DANIEL 3:13 - KA BAIBL

¹³ Ynda kumta, u Nebukhadnessar ha la ka jingbitar bad ka jingotshla u la hukum ban wallam ïa u Shadrak, ïa u Meshak, bad ïa u Abednego. Ynda kumta, ki la wallam ïa kine ki briew ha khmat u syiem.

Khasi CL Bible (BSI)

¹³ Hangta hi, u syiem u la bitar shla bad u la hukum ban wallam ïa ki lai ngut ki rangbah sha u.

DANIEL 3:13 ပူးပေါင်းရင်းမြစ်များ

JENESIS 4:5

hynrei, ha u Kain bad ha ka jingainguh jong u, um shym la khmih hun keiñ. Te u Kain u la sngewbitar eh bad ka khmat jong u ka la noh liaw.

PROBERB 17:12

Lah ba ka dngiem kaba la duh la ki khun kan ïashem bad u briew, ban ïa u babieit ha la ka jingbieit.

PROBERB 27:3

U maw u khia, bad u shyiap um sting; hynrei, ka jingbitar u babieit ka kham khia ïa ki baroh ar.

PROBERB 29:22

U briew uba bitar u pynkynroi ïa ka jingïaleh, bad u briew uba shla u kynrei ka jingpalat.

DANIEL 1:7

Bad u rangbah ki ïunukh u la kyrteng ïa ki: ïa u Daniel u la khot “u Belteshassar”; bad ïa u Hananiah “u Shadrak”; bad ïa u Mishael “u Meshak”; bad ïa u Asariah “u Abednego”.

DANIEL 2:12

Namar kane ka daw, u syiem u la sngewsih bad u la bitar lep, bad u la hukum ban pynduh ïa ki riewstad baroh jong ka ri Babilon.

DANIEL 3:19

Ynda kumta, la pyndap ïa u Nebukhadnessar da ka jingbitar lep, bad ka dur ka khmat jong u ka la kylla pyrshah ïa u Shadrak, ïa u Meshak, bad ïa u Abednego: namar kata, u la kren bad u la hukum ba kin kham pynshit ïa kata ka lawar ding hynñiew shah ban ïa kaba la ju pynshit.

MATHAÏOS 10:18

yn ïalam ruh ïa phi ha khmat ki lyngskor bad ki syiem na ka bynta jong nga, ïa ka ban long ka jingphla ha ki bad ha ki Jentil.

MARKOS 13:9

“Hynrei, to sumar ïa lade; naba kin ai noh ïa phi ha ki jingbishar, bad ha ki synagog yn sympat ïa phi, bad yn pynïeng ïa phi ha khmat ki lyngskor bad ki syiem na ka bynta ka kyrteng jong nga, ïa ka ban long ka jingphla ïa ki.

LOUKAS 21:12

Hynrei, shuwa ïa kine kiei kiei baroh, kin kem ïa phi bad kin pynshitom ruh ïa phi, ki da ai noh ïa phi ha ki synagog bad ha ki ïing byndi, ki da leit lam ruh ïa phi ha khmat ki syiem bad ki nongsynshar, na ka bynta ka kyrteng jong nga.

LOUKAS 6:11

Ki te ki la dap da ka jingbitar lamwir; bad ki la ïasylla paralok hi, aïu ba ki lah ban leh ïa U Jisu.

KI KAM 24:24

Ynda katto katne sngi, u Pheliks u la wan poi lem bad ka Drosila ka tnga jong u, kaba long ka Jiw, bad u la phah khot ïa u Paul, bad u la ïohsngew ïa u shaphang kata ka jingngeit ha U Khrist Jisu.