DANIEL 3:18 - KA BAIBL

¹⁸ Hynrei, lada ym kumta, to tip me, ko syiem, ba ngin ym shakri ïa ki blei jong me, lymne mane ïa kata ka durblei ïa kaba me la pynïeng.”

Khasi CL Bible (BSI)

¹⁸ Hynrei wat lada um leh, to u Syiem Kynrad un tip skhem ba ngin ym mane ïa u blei jong phi, bad ngin ym dem ngon sha ka durbriew ksiar kaba phi la phah pynïeng.”

DANIEL 3:18 ပူးပေါင်းရင်းမြစ်များ

1 SYIEM 19:14

U te u la ong, “Nga la sngewskuiñ eh na ka bynta U Trai, U Blei ki paid; naba ki khun Israel ki la lyndet noh ïa ka jutang jong me, ki la pynkyllon ïa ki duwan jong me, bad ki la pynïap ïa ki nongïathuhlypa jong me da ka waitlam; bad sa tang ma nga hi nga dang sah; bad ki wad ruh ïa ka jingim jong nga, ban shim noh ïa ka.”

1 SYIEM 19:18

La kumta ruh, ngan pynsah hynñiew hajar ngut ha Israel, ki khohsiew baroh ki bym shym la dem ha u Baal, bad ki shyntur baroh ki bym shym la doh ïa u.”

Ka Kitab U Job 13:15

La u pynïap ruh ïa nga, pynban, ngan ap ïa u: la kumta ruh, ngan da ïa la ki lynti ha khmat jong u.

PROBERB 28:1

U bymman u phet ïap ha bymdon ba beh ïa u: hynrei, ki bahok ki shlur kum u sing.

DANIEL 3:28

Ynda kumta, u Nebukhadnessar u la kren bad u la ong, “Long ba la kyrkhu ïa U Blei jong u Shadrak, u Meshak, bad u Abednego, uba la phah ïa u angel jong u, bad uba la pyllait ïa ki shakri jong u kiba la shaniah ha u, kiba la pynkylla ïa ka hukum u syiem, bad kiba la aiti noh ïa la ki met, ba kin ym shakri lymne mane ïa uno uno u blei, hynrei, tang ïa U Blei jong ki hi.

LEBITIKOS 19:4

Wat phai noh ha ki bleithaw, bad wat thaw ïa phi ïa ki blei ba la saiñ: Nga long U Trai U Blei jong phi keiñ.

MATHAÏOS 10:28

To wat sheptieng te ïa kita kiba pynïap ïa ka met, bad ki bym lah ban pynïap ïa ka mynsiem: hynrei, phin kham sheptieng ïa uta uba lah ban pynjot bad ïa ka mynsiem bad ïa ka met ha dujok.

MATHAÏOS 10:39

Uta uba shem ïa la ka jingim un duh noh ïa ka; bad uta uba duh noh ïa la ka jingim na ka bynta jong nga un shem ïa ka.

MATHAÏOS 16:2

U te u la ïathuh bad u la ong ha ki, “Haba la janmiet, phi ong, ‘Kan rang, naba ka saw ka bneng:’

KI KAM 4:19

Hynrei, u Petros bad u Ïoannis ki la ïathuh bad ki la ong ha ki, “La ka shong hok ha khmat U Blei ban sngap ïa phi kham tam ban ïa U Blei, to khan ma phi:

HEBRU 11:25

u da jied pynban ban shah shitom lem bad u paidlang U Blei, ban ïa ka ban ïoh ki jingsngewbha ka pop tang shi por;

JOSHUA 24:15

Bad lada kam idei ïa phi ban shakri ïa U Trai, to jied phi ha kane ka sngi ïano phin shakri; ïa kita kiba ki kpa jong phi ki la shakri kiba la don sha shiliang kata ka Wah, lane ïa kita ki blei ki Amor, kiba phi shong ha ka ri jong ki: hynrei, ma nga bad ka ïing jong nga ngin shakri ïa U Trai.”

JINGPYNPAW 12:11

Hynrei, ki la jop noh ma ki ïa u, namar kata ka snam jong uta u Khun langbrot, bad namar kata ka ktien ka jingphla jong ki; te kim shym la ieit ïa ka jingim jong ki jin haduh ka jingïap.