DANIEL 4:1 - KA BAIBL

¹ U Nebukhadnessar syiem, sha ki kynja bynriew baroh, ki jaid bynriew, bad ki ktien, kiba shong ha ka pyrthei baroh: “To ka jingsuk kan nang roi ha phi.

Khasi CL Bible (BSI)

¹ U syiem Nebukhadnessar u la phah ïa ka khubor harum sha ki briew jong baroh ki jaitbynriew, ki jait ki kynja, bad ki ktien ki thylliej ha ka pyrthei: “Khublei!

DANIEL 4:1 ပူးပေါင်းရင်းမြစ်များ

1 KHRONIKL 12:18

Ynda kumta, U Mynsiem u la wan ha u Amasai, u rangbah ki laiphew ngut, bad u la ong, “Ngi ki jong me, ko Dabid, bad ha ka liang jong me, ko me u khun u Jesse: to ka jingsuk, ka jingsuk kan long ha me, bad ka jingsuk ha ki nongïarap jong me; naba U Blei jong me u ïarap ïa me.” Ynda kumta, u Dabid u la pdiang ïa ki, bad u la pynlong ïa ki, ki kaptan ka kynhun.

ESRA 4:17

U syiem u la phah ktien ha u Rehum u myntri syiem, bad ha u Shimshai u nongthoh, bad ha kita kiwei ki lok jong ki, kiba shong ha Samaria, bad ha kata kawei ka bynta sha shiliang ka wah, “Ka jingsuk, bad ei ei bad ei ei.

ESRA 5:7

ki la phah ïa ka shithi sha u, ha kaba la thoh kumne: “Ha u Daraïos u syiem, ka jingsuk baroh.

ESTHER 3:12

Ynda kumta, la khot ïa ki nongthoh jong u syiem ha u bnai u banyngkong, ha ka bakhatlai tarik jong u, bad hangta la thoh katba kum kata baroh kaba u Haman u la hukum sha ki lyngskor ki jong u syiem, bad sha ki nongsynshar kiba la long halor kawei pa kawei ka shnat, bad sha ki rangbah jong kawei pa kawei ka kynja bynriew; sha kawei pa kawei ka shnat katba kum ka jingthoh jong ka, bad sha kawei pa kawei ka kynja bynriew katba kum ka ktien jong ka; ha ka kyrteng u Ahasueros syiem la thoh ïa ka, bad la shon ïa ka, da ka sa'ti ka jong u syiem.

ESTHER 8:9

Ynda kumta, la khot ha kata ka por ïa ki nongthoh ki jong u syiem, ha u bnai u balai, uba long u 'nai Siban, ha ka ba-arphew lai tarik jong u: bad la thoh ïa ka katba kum kata baroh ïa kaba u Mordekai u la hukum ïa ki Jiw, ïa ki lyngskor, bad ïa ki nongsynshar bad ïa ki rangbah jong ki shnat kiba long naduh ri India haduh ka ri Ethiopia, shispah arphew hynñiew ki shnat, sha kawei pa kawei ka shnat, katba kum ka jingthoh jong ka, bad sha kawei pa kawei ka kynja bynriew katba kum ka ktien jong ki, bad sha ki Jiw katba kum ka jingthoh jong ki, bad katba kum ka ktien jong ki.

DANIEL 3:29

Namar kata, nga buh ïa ka hukum, ba kino kino ki kynja bynriew, ki jaid bynriew, bad ki ktien, ki ban kren ei ei ka bymdei ïa U Blei jong u Shadrak, u Meshak, bad u Abednego, yn ot lyngkhot lyngkhai ïa ki, bad yn pynlong synrum ïa ki ïing jong ki: namar ym don uwei pat U Blei uba lah ban pyllait kum ha kane ka rukom.”

DANIEL 3:4

Ynda kumta, u nongpyrta u la pyrta jam, “La hukum ïa phi, ko ki kynja bynriew, ki jaid bynriew, bad ki ktien,

DANIEL 6:25

Ynda kumta, u Daraïos syiem u la thoh sha kita ki briew, ki jaid bynriew, bad ki ktien baroh, kiba shong ha ka khyndew baroh; “To ka jingsuk kan nang roi ha phi.

DANIEL 6:27

U pyllait bad U pynim, bad U pynlong ïa ki dak khyllah bad ïa ki jingphylla ha ka bneng bad ha ka khyndew; Uba la pynim ïa u Daniel na ka bor ki sing.”

DANIEL 7:14

Bad la ai ha u ka jingsynshar, bad ka burom, bad ka hima, ba ki kynja bynriew baroh, ki jaid bynriew bad ki ktien kin shakri ïa u: ka jingsynshar jong u ka long ka jingsynshar bymjukut, ka ban ym duh noh, bad ka hima jong u ka ban ym pynjot noh ïa ka.

SEKHARAÏAH 8:23

Kumne u ong U Trai ki paid: “Ha kito ki sngi, kan jia ba shiphew ngut ki briew na ki ktien baroh ki jaid bynriew, kin ïabat, kin ïabat keiñ na ka rmiang ka jaiñ jong uta uba long u Jiw, ki da ong, ‘Ngin ïaleit ryngkat bad phi, naba ngi la ïohsngew ba U Blei u don lem bad phi.’ ”

KI KAM 2:6

Te haba la ïohsngew ïa kane ka jingsawa, u paidbah u la ïawan lang bad u la sngewlyngngoh, naba u briew baroh u la ïohsngew ba ki kren ha ka ktien jong u hi.

Ka Shithi U Paul Sha Ki Nong Rom 1:7

Ha kita baroh kiba ha Rom kiba ieit ki jong U Blei, ba la khot ban long ki riewkhuid: Long ka jingaiei ha phi bad ka jingsuk na U Blei uba U Kpa jong ngi bad na U Jisu Khrist U Trai.

EPHESOS 1:2

Long ka jingaiei ha phi bad ka jingsuk na U Blei U Kpa jong ngi bad na U Jisu Khrist uba U Trai.

1 TIMOTHI 1:2

Ha u Timothi, u khun uba shisha jong nga ha ka jingngeit: Ka jingaiei, ka jingisynei, bad ka jingsuk, na U Blei U Kpa jong ngi bad U Khrist Jisu uba U Trai jong ngi.

1 PETROS 1:2

katba kum ka jingtip lypa U Blei U Kpa, ha ka jingpynkhuid U Mynsiem, ïa ka jingkohnguh bad ïa ka jingsynreit ka snam U Jisu Khrist: Ka jingaiei ha phi bad ka jingsuk to kin nang roi.