DANIEL 3:25 - KA BAIBL

²⁵ U la ïathuh bad u la ong, “Ha khmih, nga ïohi saw ngut ki briew kiba laitluid, ki da ïaid kai hapdeng ka ding, bad kim don jingmynsaw ei ei ruh em; te ka dur uba saw ka long kum u khun ki blei.”

Khasi CL Bible (BSI)

²⁵ “Te balei ba nga ïohi saw ngut ki rangbah kiba ïaid ha ka ding?” u la kylli. “Ïa ki ym shym la khum, bad kim shym pyn-i kano kano ka dak jong ka jingmynsaw — bad uba saw u i kum u angel.”

DANIEL 3:25 ပူးပေါင်းရင်းမြစ်များ

Ka Kitab U Job 1:6

Te la jia ka sngi haba ki khun U Blei ki la wan ïeng ha khmat U Trai, bad u Soitan ruh u la wan hapdeng jong ki.

Ka Kitab U Job 38:7

haba ki khlur mynstep ki la rwai lang, bad ba ki khun U Blei baroh ki la risa namar ka jingkmen?

Ka Kitab U Job 5:19

Ha ki hynriew tylli ki jingjynjar un pynim ïa me; shisha, ha ka hynñiew ka jingsniew kan ym ktah ïa me.

SALM 34:7

U angel U Trai u ker sawdong ïa kita kiba sheptieng ïa U, bad u pyllait ïa ki.

PROBERB 30:4

Uei uba la kiew artet sha bneng, bad ba la hiar? Uei ba la lum ïa ka lyer ha la ki kti ba la kham? Uei ba la tehsong ïa ki um ha la ka jaiñkup? Uei ba la pynskhem ïa baroh ki bakut ka khyndew? Kaei ka kyrteng jong u, bad kaei ka kyrteng u khun jong u, lada me tip?

ISAÏAH 43:2

Haba me leit lyngba ïa ki um, nga ngan long lem bad me; bad lyngba ki wah, kin ym tyllep ïa me: haba me ïaid lyngba ka ding, men ym ing; lymne ka thylliej ding kan ym jliah ïa me.

JEREMAÏAH 1:19

Ki te kin ïaleh pyrshah ïa me; hynrei, kin ym lah ïa me: naba nga long ryngkat bad me, ïa ka ban pyllait ïa me,” ong U Trai.

JEREMAÏAH 1:8

Wat sheptieng na ka bynta jong ki: naba nga long lem bad me ïa ka ban pyllait ïa me,” ong U Trai.

JEREMAÏAH 15:21

“Bad ngan pyllait ïa me na ka kti jong ki bymman, bad ngan siewspah ïa me na ka kti jong kiba itriem.”

DANIEL 3:18

Hynrei, lada ym kumta, to tip me, ko syiem, ba ngin ym shakri ïa ki blei jong me, lymne mane ïa kata ka durblei ïa kaba me la pynïeng.”

DANIEL 3:24

Ynda kumta, u Nebukhadnessar syiem u la lyngngoh, bad u la ïeng joit shisyndon: u la kren bad u la ong ha ki riewsaid jong u, “Ym shym dei lai ngut ki briew kiba ngi la bred ba la khum hapdeng kata ka ding?” Ki la ïathuh bad ki la ong ha u syiem, “Shisha, ko syiem.”

DANIEL 3:28

Ynda kumta, u Nebukhadnessar u la kren bad u la ong, “Long ba la kyrkhu ïa U Blei jong u Shadrak, u Meshak, bad u Abednego, uba la phah ïa u angel jong u, bad uba la pyllait ïa ki shakri jong u kiba la shaniah ha u, kiba la pynkylla ïa ka hukum u syiem, bad kiba la aiti noh ïa la ki met, ba kin ym shakri lymne mane ïa uno uno u blei, hynrei, tang ïa U Blei jong ki hi.

DANIEL 6:23

Ynda kumta, u syiem u la kmen shikatdei eh, bad u la hukum ba kin sei noh ïa u Daniel na kata ka krem. Kumta, la sei noh ïa u Daniel na kata ka krem, bad ym shym la shem jingmynsaw ei ei ruh em ha u, namar ba u la shaniah ha U Blei jong u.

MARKOS 16:18

kin rah noh ïa ki bseiñ, bad lada kin dih ei ei ruh kaba pynïap, kan ym pynsniew ïa ki keiñ; kin buh ïa ki kti ha ki bapang, bad kita kin khiah.”

LOUKAS 1:35

Uta u angel te u da ïathuh u la ong ha ka, “U Mynsiem Bakhuid un wan ha pha, bad ka bor U Bahakhlieh Tam Eh kan kah halor jong pha; namar kata ruh, ïa ita i bakhuid ïa iba yn kha, yn khot ‘U Khun U Blei’;

KI KAM 28:5

Pynban, haba u la kynther noh ïa uta u mrad ha ding, um pang ei ei.

Ka Shithi U Paul Sha Ki Nong Rom 1:4

ïa uba la pynithuh shynna ba u long U Khun U Blei da ka bor, katba kum U Mynsiem ka jingkhuid, da ka jingmihpat na ki baïap, U Jisu Khrist keiñ uba U Trai jong ngi,

1 PETROS 3:13

Te uei uta u ban pynsniew ïa phi, lada phi long kiba ïabud skhem ïa kata ka babha?