DANIEL 4:27 - KA BAIBL

²⁷ Namar kata, ko syiem, to pdiang ïa ka jingkyntu jong nga, bad to pynduh noh ïa ki pop jong me da ka jinglehhok, bad ïa ki jingbymhok jong me da kaba leh isynei ïa ki baduk; lehse don ka jingpynslem ïa ka jingsuk jong me.”

Khasi CL Bible (BSI)

²⁷ Kumta te, ko Syiem Kynrad, to bud ïa ka jingai jingmut jong nga. Sangeh ban leh pop, to leh ïa kaba dei, bad to sngewsynei ïa kiba duk. Te phin ïailong uba manbha.”

DANIEL 4:27 ပူးပေါင်းရင်းမြစ်များ

JENESIS 11:4

Ki la ïa-ong ruh, “Ïa, ngin ïatei ïa ka nongbah kawei ïa lade bad ïa ka kut ruh kawei, kaba ka kliar jong ka kan kot haduh ka bneng; bad to ngin ïathaw nam ïa lade, ba ïoh yn pynsakma kylleng ïa ngi ha khmat ka pyrthei baroh.”

1 SYIEM 21:29

“Me ïohi kumno u Ahab u pynrit ïa lade ha khmat jong nga? namar ba u pynrit ïa lade ha khmat jong nga, ngan ym wallam ïa kata ka basniew ha ki sngi jong u: hynrei, ha ki sngi u khun jong u ngan wallam ïa kata ka basniew halor ka ïing jong u.”

SALM 119:46

Ngan kren ruh shaphang ki jingphla jong me ha khmat ki syiem, bad ngan ym lehrain.

PROBERB 11:2

Haba wan ka jingsarong, ka wan ruh ka jinglehrain: hynrei, bad uba sngewrit ka don ka jingstad.

PROBERB 16:6

Da ka jingisynei bad ka jingshisha, ïa ka jingleh bymhok la ju sait noh: bad da ka jingsheptieng ïa U Trai, ki briew ki kynriah na ka basniew.

PROBERB 28:13

Uta uba tap ïa la ki jingpalat un ym man bha: hynrei, jar uba phla bad ba iehnoh noh ïa ki un ïoh ka jingisynei.

ISAÏAH 10:13

Namar u la ong, “Da ka bor ka kti jong nga, nga la leh ïa ka, bad da ka jingstad jong nga; namar nga la sian hi: nga la pynkynriah noh ruh ki pud jong ki kynja bynriew, bad nga la lute ïa ki jingkynshew jong ki, bad nga kum uba shlur, nga la pynhiar noh ïa kiba shong halor ki khet:

ISAÏAH 47:10

Naba pha la shaniah ha la ka jingbymman; pha la ong, “Ym don ba ïohi ïa nga”; ka jingstad bad ka jingtip jong pha ka la pynbakla ïa pha: te pha la ong ha la ka dohnud, “Nga, nga long, bad ym don shuh nalor jong nga.”

ISAÏAH 47:8

Namar kata te, to sngew ïa kane, pha kaba shait ha ki jingthala, kaba shong khlem suidñiew, kaba ong ha la ka dohnud, “Nga, nga long, bad ym don shuh nalor jong nga; ngan ym shong kum ka riewkynthei, lymne ngan ym tip kaba duh khun”:

JEREMAÏAH 29:7

Bad to wad ïa ka jingsuk jong kata ka shnong sha kaba nga la pynring mraw ïa phi, bad to duwai ha U Trai na ka bynta jong ka: naba ha ka jingsuk jong ka, ka shong ka jingsuk jong phi.’ ”

JEREMAÏAH 38:20

Hynrei, u Jeremaïah u la ong, “Kin ym aiti noh ïa me. To kohnguh, nga kyrpad ïa me, ïa ka ktien U Trai, ha kata kaba nga kren ha me: kumta kan long bha bad me, bad ka mynsiem jong me kan im.

ESEKIEL 18:7

bad um shym leh bymdei ïano ïano, hynrei, u la ai pat ha u nongkit ram ïa ka jingbuh bynda jong u, um shym la lute ïano ïano da ka bor, u la ai la u kpu ha u bathngan, bad u la pynkup ïa u balyngkhuit da ka jaiñ;

ESEKIEL 29:3

kren bad to ong, ‘Kumne u ong U Trai U Blei: “ ‘Ha khmih, nga long pyrshah ïa me, ko Pharaoh u syiem ka Ijipt, u ïakjakor bakhraw uba shong hapdeng la ki wah, uba la ong, “Ka wah jong nga ka long ka jong nga hi, bad nga la pynlong ïa ka na ka bynta ïa lade.”

ESEKIEL 29:9

Bad ka ri Ijipt kan long ka jingkynjah bad kaba sah khlaw; bad kin ïoh tip ba nga long U Trai: “Namar u la ong, ‘Ka wah ka long ka jong nga hi, bad nga la pynlong ma nga ïa ka.’

JOEL 2:14

Uei ba tip la un phai noh ne em bad kylla-ka-bamut, bad un pynsah ka jingkyrkhu hadien jong u, wat ka jingainguh bam bad ka jingainguh dih ha U Trai U Blei jong phi?

AMOS 6:13

phi kiba leh kmen ha kaba thala, kiba ong, “Hato ngim shym la shim ha ngi ki reng da la ka jong ka bor?”

JONAH 3:9

Uei ba tip la U Blei un kylla ne em bad kylla-ka-bamut, bad phai noh na kata ka jingbitar lep jong u, ba ngin ym ïap noh?”

HABAKKUK 1:11

Ynda kumta, un her noh kum ka lyer; bad un leh palat noh, bad un long pop; uta keiñ uba ka bor jong u long u blei jong u.”

SEPHANAÏAH 2:15

Kane ka long ka nongbah kaba leh kmen kaba la shong bymsuidñiew, kaba la ong ha la ka dohnud, “Ma nga, bad nalor jong nga ym don shuh;” kumno ka la kylla ka jaka kynjah, ka jaka ïa ki mrad ban thiah ha ka! uwei uwei baroh uba ïaid hajan jong ka un kynshi, bad un kalain ïa la ka kti.

MATHAÏOS 3:8

Naba kumta to sei ïa u soh uba dei biang ïa ka jingkylla-ka-bamut:

LOUKAS 11:41

Te hynrei, to ai kum ka jingai isynei na kiei kiei kiba shapoh; te ha khmih, kiei kiei baroh ki long khuid ïa phi.

KI KAM 24:25

Te katba u dang ïalap shaphang ka hok, bad ka bor halor lade, bad ka jingbishar ka ban sa wan, u Pheliks u la sheptieng; bad u la ïathuh, “Mynta, to khie leit noh shuwa; te ynda nga la lait por, ngan sa phah khot ïa me”;

KI KAM 26:20

hynrei, nga la ïalap nyngkong ha kiba ha Damaskos, bad ha Jerusalem ruh, bad ha ka ri Judia baroh, bad ha ki Jentil ruh, ba kin kylla-ka-bamut, bad kin phai sha U Blei, da kaba leh ïa ki kam ba dei biang ïa ka jingkylla-ka-bamut.

KI KAM 8:22

Namar kata, to kylla-ka-bamut noh na kane ka bymman jong me, bad to duwai ha U Blei, lehse yn dang map ïa me ïa kane ka buit ka dohnud jong me.

2 KORINTH 5:11

Namar kata, haba ngi tip ïa kane ka jingsheptieng ïa U Trai, ngi pyrshang pynkohnguh ïa ki briew; hynrei, la pynpaw ïa ngi ha U Blei, bad nga kyrmen ba la pynpaw ïa ngi ha ki jingïatiplem jong phi ruh.

GALATIA 5:13

Namar la khot ïa phi, ko parabangeit, sha ka jinglaitluid; tang ba phin ym pyntrei ïa kata ka jinglaitluid jong phi ïa ka ban ai daw ïa ka doh, hynrei, da ka jingïa-ieit phin ïashakri paralok hi.

GALATIA 5:22

Hynrei, u soh jong U Mynsiem u long ka jingieit, ka jingkmen, ka jingsuk, ka jingshahslem, ka jinglehsbun, ka jingbha, ka jingïaineh, ka jingjemnud, ka bor halor lade:

GALATIA 5:6

Namar ha U Khrist Jisu, ka jingotsher kam lah leh ei ei ruh, lymne ka jingbym-otsher, hynrei, ka jingngeit kaba trei da ka jingieit.

EPHESOS 4:28

Jar uba ju tuh, to wat tuh shuh, hynrei, to un da trei shitom, da kaba trei da la ki kti ïa kata ka babha, ba un ïoh ei ei ban ïa-ai ha uta u bakyrduh.

DEUTERONOMI 24:13

haba kumno kumno ruh, men ai pat ha u ïa kata ka bynda, haba sep ka sngi, ba un ïohthiah ha la ka jaiñkup hi, bad un kyrkhu ïa me: te ïa kane, yn ñiew ka hok ïa me ha khmat U Trai uba U Blei jong me.

DEUTERONOMI 32:27

lymda nga tieng ïa ka jingbitar ki nongshun, ïoh ba ki nongïaleh pyrshah jong ki kin da ïaleh khyllah, ïoh ba kin ïa-ong de, “Ka kti badonbor jong ngi hi ka la leh ïa kane baroh, te ym U Trai.” ’ ”

DEUTERONOMI 8:17

bad ba me ong ha la ka dohnud, ‘Ka bor jong nga hi, bad ka bor ka kti jong nga, ka la pynïoh ïa nga ïa kane ka spah.’

1 PETROS 4:8

Hynrei, nyngkong eh ïa kiei kiei baroh phin ïaibat ïa kata ka jingïa-ieit bashitrhem paralok hi; naba ka jingïa-ieit ka tap noh ïa bun byllien ki pop.