DANIEL 3:26 - KA BAIBL

²⁶ Ynda kumta, u Nebukhadnessar u la wan hajan ka jingkhang jong kata ka lawar ding ba la thang rhem: u la kren bad u la ong, “Ko Shadrak, Meshak, bad Abednego, phi ki shakri jong U Blei U Bahakhlieh Tam Eh, to ïamih noh, to ale shane.” Ynda kumta, u Shadrak, u Meshak, bad u Abednego, ki la ïamih noh napdeng ka ding.

Khasi CL Bible (BSI)

²⁶ Kumta u Nebukhadnessar u la leit kiew sha ka jingkhang jong ka lawar ding baklang bad u la pyrta, “Ko Shadrakh! Ko Meshakh! Ko Abednego! Ko shakri jong U Blei Bahakhlieh Tam Eh! To mihnoh shabar!” Bad kumta hi ki la wan mih shabar.

DANIEL 3:26 ပူးပေါင်းရင်းမြစ်များ

JENESIS 14:18

Bad u Melkhisedek u syiem ka Salem u la wallam ïa u kpu bad ïa ka umsoh Waiñ: bad u la long u lyngdoh jong U Blei U Bahalor Tam Eh.

1 SYIEM 8:51

namar ki long ki briew jong me, bad ka bynta jong me, kiba me la wallam noh na ri Ijipt, napdeng ka lawar ding nar:

ESRA 5:11

Bad kumne ki la ai jubab ïa ngi, ki la ong, ‘Ngi long ki shakri U Blei ka bneng bad ka khyndew, bad ngi tei ïa ka ïing ïa kaba la tei mynta la bun snem, ïa kaba uwei u syiem bakhraw jong ki Israel u la tei bad u la pyndep.

SALM 66:12

Me la pynshong kulai ïa ki briew halor ki khlieh jong ngi; ngi la leit lyngba ïa ka ding bad lyngba ïa ka um; hynrei, me la wallam noh ïa ngi sha ka jaka kaba pahuh.

ISAÏAH 28:16

namar kata, kumne u ong U Trai U Blei, “Ha khmih, nga buh nongrim ha Seïon, ïa u maw, u maw ba la tynjuh, u mawdong bakordor jong ka nongrim baskhem: ‘Uta uba ngeit un ym pynkyrkieh.’

ISAÏAH 52:12

Naba phin ym ïamih noh da kaba kyrkieh, lymne leit da kaba phet ïap: namar U Trai un leit ha shuwa jong phi; bad U Blei ki Israel un long u nongda ïa phi na shadien.

JEREMAÏAH 11:4

kaba nga la hukum ïa ki kpa jong phi ha ka sngi kaba nga la wallam noh ïa ki na ka ri Ijipt, na ka lawar ding kaba da u nar,” nga da ong, “To kohnguh ïa ka ktien jong nga, bad to leh ïa ki, kat kum ïa baroh kaba nga hukum ïa phi: kumta phin long ki briew jong nga, bad nga ruh ngan long U Blei jong phi:

DANIEL 2:47

U syiem u la ïathuh ha u Daniel, bad u la ong, “Da kaba shisha, U Blei jong phi u long U Blei ki blei, bad U Trai ki syiem, bad u nongpynpaw ïa ki jingbuhrieh, naba me la lah ban pynpaw ïa kane ka jingbuhrieh.”

DANIEL 3:17

Lada ka long kumta, U Blei jong ngi ïa uba ngi shakri u lah ban pyllait ïa ngi na ka lawar ding ba la thang rhem; bad un pyllait ïa ngi ruh na ka kti jong me, ko syiem.

DANIEL 4:2

Nga la ibit ban pyni ïa ki dak khyllah bad ïa ki jingphylla ïa kiba U Blei U Bahakhlieh Tam Eh u la leh ïa nga.

DANIEL 6:20

Bad haba u la wan hajan kata ka krem sha u Daniel, u la pyrta da ka ktien ïaïam: u syiem u la kren bad u la ong ha u Daniel, “Ko Daniel, u shakri U Blei u ba-im, U Blei ïa uba me shakri khlem da pud, u lah ne em ban pynim ïa me na kita ki sing?”

DANIEL 6:21

Ynda kumta, u Daniel u la ong ha u syiem, “Ko syiem, to im ha la ka rta.

DANIEL 7:25

Bad un kren ki ktien kiba pyrshah ïa U Bahakhlieh Tam Eh, bad un pynduh noh ïa ki riewkhuid jong U Bahakhlieh Tam Eh: bad un thmu ban pynkylla ïa ki por bad ïa ka hukum; bad yn ai noh ïa ki ha ka kti jong u haduh ka por bad ki por bad ka shiteng por.

KI KAM 16:17

Kane, haba ka bud jan ïa u Paul bad ïa ngi, ka la pyrta, ka da ong, “Kine ki briew ki long ki shakri jong U Blei U Bahakhlieh Tam Eh, kiba pynbna ha phi ïa ka lynti ka jingpynim!”

KI KAM 16:37

Hynrei, u Paul u la ong ha ki, “Ki la sympat ïa ngi ha kaba paw khlem da bishar, haba ngi long ki trai-shnong Rom, bad ki la set ïa ngi ha byndi; te mynta ki shu pyllait jar jar ïa ngi? Ym kumta phi; hynrei, ai kin da wan hi bad ïalam noh ïa ngi shabar.”

KI KAM 27:23

Namar la ïeng hajan jong nga ha kane ka miet u angel U Blei, u jong uba nga long, bad ïa uba nga shakri ruh,

GALATIA 1:10

Namar hato mynta nga bhoh ïa ki briew, ne ïa U Blei? lane nga wad ïa ka ban pynsngewbha ïa ki briew? lada nga dang pynsngewbha ïa ki briew, ngam shym long u shakri U Khrist.

DEUTERONOMI 4:20

Hynrei, U Trai u la shim ïa phi, bad u la wallam noh ïa phi na kata ka lawar ding saiñ nar, na ka ri Ijipt keiñ, khnang ba phin long u paidlang ha u, ka bynta trai keiñ, kumba phi long ha kane ka sngi.

JOSHUA 3:17

Bad ki lyngdoh kiba bah ïa ka synduk ka jutang U Trai ki la ïeng skhem ha ryngkew hapdeng ka Jordan, bad ki Israel baroh ki la leit sha shiliang na ryngkew, ha ban da u paidbah baroh u la leit phar sha shiliang ka Jordan.

JOSHUA 4:10

Te kita ki lyngdoh kiba bah ïa kata ka synduk ki la ïeng hapdeng ka Jordan, ha ban da la pyndep ïa baroh ba la hukum U Trai ha u Joshua ban kren ha u paidbah, katba kum ïa baroh ba la hukum u Moses ha u Joshua: te uta u paidbah u la kyrkieh bad u la leit sha shiliang.

JINGPYNPAW 19:5

Bad ka ktien sawa ka la wan mih noh na kata ka khet, ka da ong, “To ïaroh ïa U Blei jong ngi, phi baroh ki shakri jong u, bad phi kiba sheptieng ïa u, ki barit baraiñ ruh bad ki bakhraw batri.”