DANIEL 3:4 - KA BAIBL

⁴ Ynda kumta, u nongpyrta u la pyrta jam, “La hukum ïa phi, ko ki kynja bynriew, ki jaid bynriew, bad ki ktien,

Khasi CL Bible (BSI)

⁴ u sangot u la pynbna ha ka sur bajam, “Ko ki briew jong ki ri baroh, ki jaitbynriew bad ki jait ktien!

DANIEL 3:4 ပူးပေါင်းရင်းမြစ်များ

ESTHER 8:9

Ynda kumta, la khot ha kata ka por ïa ki nongthoh ki jong u syiem, ha u bnai u balai, uba long u 'nai Siban, ha ka ba-arphew lai tarik jong u: bad la thoh ïa ka katba kum kata baroh ïa kaba u Mordekai u la hukum ïa ki Jiw, ïa ki lyngskor, bad ïa ki nongsynshar bad ïa ki rangbah jong ki shnat kiba long naduh ri India haduh ka ri Ethiopia, shispah arphew hynñiew ki shnat, sha kawei pa kawei ka shnat, katba kum ka jingthoh jong ka, bad sha kawei pa kawei ka kynja bynriew katba kum ka ktien jong ki, bad sha ki Jiw katba kum ka jingthoh jong ki, bad katba kum ka ktien jong ki.

ISAÏAH 40:9

A pha kaba ïathuhkhana babha ïa ka Seïon, to leit kiew noh sha uta u lum bajrong; A pha kaba ïathuhkhana babha ïa ka Jerusalem, to pynjam da ka bor ïa la ka ktien; to pynjam, wat sheptieng; ong ïa ki shnong Judah, “Ha khmih, U Blei jong phi!”

ISAÏAH 58:1

“To pyrta jam la ka ryndang, wat tyngkai, pynjam ïa la ka ktien kum ka ronsing, to pynbna ruh ha u paidlang jong nga ïa ka ryngkang jong ki, bad ha ka ïing u Jakob ruh ïa ki pop jong ki.

DANIEL 3:10

Me, ko syiem, me la buh ka hukum, ba uno uno u briew uba ïohsngew ïa ka jingsawa jong kata ka jingput, ka sharati, ka bajna, ka tangmuri, ka nebel, ka dulsimar, bad ka kynja jingtem baroh, un dem un mane ïa kata ka durblei ksiar:

DANIEL 3:3

Ynda kumta, ki lyngskor, ki deputi, bad ki nongsynshar, ki nongbishar, ki khajanshi, ki riewsaid, ki najir, bad ki nongsynshar baroh jong ki shnat, ki la ïawan lang sha ka jingpynkyntang jong kata ka durblei kaba u Nebukhadnessar syiem u la lah pynïeng; bad ki la ïeng ha khmat kata ka durblei kaba u Nebukhadnessar u la lah pynïeng.

DANIEL 3:7

Namar kata, ha kata ka por, haba kita ki kynja bynriew baroh ki la ïohsngew ïa ka jingsawa jong kata ka jingput, ka sharati, ka bajna, ka tangmuri, ka nebel, bad ki kynja jingtem baroh, kita ki kynja bynriew baroh, ki jaid bynriew, bad ki ktien, ki la dem ki la mane ruh ïa kata ka durblei ksiar kaba u Nebukhadnessar syiem u la lah pynïeng.

DANIEL 4:1

U Nebukhadnessar syiem, sha ki kynja bynriew baroh, ki jaid bynriew, bad ki ktien, kiba shong ha ka pyrthei baroh: “To ka jingsuk kan nang roi ha phi.

DANIEL 4:14

U la pyrta jam, bad u la ong kumne, ‘To khet noh ïa uta u dieng, bad to ngor noh ïa ki tnat jong u, to kynther noh ïa ki sla jong u, bad pynsaphred ïa ki soh jong u: ai ba ki mrad khlaw kin mih noh napoh jong u, bad ki sim na ki tnat jong u.

DANIEL 6:25

Ynda kumta, u Daraïos syiem u la thoh sha kita ki briew, ki jaid bynriew, bad ki ktien baroh, kiba shong ha ka khyndew baroh; “To ka jingsuk kan nang roi ha phi.

HOSIA 5:11

Ïa u Ephraim la banbor, la tylliat ruh ha ka jingbishar; namar u la mon ban leit bud ïa kaba thala.

MIKAH 6:16

Naba ïa ki hukum u Omri la sumar, bad ïa ki jingleh ka ïing u Ahab baroh, bad phi ïaid ha ki jingpyrkhat jong ki: ba ngan pynlong ka jingjot ïa pha, bad ïa kita kiba shong ha pha ka jingkynshi; namar kata, phin bah ïa ka jinglehrain ki briew jong nga.”

JINGPYNPAW 5:9

Bad ki ïarwai ïa ka jingrwai bathymmai, ki da ong, “Me long uba dei ban shim ïa kata ka kitab, bad ban plie ïa kita ki jingpyndait jong ka; naba la pynïap keiñ ïa me, bad me la siewspah ha U Blei da ka snam jong me ïa kiba na ka jaid, bad na ka thylliej, bad na u paidlang, bad na ka kynja bynriew baroh;