DANIEL 3:1 - KA BAIBL

¹ U Nebukhadnessar syiem u la thaw ka durblei da ka ksiar, ka jingjrong jong ka, ka la long hynriewphew pruh, bad ka pyngkiang jong ka hynriew pruh: u la pynïeng ïa ka ha ka pyntha Dura, ha ka shnat ka Babilon.

Khasi CL Bible (BSI)

¹ U syiem Nebukhadnessar u la phah thaw ka durbriew ksiar, arphew hynñiew mitar ka kynjang bad jan lai mitar ka pyngkiang, bad u la phah pynïeng ïa ka ha ka pyntha Dura ha ka probins jong ka Babilon.

DANIEL 3:1 ပူးပေါင်းရင်းမြစ်များ

1 SYIEM 12:28

Namar kata, u syiem u la ïapyrkhat, bad u la thaw ar tylli ki khun masi ksiar; bad u la ong ha ki, “Ka shitom eh ba phi leit kiew sha Jerusalem; ha khmih ki blei jong me, ko Israel, kiba la wallam ïa me na ka ri Ijipt.”

ESTHER 1:1

Te ha ki sngi u Ahasueros, (une u long uta u Ahasueros, uba la synshar naduh ri India haduh Ethiopia, halor ki shispah arphew hynñiew ki shnat:)

SALM 135:15

Ki durblei ki jong ki jaid bynriew ki long ka rupa bad ka ksiar, ka kam ki kti ki briew.

EKSODOS 20:23

Nalor jong nga wat thaw ïa ki blei da ka rupa, lymne wat thaw ha phi ïa ki blei da ka ksiar.

EKSODOS 32:31

Kumta, u Moses u la leit phai sha U Trai, bad u la ong, “A, une u paidlang u la leh ïa ka pop ka bakhraw eh, bad ki la ïathaw blei da ka ksiar ha ki.

ISAÏAH 2:20

Ha kata ka sngi, u briew un bred noh ïa la ki bleithaw rupa, bad ïa la ki bleithaw ksiar, kiba ki la thaw ba un mane, ha ki kyndad bad ha ki lymbit;

ISAÏAH 30:22

Bad phin pyntngit ïa ka jingsuit ïa ki durblei rupa ba la mut, bad ïa ka jingsop la ki durblei ksiar ba la saiñ: men bred noh ïa ki kum ïa kaei kaei ka basang; men ong ha ka, “To khie noh nangne.”

ISAÏAH 46:6

Jar kiba pynsyrwa ïa ka ksiar na ka pla, bad kiba thew ïa ka rupa ha ka khulpi, ki khot nong ïa u bania, te u thaw blei ïa ka; ki dem ngon, bad ki mane.

JEREMAÏAH 10:9

Don ka rupa ba la shoh stang ba la wallam na Tarshish, bad ka ksiar na Uphas, ka kam jong u nongtrei bad ka jong ki kti u bania; ka babyrïong bad ka basaw bthuh ban long ki jaiñ jong ki; baroh ki long ka kam ki nongtrei kiba nang.

JEREMAÏAH 16:20

Hato u briew un thaw ki blei ha lade, ki bymlong ki blei pynban?

DANIEL 2:48

Ynda kumta, u syiem u la kyntiew nam ïa u Daniel, bad u la ai bun ki jingai ki bakhraw ïa u, bad u la thung ïa u ban synshar halor kata ka shnat baroh jong ka Babilon, bad ban long u nongsynshar rangbah halor ki riewstad baroh jong ka ri Babilon.

DANIEL 2:49

Te u Daniel u la kyrpad ïa u syiem, bad u la buh ïa u Shadrak, ïa u Meshak, bad ïa u Abednego, halor ki kam ka shnat jong ka Babilon; hynrei, u Daniel u la shong ha ka khyrdop u syiem.

DANIEL 3:14

U Nebukhadnessar u la ïathuh bad u la ong ha ki, “Ka long kaba shisha, ko Shadrak, Meshak bad Abednego, ba phim shakri ïa u blei jong nga, lymne mane ïa kata ka durblei ksiar kaba nga la pynïeng?

DANIEL 3:30

Ynda kumta, u syiem u la kyntiew nam ïa u Shadrak, ïa u Meshak, bad ïa u Abednego, ha ka shnat jong ka Babilon.

DANIEL 5:23

hynrei, me la kyntiew ïa lade pyrshah ïa U Trai ka bneng; bad ki la wallam ïa ki khiew ka ïing jong U ha khmat jong me, bad me bad ki rangbah jong me, ki tnga jong me bad ki tnga kliar jong me, phi la ïadih Waiñ da kita; bad me la ïaroh ïa ki blei kiba da ka rupa, bad da ka ksiar, da ka rnong, da u nar, da ka dieng, bad da u maw, ki bymïohi, lymne ïohsngew, lymne tip: bad ïa U Blei uba ha ka kti jong u ka jingring mynsiem jong me ka don, bad uba ki lynti jong me baroh ki long ki jong u, mem shym la pyndonburom.

DANIEL 5:4

Ki la ïadih Waiñ, bad ki la ïaroh ïa ki blei kiba da ka ksiar, bad da ka rupa, da ka rnong, da u nar, da ka dieng, bad da u maw.

HOSIA 2:8

Naba kam shym la tip ba nga, nga la ai ha ka, ïa u Kew, bad ka Waiñ, bad ka umphniang, bad ba nga la pynroi ha ka, ïa ka rupa bad ka ksiar, ïa kiba ki la pynlong ki durblei Baal.

HOSIA 8:4

“Ki la thung ïa ki syiem, hynrei, ym da nga; ki la pynlong ïa ki rangbah, te ngam shym tip ïa kata: na ka rupa bad ka ksiar jong ki, ki la thaw bleithaw, khnang ban ot noh ïa ki.

HABAKKUK 2:19

Kordit ïa uta uba ong ha u dieng, “To khie;” ha u maw u bymnangkren, “To ïeng!” Un hikai une? Ha khmih, la suit halor ïa u da ka ksiar bad ka rupa, te ym don ka jingpyrsad hapoh jong u satia.

KI KAM 17:29

“Te haba ngi long ki khun ki ksiew jong U Blei, ym dei ïa ngi ban mut ba Ka Jinglong Blei ka long syriem ïa ka ksiar lane ïa ka rupa lane ïa u maw, ba la pynlong dur da ka kam stad bad ka buit jong u briew.

KI KAM 19:26

Bad phi ïohi bad phi ïohsngew ruh, ba ym tang ha Ephesos hi, hynrei, la jan ha baroh kawei ka Asia, une u Paul u la pynkohnguh bad u la pynkylla noh ïa u paidbah babun, u da ong, ba kim long ki blei kita kiba la thaw da ki kti;

DEUTERONOMI 7:25

Men thang ïa ki dur ba la mut ki blei jong ki da ka ding: men ym ikwah ïa ka rupa, lane ïa ka ksiar kaba halor jong ki, ïa ka ban shim ha lade, ba ïoh yn riam ïa me ha kata: namar ka long kaba ijli ha U Trai uba U Blei jong me:

JINGPYNPAW 9:20

Te kita kiba sah na ki bynriew, ïa kiba ym shym la pynïap noh da kine ki jingïapthem, kim shym la kylla-ka-bamut na kita ki jingleh ki kti jong ki, ba kin ym mane ïa kita ki ksuid, bad ïa kita ki bleithaw kiba da ka ksiar, bad da ka rupa, bad da ka rnong, bad da u maw, bad da ka dieng, ki bym lah ban ïohi, lymne ïohsngew, lymne ïaid: