DANIEL 3:19 - KA BAIBL

¹⁹ Ynda kumta, la pyndap ïa u Nebukhadnessar da ka jingbitar lep, bad ka dur ka khmat jong u ka la kylla pyrshah ïa u Shadrak, ïa u Meshak, bad ïa u Abednego: namar kata, u la kren bad u la hukum ba kin kham pynshit ïa kata ka lawar ding hynñiew shah ban ïa kaba la ju pynshit.

Khasi CL Bible (BSI)

¹⁹ Te u Nebukhadnessar u la bitar, bad ka durkhmat jong u ka la kiew sawlep da ka jingbitar ïa u Shadrakh, u Meshakh, bad u Abednego. Kumta u la hukum ïa ki rangbah jong u ban pynkhluit ïa ka lawar ding hynñiew shah ban ïa kaba mynshuwa.

DANIEL 3:19 ပူးပေါင်းရင်းမြစ်များ

JENESIS 31:2

Bad u Jakob putet u la ïohi ïa ka khmat u Laban, bad ha khmih, kam shym long sha u kum mynshuwa.

ESTHER 3:5

Te haba u Haman u la ïohi ba u Mordekai um shym dem, lymne lehburom ïa u, ynda kumta, u Haman u la dap da ka jingbitar.

ESTHER 7:7

Te u syiem u la ïeng ha la ka jingbitar na kata ka jingkhawai Waiñ bad u la leit shapoh kata ka kper ka ïingsyiem: bad u Haman u la ïeng ban kyrpad na ka bynta la ka jingim ha ka Esther syiem: namar u la ïohi ba la don ka jingsniew ba la thew pyrshah ïa u da u syiem.

SALM 76:10

Shisha ka jingbitar u briew kan ïaroh ïa me: kaba sah ka jingbitar men panpoh ha me.

PROBERB 16:14

Ka jingbitar u syiem ka long kum ki nonglam-ktien ka jingïap: hynrei, u briew u bastad un pynjem ïa ka.

PROBERB 21:24

Uba sarong bad uba sngewmeng, “U nongrkhiebeiñ” long ka kyrteng jong u, u trei ha ka jingsngewkhraw ka jingsarong.

ISAÏAH 51:23

te ngan buh ïa ka ha ka kti jong kita kiba pynjynjar ïa pha; kiba la ong ha ka mynsiem jong pha, ‘To dem pyllup, ba ngin ryngkang noh;’ te pha la pun ïa la ka met kum ka khyndew, bad kum ka lynti, ha kita kiba ryngkang.”

DANIEL 2:12

Namar kane ka daw, u syiem u la sngewsih bad u la bitar lep, bad u la hukum ban pynduh ïa ki riewstad baroh jong ka ri Babilon.

DANIEL 3:13

Ynda kumta, u Nebukhadnessar ha la ka jingbitar bad ka jingotshla u la hukum ban wallam ïa u Shadrak, ïa u Meshak, bad ïa u Abednego. Ynda kumta, ki la wallam ïa kine ki briew ha khmat u syiem.

DANIEL 3:20

Bad u la hukum ïa ki briew kiba khlaiñ kiba don ha ki shipai jong u ban khum ïa u Shadrak, ïa u Meshak, bad ïa u Abednego, bad ban bred noh ïa ki hapoh kata ka lawar ding ba la thang rhem.

DANIEL 5:6

Ynda kumta, ka khmat u syiem ka la kylla bak, bad ki jingpyrkhat jong u ki la pynkhuslai ïa u; bad ki mat ka syngkai jong u ki la khih, bad ki khohsiew jong u ki la ïatyngkhuh.

DANIEL 6:24

Bad u syiem u la hukum, bad ki la wallam ïa kita ki briew kiba la mudui ïa u Daniel, bad ki la bred noh ïa ki shapoh kata ka krem ki sing, ma ki, ki khun jong ki, bad ki tnga jong ki; bad kita ki sing ki la jop ïa ki, bad haba kim pat lap ba poi sha trai kata ka krem, ki la pynlwet jin ïa ki shyieng jong ki baroh.

LEBITIKOS 26:18

Bad lada hadien kine kiei kiei ruh phin ym shahshkor ïa nga pynban, ynda kumta, ngan pynshitom ïa phi kham tam hynñiew shah namar ki pop jong phi.

LEBITIKOS 26:21

“Bad lada phin ïaid pyrshah ïa nga, bad phin ym mon shuh ban shahshkor ïa nga; ngan pynroi hynñiew shah halor jong phi da ki jingshah kordit katba kum ki pop jong phi.

LEBITIKOS 26:24

bad ngan shoh pat ruh ïa phi hynñiew sien kham jur katba kum ki pop jong phi.

LEBITIKOS 26:28

nga ruh ngan ïaid pyrshah ïa phi da ka jingbitar; bad nga hi ngan pynshitom ïa phi hynñiew shah kham jur pat namar ki pop jong phi.

KI KAM 5:33

Hynrei, haba ki la ïohsngew ïa kane, ki la bitar eh lep, bad ki la thmu ban pynïap noh ïa ki.

KI KAM 7:54

Te haba ki la ïohsngew ïa kine kiei kiei ruh, ki la otshla ha ki dohnud, bad ki la kyr-iat bniat ïa u.