DANIEL 4:25 - KA BAIBL

²⁵ ba yn beh noh ïa me na ki briew bad ka jaka shong jong me kan long ryngkat bad ki mrad khlaw, bad yn pynbam phlang ïa me kum ki masi dab, bad yn synreit ïa me da ka umjer bneng, bad hynñiew ki aïom kin lut ha me; tad ynda me la tip ba U Bahakhlieh Tam Eh u synshar ha ka hima jong ki briew, bad ba u ai ïa ka ha uba u mon hi.

Khasi CL Bible (BSI)

²⁵ Yn beh noh ïa phi na ka imlang ka sahlang u bynriew bad phin shong phin sah bad ki mradkhlaw. Hynñiew snem phin bam phlang kum u masi dab, bad thiah ha bym don jingkah ei ei, ha kaba ka umjer kan hap halor jong phi. Te phin pdiang ba U Blei Bahakhlieh Tam Eh u bat synshar ïa baroh ki hima ki briew, bad ba u lah ban ai ïa ki ha uno uno uba u jied.

DANIEL 4:25 ပူးပေါင်းရင်းမြစ်များ

SALM 103:19

U Trai u la pynskhem ïa la ka khet ha ki bneng; bad ka jingsynshar jong u ka synshar halor baroh.

SALM 106:20

Kumta, ki la pynkylla ïa ka burom jong ki sha ka dur u masi uba bam phlang.

SALM 75:7

Hynrei, U Blei u long u nongbishar: u pynhiar ïa uwei, bad u kyntiew ïa uwei pat.

SALM 83:18

khnang ba kin ïoh tip ba tang ma me hi, uba ka kyrteng jong me long U Jehobah, uba U Bahakhlieh Tam Eh halor ka khyndew baroh.

JEREMAÏAH 27:5

“Nga la thaw ïa ka khyndew ïa u briew bad u mrad kiba halor ka khmat ka khyndew, da la ka borbah bad da la ka ksang'ti ba la kner; bad nga ai ïa ka kat ha kiba nga sngewdei.

DANIEL 2:21

bad u pynkylla ma u ïa ki por bad ïa ki aïom: u pynduh ïa ki syiem, bad u thung ïa ki syiem: u ai ka jingstad ïa ki bastad, bad ka jingtip ïa kiba don jingshemphang.

DANIEL 2:37

Me, ko syiem, me long u syiem ki syiem, ha uba U Blei ka bneng u la ai ka hima, ka bor, bad ka jingkhlaiñ, bad ka burom;

DANIEL 2:47

U syiem u la ïathuh ha u Daniel, bad u la ong, “Da kaba shisha, U Blei jong phi u long U Blei ki blei, bad U Trai ki syiem, bad u nongpynpaw ïa ki jingbuhrieh, naba me la lah ban pynpaw ïa kane ka jingbuhrieh.”

DANIEL 4:16

to ai ba yn pynkylla ïa ka dohnud jong u na ka jong u briew, bad ba un ïoh ïa ka dohnud mrad; bad ai ba hynñiew ki aïom kin lut ha u.

DANIEL 4:17

Kane ka jingrai ka long da ka hukum jong kita ki nongap phira, bad ka jingleh da ka ktien jong kita ki bakhuid: khnang ba kita ki ba-im kin tip ba U Bahakhlieh Tam Eh u synshar ha ka hima jong ki briew, bad ba u ai ïa ka ha uno uno uba u mon hi, bad ba u buh halor jong ka, ïa uba poh tam na ki briew.’

DANIEL 4:2

Nga la ibit ban pyni ïa ki dak khyllah bad ïa ki jingphylla ïa kiba U Blei U Bahakhlieh Tam Eh u la leh ïa nga.