ha ki, kum ka jingsuh khun ha ka briew kaba punkhun; bad kin ym ïohlait shuh da lei lei.

JINGPYNPAW 16:7

Bad nga la ïohsngew na kata ka duwan kaba ong, “Shisha, ko Trai uba U Blei Badonbor Baroh, kiba shisha bad ki bahok long kita ki jingkut bishar jong me.”

1 SAMUEL 13:14

Hynrei, mynta, ka jinglong syiem jong me kan ym neh: U Trai u la wad ha u ïa u briew uba katba kum ka dohnud jong U hi, bad U Trai u la thung ïa uta ban long u nongïalam halor ki briew jong U, namar ma me mem shym la sumar ïa kata kaba U Trai u la hukum ïa me.”

1 SAMUEL 15:23

Namar ka jingleh kiat ka long kat ka pop ka jingleh byrtong hi, bad ka jingmutlop ka long kum kaba mane bleithaw bad ki teraph. Namar ba me la kyntait ïa ka ktien U Trai, ma u ruh u la kyntait ïa me na kaba long syiem.”