DANIEL 4:30 - KA BAIBL

³⁰ U syiem u la ïathuh bad u la ong, “Hato kane kam long ka Babilon bakhraw, ïa kaba nga la tei ma nga ban long ka jaka shong syiem, da ka jingkhraw ka bor jong nga bad na ka bynta ka nam ka burom jong nga?”

Khasi CL Bible (BSI)

³⁰ u la ong, “Ha khmih katno khraw ka Babilon ka long! Nga la tei ïa ka kum ka nongbah jong nga ban pyn-i ïa ka bor bad ka jingkhlaiñ jong nga, ka burom jong nga bad ka jinglong syiem jong nga.”

DANIEL 4:30 ပူးပေါင်းရင်းမြစ်များ

JENESIS 10:10

Bad ka jingsdang ka hima jong u ka la long ka Babel, bad ka Erekh, bad ka Akkad, bad ka Kalneh, ha ka ri Shinar.

ESTHER 1:4

haba u la pyni ïa ka spah ka hima ba-donnam jong u bad ka burom ka jinglong syiem babha eh jong u bun sngi, jin shispah phraphew sngi keiñ.

SALM 104:1

Ko mynsiem jong nga, to kyrkhu ïa U Trai. A Trai U Blei jong nga, me long u bakhraw eh; me la kup da ka burom bad ka jinglong burom.

SALM 49:20

U briew uba ha ka burom, bad u bymshemphang, u long kum ki mrad kiba ïap duh noh.

SALM 73:8

Ki ïabeiñ, bad ha ka bymman ki ïa-pynmih ktien banbeiñ: ki ïakren sarong.

PROBERB 11:2

Haba wan ka jingsarong, ka wan ruh ka jinglehrain: hynrei, bad uba sngewrit ka don ka jingstad.

PROBERB 16:18

Ka jingsarong ka leit ha shuwa ka jingpynjot, bad ka mynsiem basngewmeng ha shuwa ka jingkyllon.

PROBERB 29:23

Ka jingsarong u briew ka pynpoh ïa u: hynrei uta uba rit ha ka mynsiem un ïoh ka burom.

ISAÏAH 13:19

Te ka Babilon, ka burom jong ki hima, ka jingitynnad jong ka jingsarong ki Khaldi, kan long kum haba U Blei u la pynkyllon ïa ka Sodom bad ïa ka Gomorra.

ESEKIEL 29:3

kren bad to ong, ‘Kumne u ong U Trai U Blei: “ ‘Ha khmih, nga long pyrshah ïa me, ko Pharaoh u syiem ka Ijipt, u ïakjakor bakhraw uba shong hapdeng la ki wah, uba la ong, “Ka wah jong nga ka long ka jong nga hi, bad nga la pynlong ïa ka na ka bynta ïa lade.”

DANIEL 4:31

Hamar ba u syiem u dang kren ïa kata ka ktien, ka jingsawa ka la hiar na bneng ka da ong, “Ko Nebukhadnessar syiem, la ong ha me: ka hima ka la leit noh na me.

HABAKKUK 1:11

Ynda kumta, un her noh kum ka lyer; bad un leh palat noh, bad un long pop; uta keiñ uba ka bor jong u long u blei jong u.”

LOUKAS 14:11

Naba ïa uno uno baroh uba pynkhraw ïa lade, yn pynpoh; te ïa uba pynpoh ïa lade, yn pynkhraw.”

LOUKAS 14:9

bad ba uta uba la khot ïa me bad ïa u un wan, bad un ong ïa me, ‘To ai jaka ïa une’; ynda kumta te, men sdang da kaba lehrain ban shim ïa ka jaka kaba kham poh.

1 KORINTH 10:31

Namar kata, lada phi bam ne lada phi dih, ne lada phi leh ei ei ruh, to leh phi ïa kiei kiei baroh ïa ka ban pyndonburom ïa U Blei.

1 PETROS 5:5

Kumjuh, phi ki samla, to kohnguh ha kiba kham tymmen. Hynrei, baroh to phin ïakup ïa ka jingsngewrit ïa ka ban shakri paralok hi: naba “U Blei u ïaleh pyrshah ïa kiba sngewkhraw, hynrei, ha kiba sngewrit u ai ka jingaiei.”

JINGPYNPAW 14:8

Bad uwei pat u angel, u ba-ar, u la bud, u da ong, “La kyllon, la kyllon ka Babilon, kata ka nongbah ka bakhraw, kaba la pyndih ïa ki kynja bynriew baroh na ka Waiñ ka jingkhih bitar ka jingklim sih jong ka!”

JINGPYNPAW 16:19

Te la pynbynta lai bynta ïa kata ka nongbah ka bakhraw, bad kita ki nongbah jong ki kynja bynriew ki la kyllon: bad la kynmaw ïa ka Babilon kaba khraw ha khmat U Blei, ban ai dih ha ka ïa kata ka khuri ka Waiñ ka jingshla ka jingbitar jong u.

JINGPYNPAW 17:5

bad halor ka shyllangmat jong ka, la don ka kyrteng ïa kaba la thoh, “Ka Jingmaïan, ka Babilon ka bakhraw, ka kmie kita ki nuti bad kita ki jingijli jong kata ka khyndew.”

JINGPYNPAW 18:10

haba ki ïeng na sha jngai namar kata ka jingsheptieng ïa ka jingkordit jong ka, ki da ïa-ong, “Kordit, kordit, kata ka nongbah ka bakhraw, ka Babilon, kata ka nongbah kaba don bor! naba ha kaba shi por ka la poi kata ka jingshitom jong pha.”

JINGPYNPAW 18:21

Te uwei u angel uba don bor u la rah ïa u maw kum u mawtylliat bakhraw, bad u la pynnoh ïa u sha ka duriaw, u da ong, “Kumne da ka bor kyrthep yn pynnoh ïa ka Babilon, kata ka nongbah kaba khraw, bad da lei lei yn ym shem shuh ïa ka.