DANIEL 4:19 - KA BAIBL

¹⁹ Ynda kumta, u Daniel, uba kyrteng “u Belteshassar”, u la lyngngoh shi por, bad ki jingpyrkhat jong u ki la pynkhuslai ïa u. U syiem u la kren bad u la ong, “Ko Belteshassar, wat ai ba kata ka jingphohsniew, lane ka jingbatai, kan pynkhuslai ïa me.” U Belteshassar u la ïathuh bad u la ong, “Ko kynrad jong nga, kata ka jingphohsniew to kan long ïa ki nongshun jong me, bad ka jingbatai jong ka, ïa ki nongïaleh ïa me.

Khasi CL Bible (BSI)

¹⁹ Ha kane, u Daniel, ïa uba la khot ruh u Belteshassar, u la sngewsheptieng katta katta ba um lah ban ong ei ei. U syiem u la ong ha u, “Ko Belteshassar, wat ai ba ka jingphohsniew bad ka khubor jong ka kin pynsheptieng ïa me.” U Belteshassar u la phai ktien, “Ko Syiem Kynrad, nga kwah ba ka jingphohsniew bad ka jingbatai ïa ka kan dei ïa ki nongshun jong phi bad ym ïa phi.

DANIEL 4:19 ပူးပေါင်းရင်းမြစ်များ

JENESIS 31:35

Bad ka la ong ha la u kpa, “U kynrad jong nga un ym sngewsih ba ngam sngewlah khih ha khmat jong me; naba ka la jia ha nga mynta ka rukom ki kynthei.” Kumta, u la twad, hynrei, um shym la shem keiñ ïa kita ki bleithaw.

JENESIS 32:18

Ynda kumta, men sa ïathuh, ‘Ki long ki jong u Jakob u shakri jong me; kane ka long ka jingai burom ba la phah ha u Iso u kynrad jong nga: bad ha khmih, u ruh u don hadien jong ngi.’ ”

JENESIS 40:12

Bad u Joseph u la ong ha u, “Kane ka long ka jingbatai jong ka: Kita ki lai tnat ki long lai sngi;

1 SYIEM 18:7

Te katba u Obadaïah u dang ha lynti, ha khmih, u Elijah u la ïakynduh ïa u: bad u la ithuh ïa u, bad u la dem ngon la ka khmat, u ong ruh, “Wa dei ma me pleng, ko kynrad, u Elijah?”

EKSODOS 32:32

Hynrei mynta, lada men map ïa ka pop jong ki — te lada da kumwei, to pyndam noh ïa nga, nga kyrpad ïa me, na kata ka kitab jong me ïa kaba me la thoh.”

JEREMAÏAH 29:7

Bad to wad ïa ka jingsuk jong kata ka shnong sha kaba nga la pynring mraw ïa phi, bad to duwai ha U Trai na ka bynta jong ka: naba ha ka jingsuk jong ka, ka shong ka jingsuk jong phi.’ ”

JEREMAÏAH 4:19

“A ki snier jong nga, ki snier jong nga! nga sngewpang haduh ka dohnud hi; ïa ka dohnud jong nga la pynjynjar hapoh jong nga; ngam lah ban sngap jar; namar pha la ïohsngew, A mynsiem jong nga, ïa ka jingsawa ka turoi, ka jingmaham ka thma.

DANIEL 1:7

Bad u rangbah ki ïunukh u la kyrteng ïa ki: ïa u Daniel u la khot “u Belteshassar”; bad ïa u Hananiah “u Shadrak”; bad ïa u Mishael “u Meshak”; bad ïa u Asariah “u Abednego”.

DANIEL 2:26

U syiem u la ïathuh bad u la ong ha u Daniel, uba ka kyrteng u Belteshassar, “Me lah ban pyntip ha nga ïa kata ka jingphohsniew ïa kaba nga la ïohi, bad ïa ka jingbatai de?”

DANIEL 2:37

Me, ko syiem, me long u syiem ki syiem, ha uba U Blei ka bneng u la ai ka hima, ka bor, bad ka jingkhlaiñ, bad ka burom;

DANIEL 4:24

kane ka long ka jingbatai, ko syiem, bad kane ka long ka hukum jong U Bahakhlieh Tam Eh, ka ban sa jia ha u kynrad jong nga u syiem:

DANIEL 5:12

namar ïa ka mynsiem ka babha eh, bad ïa ka jingtip, bad ïa ka jingshemphang, ïa ka jingbatai ki jingphohsniew, bad ïa kaba pynpaw ïa ki jingong kiba dum, bad ïa kaba pynshai ïa ki jingeh, la shem ha une hi u Daniel, ïa uba u syiem u la kyrteng ‘u Belteshassar’. Mynta, to ai ba yn khot ïa u Daniel, bad un pyni ïa kata ka jingbatai.”

DANIEL 5:18

A me u syiem U Blei U Bahakhlieh Tam Eh u la ai ha u Nebukhadnessar u kpa jong me ïa ka hima, bad ïa ka jingkhraw, bad ïa ka burom, bad ïa ka jingdonburom:

DANIEL 5:19

bad na ka bynta kata ka jingkhraw ba u la ai ha u, baroh ki briew, ki jaid bynriew, bad ki ktien ki la khynñiuh bad ki la sheptieng ha khmat jong u: ïa uba u mon u pynïap, bad ïa uba u mon u pynim; bad ïa uba u mon u kyntiew, bad ïa uba u mon u pynpoh.

DANIEL 7:15

“Nga hi u Daniel, ka mynsiem jong nga, ka la sngewsih hapdeng ka met jong nga, bad ki jingithuhpaw ka khlieh jong nga, ki la pynkhuslai ïa nga.

DANIEL 7:28

“Kane ka long ka bakut jong kata ka kam. Nga hi u Daniel, ki jingpyrkhat jong nga ki la pynkhuslai shibun ïa nga, bad ka khmat jong nga ka la kylla bak ha nga: hynrei, nga la rieh ïa kata ka kam ha la ka dohnud.”

DANIEL 8:27

Bad nga, u Daniel, nga la ïapler, bad nga la pang katto katne sngi; ynda kumta, nga la khie bad nga la trei ïa ka kam u syiem: bad nga la sngewphylla ïa kata ka jingithuhpaw, hynrei, ym don ba sngewthuh ïa ka.

HABAKKUK 3:10

Ki lum ki la ïohi ïa me, bad ki la sheptieng; ka jingshlei ki um ka la ïaid lait noh: ka jingjylliew ka la pynmih la ka ktien, bad ka la rah sha jrong ïa la ki kti.

1 SAMUEL 1:15

Te ka Hannah ka la ïathuh ka la ong ruh, “Em, ko kynrad, hynrei, nga ka briew ka bajynjar ka mynsiem: ïa ka Waiñ lane ka kyiad ngam shym la dih, hynrei, nga la theh noh ïa la ka mynsiem ha khmat U Trai.

1 SAMUEL 24:8

Hadien kata, u Dabid ruh u la ïeng, bad u la mih noh na kata ka krem, bad u la pyrta nadien u Saul, u da ong, “Ko syiem kynrad jong nga.” Te haba u Saul u la kyrtiang, u Dabid u la dem ïa la ka khmat haduh khyndew, bad u la dem ngon.

1 SAMUEL 26:15

Te u Dabid u la ong ha u Abner, “Hato me mem long rangbah? Bad uei uba kat ma me ha Israel? Te balei ba mem shym la sumar ïa la u kynrad u syiem? Naba u la rung uwei na u paidbah ïa ka ban pynïap ïa u syiem u kynrad jong me.

1 SAMUEL 3:17

Bad u la ong, “Kaei kata kaba U Trai u la kren ha me? Nga kyrpad ïa me wat buhrieh ïa ka na nga: U Blei un leh kumne ïa me, bad tam ruh, lada men buhrieh ei ei na nga na kita kiei kiei baroh kiba u la kren ha me.”