DANIEL 3:6 - KA BAIBL

⁶ bad uno uno u bym dem bym mane yn sa bred ïa u ha kata kajuh ka por hapdeng ka lawar ding ba la thang rhem.”

Khasi CL Bible (BSI)

⁶ Ïa uno uno u bym dem ngon bad mane yn bret kloi lan ha ka lawar ding baklang.”

DANIEL 3:6 ပူးပေါင်းရင်းမြစ်များ

JENESIS 19:28

bad u la khmih shaphang Sodom bad Gomorra, bad shaphang ka ri baroh jong kata ka pynthor, bad u la ïohi, bad ha khmih, ka tdem jong kata ka khyndew ka la kiew kum ka tdem ka lawar ding.

EKSODOS 20:5

men ym dem ïa ki, lymne shakri ïa ki: naba nga U Trai uba U Blei jong me nga long U Blei u bathut shen, uba pynwan ïa ka jingpalat ki kpa ha ki khun, haduh ka balai bad ka basaw pateng bynriew jong kiba isih ïa nga;

ISAÏAH 44:17

te ïa kaba sah u thaw u blei ïa ka, ïa u bleithaw jong u keiñ: u dem ïa lade ha u bad u mane ïa u, u duwai ha u, bad u ong, “To pyllait ïa nga; namar me long u blei jong nga.”

JEREMAÏAH 29:22

bad na kita baroh na Judah kiba shong mraw ha Babilon kin shim ka jingtim, da kaba ong, ‘To U Trai un pynlong ïa me kum u Sedekaïah bad kum u Ahab, ïa kiba u syiem ka Babilon u la syang ha ka ding:’

DANIEL 2:5

U syiem u la ïathuh bad u la ong ha ki Khaldi, “Ka la jah noh na nga: lada phim pyntip ha nga ïa kata ka jingphohsniew bad ïa ka jingbatai jong ka, yn ot lyngkhot lyngkhai ïa phi, bad yn pynlong synrum ïa ki ïing jong phi.

DANIEL 3:11

bad ba uno uno u bym dem bym mane, yn bred noh ïa u hapdeng ka lawar ding ba la thang rhem.

DANIEL 3:15

Mynta, lada phi la khreh hamar ba phi ïohsngew ïa ka jingsawa jong kata ka jingput, ka sharati, ka bajna, ka tangmuri, ka nebel, ka dulsimar, bad ki kynja jingtem baroh, ban dem ban mane ïa kata ka durblei ïa kaba nga la thaw, bha: hynrei, lada phim mane, yn sa bred noh ïa phi ha kata kajuh ka por hapdeng ka lawar ding ba la thang rhem; bad uei uta U Blei uba lah ban pyllait ïa phi na ki kti jong nga?”

DANIEL 3:21

Ynda kumta, la khum ïa kine ki briew lem bad ki patlun jong ki, ki jingspong jong ki, ki jaiñkup jong ki, bad kiwei kiwei pat ki jingphong jong ki, bad la bred noh ïa ki hapdeng kata ka lawar ding ba la thang rhem.

DANIEL 3:7

Namar kata, ha kata ka por, haba kita ki kynja bynriew baroh ki la ïohsngew ïa ka jingsawa jong kata ka jingput, ka sharati, ka bajna, ka tangmuri, ka nebel, bad ki kynja jingtem baroh, kita ki kynja bynriew baroh, ki jaid bynriew, bad ki ktien, ki la dem ki la mane ruh ïa kata ka durblei ksiar kaba u Nebukhadnessar syiem u la lah pynïeng.

DANIEL 5:19

bad na ka bynta kata ka jingkhraw ba u la ai ha u, baroh ki briew, ki jaid bynriew, bad ki ktien ki la khynñiuh bad ki la sheptieng ha khmat jong u: ïa uba u mon u pynïap, bad ïa uba u mon u pynim; bad ïa uba u mon u kyntiew, bad ïa uba u mon u pynpoh.

DANIEL 6:7

Ki rangbah baroh jong ka hima, ki deputi bad ki lyngskor, ki myntri bad ki nongsynshar, ki la ïapyrkhat lang ban buh ïa ka hukum syiem, bad ban pynlong ïa ka adong ka baskhem, ba uno uno u ban kyrpad jingkyrpad na uno uno u blei lane u briew, hapdeng laiphew sngi, lait na me, ko syiem, yn bred noh ïa uta sha ka krem ki sing.

MATHAÏOS 13:42

bad kin bred ïa ki ha ka lawar ka ding; hangta keiñ yn long kaba lynñiar bad kum dait bniat.

MATHAÏOS 13:50

bad kin bred ïa ki ha ka lawar ka ding: hangta keiñ yn long kaba lynñiar bad kum dait bniat.”

MATHAÏOS 4:9

bad u la ong ha U, “Kita kiei kiei baroh ngan sa ai ha me, lada men dem ban mane ïa nga.”

MARKOS 6:27

Te kumne kumne ruh uta u syiem u la phah ïa u nongkhrai khlieh, bad u la hukum ban wallam ïa ka khlieh jong u.

JINGPYNPAW 14:11

te ka tdem kata ka jingpynkordit ïa ki ka kiew noh sha ki bymjukut ki bymjukut; bad kim ïoh ïa kaba shongthait mynsngi bad mynmiet, kiba ïamane dem ïa uta u mrad khlaw bad ïa ka dur jong u, bad jar uba pdiang ïa kata ka dak ka kyrteng jong u.”

JINGPYNPAW 9:2

Te u la plie ïa kata ka 'liewlong bakhlem trai; te ka la leit kiew ka tdem na kata ka 'liewlong, kum ka tdem ka lawar ding kaba khraw; te la pyndum ïa ka sngi bad ïa ka suiñbneng da ka tdem jong kata ka 'liewlong.