DANIEL 3:17 - KA BAIBL

¹⁷ Lada ka long kumta, U Blei jong ngi ïa uba ngi shakri u lah ban pyllait ïa ngi na ka lawar ding ba la thang rhem; bad un pyllait ïa ngi ruh na ka kti jong me, ko syiem.

Khasi CL Bible (BSI)

¹⁷ Lada U Blei uba ngi shakri u lah ban pyllait im ïa ngi na ka lawar ding baklang bad na ka bor jong phi, te un leh.

DANIEL 3:17 ပူးပေါင်းရင်းမြစ်များ

JENESIS 17:1

Te u Abram u la long khyndaiphew khyndai snem, bad U Trai u la paw ha u Abram, bad u la ong ha u, “Nga long U Blei U Badonbor Baroh; to ïaid ha khmat jong nga, bad to long me uba janai.

JENESIS 18:14

Don kaei kaei ruh ïa kaba um lah U Trai? Ha kata ka Ïa ba la lah buh ngan wan phai pat keiñ sha me, hamar kaba ka aïom ka jingim, te ka Sara kan ïoh u khun.”

Ka Kitab U Job 34:29

Haba u ai ma u ka jingjahthait, te uei uba lah ban pynrem? bad haba u buhrieh ïa la ka khmat, uei uba lah ban khmih ïa u? la kane la leh ïa ka jaid bynriew, lane ïa u briew, kumjuh:

Ka Kitab U Job 5:19

Ha ki hynriew tylli ki jingjynjar un pynim ïa me; shisha, ha ka hynñiew ka jingsniew kan ym ktah ïa me.

SALM 115:3

Hynrei, U Blei jong ngi u don ha ki bneng: u la leh ïa kaei kaei baroh katba u mon.

SALM 37:39

Hynrei, ka jingpynim ka jong ki bahok ka long na U Trai: u long ka kut baskhem jong ki ha ka por ka jingjynjar.

SALM 37:40

Bad U Trai u ïarap ïa ki, bad u pyllait ïa ki: u pyllait ïa ki na ki bymman, bad u pynim ïa ki, namar ba ki la rieh ïa lade ha u.

SALM 73:20

Kum ka jingphohsniew haba la peit u briew; kumta, A Trai, ynda me la peit, men ñiewbeiñ ïa ka dur jong ki.

ISAÏAH 12:2

“Ha khmih, U Blei u long ka jingpynim jong nga; ngan shaniah, bad ngan ym sngewsheptieng: namar U Trai Jehobah u long ka bor bad ka jingrwai jong nga; u la kylla long ruh ka jingpynim jong nga.”

ISAÏAH 54:14

Ha ka hok yn pynskhem ïa pha: phan long jngai na kaba banbeiñ, naba phan ym sheptieng; na kaba shyrkhei ruh, naba kan ym wan hajan jong pha.

JEREMAÏAH 1:8

Wat sheptieng na ka bynta jong ki: naba nga long lem bad me ïa ka ban pyllait ïa me,” ong U Trai.

JEREMAÏAH 15:20

Bad ngan pynlong ïa me ka kynroh ker kaba da ka rnong ha une u paidbah; te kin ïaleh ïa me, hynrei, kin ym jop ïa me: naba nga don lem bad me ban pynim ïa me bad ban pyllait ïa me,” ong U Trai.

JEREMAÏAH 15:21

“Bad ngan pyllait ïa me na ka kti jong ki bymman, bad ngan siewspah ïa me na ka kti jong kiba itriem.”

DANIEL 3:26

Ynda kumta, u Nebukhadnessar u la wan hajan ka jingkhang jong kata ka lawar ding ba la thang rhem: u la kren bad u la ong, “Ko Shadrak, Meshak, bad Abednego, phi ki shakri jong U Blei U Bahakhlieh Tam Eh, to ïamih noh, to ale shane.” Ynda kumta, u Shadrak, u Meshak, bad u Abednego, ki la ïamih noh napdeng ka ding.

DANIEL 4:35

bad ïa ki briew baroh jong ka khyndew ym shym kheiñ ei ei: bad u leh katba u mon ha u paidbah jong ka bneng, bad hapdeng ki briew jong ka khyndew: bad ym don ba lah ban pynsangeh ïa ka kti jong u, lane ong ha u, ‘Me leh aïu?’

DANIEL 6:16

Ynda kumta, u syiem u la hukum, bad ki la wallam ïa u Daniel, bad ki la bred noh ïa u hapoh ka krem ki sing. Te u syiem u la kren bad u la ong ha u Daniel, “U Blei jong me ïa uba me shakri khlem da pud, un pynim ïa me.”

DANIEL 6:23

Ynda kumta, u syiem u la kmen shikatdei eh, bad u la hukum ba kin sei noh ïa u Daniel na kata ka krem. Kumta, la sei noh ïa u Daniel na kata ka krem, bad ym shym la shem jingmynsaw ei ei ruh em ha u, namar ba u la shaniah ha U Blei jong u.

DANIEL 6:27

U pyllait bad U pynim, bad U pynlong ïa ki dak khyllah bad ïa ki jingphylla ha ka bneng bad ha ka khyndew; Uba la pynim ïa u Daniel na ka bor ki sing.”

MIKAH 7:7

Nga te, ngan khmih ïa U Trai; ngan ap khmih ïa U Blei ka jingpynim jong nga: U Blei jong nga un sngap ïa nga.

LOUKAS 1:37

Naba kawei ruh ka ktien na U Blei kan ym long khlem ka bor.”

KI KAM 20:24

Hynrei, nga kheiñduh ïa la ka jingim, bad ngam ñiewkor shuh ïa ka, ba kumta ngan ïoh pyndep noh ïa ka jingphet jong nga, bad ïa kata ka kam U Blei kaba nga la ïoh na U Trai Jisu, ïa ka ban phla ïa ka gospel ka jingaiei U Blei.

KI KAM 21:13

Hynrei, u Paul u la ïathuh, “Phin lei da kaba ïam bad da kaba pynpait ïa ka dohnud jong nga? Namar nga, nga la kloi ym tang ban shah khum, hynrei, ban ïap ruh ha Jerusalem na ka bynta ka kyrteng U Trai Jisu.”

Ka Shithi U Paul Sha Ki Nong Rom 8:31

Kumno te ngin ïa-ong ïa kine kiei kiei ruh? Lada U Blei u long na ka bynta jong ngi, uei uta u ban ïaleh bad ngi?

2 KORINTH 1:10

uba la knieh kynthet ïa ngi na ka jingïap kaba khraw katta katta, bad uba ïaiknieh kynthet ïa ngi, ha uba ngi kyrmen ba un dang knieh kynthet shuh ruh;

HEBRU 7:25

Namar kata, u lah ruh ban pynim janai ïa kita kiba wan ha U Blei da u, haba u im ha la ka rta ïa ka ban ïasaid na ka bynta jong ki.

1 SAMUEL 17:37

Te u Dabid u la ong ruh, “U Trai uba la pynim ïa nga na ka kti u sing, bad na ka kti ka dngiem, uta keiñ, un pynim ïa nga na ka kti une u Philistia.” Te u Saul u la ong ha u Dabid, “Khie leit, bad U Trai un long ryngkat bad me.”

1 SAMUEL 17:46

Ha kane ka sngi keiñ U Trai un aiti ïa me ha ka kti jong nga; te ngan shoh ïa me, bad ngan shim noh ïa ka khlieh jong me na me; bad ha kane ka sngi ngan ai noh ïa ki metïap ki paid ki Philistia ha ki sim ka suiñ, bad ha ki mrad khlaw ka khyndew; ba ka pyrthei baroh kan ïoh tip ba U Blei u don ha Israel.