DANIEL 4:3 - KA BAIBL

³ “Kiba khraw katno ki long ki dak khyllah jong u! bad kiba don bor katno ki long ki jingphylla jong u! ka hima jong u ka long ka hima bymjukut, bad ka jingsynshar jong u kaba ha la ka rta.

Khasi CL Bible (BSI)

³ “Katno kiba khraw ki long ki jingphylla jong U Blei kiba u pyn-i ha ngi! Katno kiba khrawbor ki long ki kambah kiba u leh! U Blei u long u syiem junom; un synshar ha ki por baroh.

DANIEL 4:3 ပူးပေါင်းရင်းမြစ်များ

Ka Kitab U Job 25:2

“Ka jingsynshar bad ka jingsheptieng ki don ha u; u pynlong ka jingïasuk ha ki jaka kiba jrong jong u.

SALM 104:24

A Trai, katno kiba bun syrtap ki long ki kam jong me! Ha ka jingstad me la pynlong ïa ki baroh: ka khyndew ka dap da ki spah jong me.

SALM 105:27

U la buh hapdeng jong ki ïa ki dak jong u, bad ïa ki jingphylla ha ka ri u Ham.

SALM 145:13

Ka hima jong me ka long ka hima bymjukut, bad ka jingsynshar jong me ka neh pateng la pateng bynriew.

SALM 66:7

U synshar da la ka bor junom; ki khmat jong u ki khmih ïa ki jaid bynriew: wat ai ba kiba kiat kin kyntiew ïa lade. Selah.

SALM 72:18

To long ba la kyrkhu ïa U Trai U Blei, U Blei u Israel, uba tang ma u, uba leh ïa kiei kiei ki baphylla:

SALM 77:19

Ka lynti bah jong me ka la long ha ka duriaw, bad ki lynti rit jong me ha ki um ki bakhraw, bad ïa ki jingjam jong me ym ithuh.

SALM 86:10

Naba me long u bakhraw, bad me leh ïa kiei kiei ki baphylla: me long U Blei tang ma me hi.

SALM 92:5

Katno kiba khraw ki kam jong me, A Trai! Ki jingmut jong me kiba jylliew eh.

ISAÏAH 25:1

A Trai, me, me long U Blei jong nga; ngan kyntiew ïa me, ngan ïaroh ïa ka kyrteng jong me; namar me la leh ïa kiei kiei kiba phylla, ki jingsylla na mynbarim keiñ, ha ka jingïaineh bad ka jingshisha.

ISAÏAH 28:29

Kane ruh ka mih na U Trai ki paid, u baphylla ha ka jingsylla, u bakhraw eh ha ka jingstad.

ISAÏAH 9:7

Ka jingroi ka jingsynshar jong u bad ka jingsuk kan ym kut shuh, halor ka khet u Dabid, bad halor ka hima jong u, ïa ka ban pynïeng ïa ka, bad ïa ka ban kyrshan ïa ka da ka jingbishar bad da ka hok naduh mynta bad ha la ka rta. Ka jingshitrhem U Trai ki paid kan pyndep ïa kane.

JEREMAÏAH 10:10

Hynrei, U Trai u long U Blei uba shisha; u long U Blei u ba-im, bad u syiem u bajunom: ha ka jingbitar jong u ka khyndew ka khynñiuh, bad ki jaid bynriew kim lah shah ïa ka jingbitar baïaibat jong u.

DANIEL 2:2

Ynda kumta, u syiem u la hukum ban khot ïa ki riewstad, bad ki nongleh byrtong, bad ki nongkheiñ ksuid, bad ki Khaldi, ban ïathuh ha u syiem ïa ki jingphohsniew jong u. Kumta, ki la wan hapoh bad ki la ïeng ha khmat u syiem.

DANIEL 2:44

Te ha ki sngi jong kita ki syiem, U Blei ka bneng un pynïeng ïa ka hima, ïa kaba yn ym pynduh lano lano ruh, lymne yn ym iehnoh ïa ka jingsynshar jong ka ha kawei pat ka jaid bynriew; hynrei, kan pynlwet bad kan bam duh ïa kine ki hima baroh bad kan ïaisah bymjukut.

DANIEL 4:17

Kane ka jingrai ka long da ka hukum jong kita ki nongap phira, bad ka jingleh da ka ktien jong kita ki bakhuid: khnang ba kita ki ba-im kin tip ba U Bahakhlieh Tam Eh u synshar ha ka hima jong ki briew, bad ba u ai ïa ka ha uno uno uba u mon hi, bad ba u buh halor jong ka, ïa uba poh tam na ki briew.’

DANIEL 7:14

Bad la ai ha u ka jingsynshar, bad ka burom, bad ka hima, ba ki kynja bynriew baroh, ki jaid bynriew bad ki ktien kin shakri ïa u: ka jingsynshar jong u ka long ka jingsynshar bymjukut, ka ban ym duh noh, bad ka hima jong u ka ban ym pynjot noh ïa ka.

DANIEL 7:27

Te ïa kata ka hima bad ïa ka jingsynshar, bad ïa ka jingkhraw jong kita ki hima hapoh ka bneng baroh, yn aiti noh ha ki briew jong kita ki riewkhuid ki jong U Bahakhlieh Tam Eh: ka hima jong u ka long ka hima bymjukut, bad ki jingsynshar baroh kin shakri bad kin kohnguh ïa u.’

Ka Shithi U Paul Sha Ki Nong Rom 11:33

A ka jingjylliew bah ka jingkynrei spah ka jingstad bad ka jingtip U Blei! A katno ba kita ki jingkut bishar jong u ki long ki bym lah ïit shuh, bad kita ki lynti jong u ki bym lah bud shuh!

DEUTERONOMI 4:34

Lane U Blei u la pyni da kaba leit shim ha lade ïa ka jaid bynriew napdeng kawei pat ka jaid bynriew, da ki jingtynjuh, da ki dak khyllah, bad da ki jingphylla, bad da ka thma, bad da ka kti badonbor ruh, bad da ka ksang'ti ba la kner, bad da ki jingsheptieng bakhraw ruh, kat kumba baroh ïa kaba U Trai uba U Blei jong phi u la leh na ka bynta jong phi ha ka ri Ijipt ha khmat jong phi?

1 TIMOTHI 1:17

Te ha U Syiem Bymjukut, u bym ju ïap, u bym lah ïohi, uba U Blei tang ma u hi, to long ka burom bad ka jingpyndonburom ha la ka rta. Amen.

HEBRU 1:8

Hynrei, shaphang uta U Khun, u ong: “Ka khet jong me, A Blei, ka long sha ki bymjukut ki bymjukut; bad u dieng synshar ka hima jong me u long u dieng synshar ka jinglehhok.

HEBRU 2:4

U Blei ruh u da phla lem bad ki, da ki dak khyllah bad da ki jingphylla bad da ki kambah bun jaid, bad da ki jingai U Mynsiem Bakhuid, katba kum ka mon jong u hi.

1 PETROS 4:11

Lada uno uno ruh u kren, un kren keiñ kum ki jingong U Blei; lada uno uno ruh u leh basan, to un leh kum na ka bor ba ai U Blei: ba ha kiei kiei baroh yn ïoh pyndonburom ïa U Blei da U Jisu Khrist, ha uba long ka burom bad ka jingsynshar sha ki bymjukut ki bymjukut: Amen.

JINGPYNPAW 11:15

Bad u angel u bahynñiew u la pynsawa; bad ki la long ki ktien bajam ha bneng kiba ong, “Kata ka hima ka jong ka pyrthei ka la jia long ka jong U Trai jong ngi, bad U Khrist jong u: te un synshar keiñ sha ki bymjukut ki bymjukut.”