DANIEL 4:14 - KA BAIBL

¹⁴ U la pyrta jam, bad u la ong kumne, ‘To khet noh ïa uta u dieng, bad to ngor noh ïa ki tnat jong u, to kynther noh ïa ki sla jong u, bad pynsaphred ïa ki soh jong u: ai ba ki mrad khlaw kin mih noh napoh jong u, bad ki sim na ki tnat jong u.

Khasi CL Bible (BSI)

¹⁴ U la pynbna ha ka sur bajam, ‘Pom ïa u dieng bad khet noh ïa ki tnat jong u; sloit ïa ki sla jong u bad pynsaphriang ïa ki soh jong u. Beh noh ïa ki mrad napoh jong u bad ïa ki sim na ki tnat jong u.

DANIEL 4:14 ပူးပေါင်းရင်းမြစ်များ

Ka Kitab U Job 24:20

Ka kpoh kan klet ïa u; u ksaiñ un bam ïa u da kaba sngewbang; yn ym kynmaw shuh ïa u: bad ïa ka jingbymhok yn pynkheiñ kum u dieng.

JEREMAÏAH 27:5

“Nga la thaw ïa ka khyndew ïa u briew bad u mrad kiba halor ka khmat ka khyndew, da la ka borbah bad da la ka ksang'ti ba la kner; bad nga ai ïa ka kat ha kiba nga sngewdei.

JEREMAÏAH 51:6

“To phet noh napdeng ka Babilon, bad man u briew to un pynim ïa la ka jingim; wat ai ba yn ot noh ïa phi ha ka jingbymhok jong ka: naba ka dei ka por ka jingpynhiar kput U Trai; un siew ha ka, ïa ka kput.

JEREMAÏAH 51:9

‘Ngi la kwah ban pynkoit ïa ka Babilon, hynrei, kam shym koit: to iehnoh noh ïa ka, bad to ngin ïaleit uwei uwei baroh sha la ka ri hi: namar ka jingshitom jong ka, ka kot haduh bneng, bad la pynkyntiew ïa ka haduh ka suiñ.’

ESEKIEL 31:10

Namar kata, kumne u ong U Trai U Blei: “Namar ba la kyntiew ïa ka rynïeng jong me, bad u la buh ïa ka kliar jong u hapdeng ki dieng bakhah, bad ba ka dohnud jong u ka la at meng ha ka jingjrong jong u;

DANIEL 2:21

bad u pynkylla ma u ïa ki por bad ïa ki aïom: u pynduh ïa ki syiem, bad u thung ïa ki syiem: u ai ka jingstad ïa ki bastad, bad ka jingtip ïa kiba don jingshemphang.

DANIEL 3:4

Ynda kumta, u nongpyrta u la pyrta jam, “La hukum ïa phi, ko ki kynja bynriew, ki jaid bynriew, bad ki ktien,

DANIEL 4:12

Ki sla jong u ki la long kiba itynnad, bad ki soh jong u ki la bun, bad ha u la don ka jingbam ïa baroh: ki mrad khlaw ki la rieh tngen hapoh jong u, bad ki sim bneng ki la shong ha ki tnat jong u, bad ka doh baroh ka la ïoh bam na u.’ ”

DANIEL 4:23

Bad ha kata ba u syiem u la ïohi ïa u nongap phira bad u bakhuid ba u da wan hiar na bneng, bad ba u da ong, ‘To khet noh ïa uta u dieng, bad to pynduh ïa u; hynrei, to iehnoh ïa ka dyngkhong ki thied jong u ha ka khyndew, da ka jingspaiñ nar bad rnong, ha u 'lang lung ka khyndew; to ai ba yn synreit ïa u da ka umjer bneng, bad ai ba ka bynta jong u kan long ryngkat bad ki mrad khlaw, haduh ba hynñiew ki aïom kin lut ha u;’

DANIEL 4:29

Ha ka bakut khat-ar bnai u la dang ïaid kai ha kata ka ïingsyiem jong ka Babilon.

DANIEL 5:20

Hynrei, haba ka dohnud jong u ka la sngewmeng, bad ka mynsiem jong u ka la eh haduh ba u la leh sarong, la pynhiar ïa u na ka khet syiem jong u, bad ki la shim noh na u ïa ka burom jong u:

DANIEL 5:21

bad la beh ïa u na u khun bynriew; bad la pynlong ïa ka dohnud jong u kum ki mrad, bad ka jaka shong jong u ka la long ryngkat bad ki kadda khlaw; la pynbam phlang ïa u kum ki masi dab, bad ka met jong u ka la jhieh da ka umjer bneng: tad ynda u la tip ba U Blei U Bahakhlieh Tam Eh u synshar ha ka hima ki briew, bad ba u buh halor jong ka ïa uba u mon hi.

MATHAÏOS 3:10

Hynrei, mynta ruh la thew ïa ka wait ha u thied ki dieng; namar kata, ïa u dieng baroh u bymsei soh babha yn khet noh, bad yn bred sha ka ding.

MATHAÏOS 7:19

Ïa u dieng baroh u bymsei ki soh babha yn khet noh, yn bred ruh ïa u ha ka ding.

LOUKAS 3:9

Te wat mynta ruh ïa ka wait la buh ha u thied jong ki dieng: namar kata, ïa u dieng baroh u bymsei soh babha yn khet noh, bad yn bred sha ka ding.”

JINGPYNPAW 10:3

bad u la pyrta da ka ktien bajam, kumba kyrhuh u sing; te mynba u la pyrta, ki hynñiew ki pyrthat ki la ïalap ïa ki ktien sawa jong ki.

JINGPYNPAW 18:2

Bad u la pyrta da ka ktien bajam, u da ong, “La kyllon, la kyllon ka Babilon kaba khraw, te ka la jia long ka jaka shong ki ksuid bad ka jaka ri ka mynsiem bymkhuid baroh, bad ka jaka ri ka sim bymkhuid bad ba-isaitmet baroh.