DANIEL 2:5 - KA BAIBL

⁵ U syiem u la ïathuh bad u la ong ha ki Khaldi, “Ka la jah noh na nga: lada phim pyntip ha nga ïa kata ka jingphohsniew bad ïa ka jingbatai jong ka, yn ot lyngkhot lyngkhai ïa phi, bad yn pynlong synrum ïa ki ïing jong phi.

Khasi CL Bible (BSI)

⁵ U syiem u la ong ha ki, “Nga la kut jingmut ba phi dei ban ïathuh ïa nga ïa ka jingphohsniew bad nangta ïathuh ïa nga kaei ka jingmut jong ka. Lada phim lah, ngan phah tar ïa ka kti ka kjat jong phi kawei na kawei pat bad ngan pynlong ïa ki ïing jong phi ka kynton ki jingjot.

DANIEL 2:5 ပူးပေါင်းရင်းမြစ်များ

2 SYIEM 10:27

Bad ki la pynkyllon ïa ka dur u Baal, bad ki la pyntwa ïa ka ïing u Baal, bad ki la pynlong ïa ka, ka ïing thehñiut, haduh kane ka sngi.

ESRA 6:11

Nga la ai hukum ruh ba jar u ban pynkylla ïa kane ka ktien, ba yn law noh ïa ka khung na ka ïing jong u, bad ba yn kyntiew bad sdien ïa u halor jong ka; bad ba yn pynlong lymbher tait ïa ka ïing jong u namar kane:

SALM 50:22

Mynta te to pyrkhat ïa kane, phi kiba klet ïa U Blei, ïoh ngan tar lyngkhot ïa phi, bad ban ym don u nongpyllait:

SALM 58:7

To ai ba kin um noh kum ka um kaba ïaid stet: haba u thew ïa la ki khnam, to ai ba kin long kumba la ot noh ïa ki.

DANIEL 2:12

Namar kane ka daw, u syiem u la sngewsih bad u la bitar lep, bad u la hukum ban pynduh ïa ki riewstad baroh jong ka ri Babilon.

DANIEL 3:29

Namar kata, nga buh ïa ka hukum, ba kino kino ki kynja bynriew, ki jaid bynriew, bad ki ktien, ki ban kren ei ei ka bymdei ïa U Blei jong u Shadrak, u Meshak, bad u Abednego, yn ot lyngkhot lyngkhai ïa ki, bad yn pynlong synrum ïa ki ïing jong ki: namar ym don uwei pat U Blei uba lah ban pyllait kum ha kane ka rukom.”

DANIEL 4:9

‘Ko Belteshassar, u rangbah ki riewstad, namar ba nga tip ba ka mynsiem jong kita ki blei bakhuid ka don ha me, bad ba ym don ka jingbuhrieh kaba eh ïa me, to ong ha nga ïa ki jingithuhpaw ka jingphohsniew jong nga ïa kiba nga la ïohi, bad ïa ka jingbatai jong ki ruh.

DEUTERONOMI 13:16

Bad to men ïalum lang ïa ka jinglute jong ka baroh hapdeng ka lynti shnong jong ka, bad men thang ruh da ka ding ïa kata ka nongbah, bad ïa ka jinglute jong ka baroh phar, ïa U Trai uba U Blei jong me: te kan long ïa kaba la iehnoh ha la ka rta, yn ym ïoh tei shuh ïa ka keiñ.

JOSHUA 6:26

Te u Joshua u la pynsmai ïa ki ha kata ka por, u da ong, “Long ba la tim ha khmat U Trai ïa uta u briew uba ïeng bad uba tei ïa kane ka shnong Jerikho: “Da kaba un duh ïa la u khun nyngkong un seng ïa ka nongrim jong ka, bad da kaba un duh ïa la u khun khatduh un pynïeng ïa ki khyrdop jong ka.”

1 SAMUEL 15:33

Te u Samuel u la ong, “Kat kumba ka waitlam jong me ka la pynduh khun ïa ki kynthei, kumta ïa ka kmie jong me yn pynduh khun hapdeng ki kynthei.” Bad u Samuel u la shaiñ lyngkhot lyngkhai ïa u Agag ha khmat U Trai ha Gilgal.