DANIEL 2:47 - KA BAIBL

⁴⁷ U syiem u la ïathuh ha u Daniel, bad u la ong, “Da kaba shisha, U Blei jong phi u long U Blei ki blei, bad U Trai ki syiem, bad u nongpynpaw ïa ki jingbuhrieh, naba me la lah ban pynpaw ïa kane ka jingbuhrieh.”

Khasi CL Bible (BSI)

⁴⁷ U syiem u la ong, “U Blei jong me u long uba khraw tam na ki blei baroh, U Trai halor ki syiem, bad uta uba pynpaw ïa ki jingmaïan. Nga tip ïa kane namar me la lah ban batai ïa kane ka jingmaïan.”

DANIEL 2:47 ပူးပေါင်းရင်းမြစ်များ

JENESIS 41:39

U Pharaoh u la ong ruh ha u Joseph, “Naba U Blei u la pyni ha me ïa kane baroh, ym don shuh u bashemphang bad u bastad kum ma me:

2 SYIEM 5:15

Te u la leit phai sha u briew jong U Blei, ma u bad kiba bad u baroh, ki la wan, bad ki la ïeng ha khmat jong u: bad u la ong, “Ha khmih, mynta nga tip ba ym don U Blei ha ka pyrthei baroh, hynrei, tang ha Israel: nga kyrpad ïa me te namar kata, to shim ka jingai sngewbha na u shakri jong me.”

Ka Kitab U Job 12:19

U ïalam noh ïa ki lyngdoh ynda la lute ïa ki, bad u jop noh thiaw ïa kiba khraw bor.

SALM 136:2

To ainguh ïa U Blei jong ki blei: naba ka jingisynei jong u ka bymjukut.

SALM 136:3

To ainguh ïa U Trai ki trai: naba ka jingisynei jong u ka bymjukut.

SALM 72:11

Shisha keiñ, ki syiem baroh kin hap dem ha khmat jong u: ki jaid bynriew baroh kin shakri ïa u.

SALM 82:1

U Blei u ïeng ha ka jingïaseng U Blei; u bishar hapdeng ki blei.

SALM 96:4

Naba U Trai u long u bakhraw, bad uba dei ïaroh eh: u long uba dei ban sheptieng ïa u halor ki blei baroh.

ESEKIEL 26:7

Naba kumne u ong U Trai U Blei: “Ha khmih, ngan wallam halor ka Tyros ïa u Nebukhadressar u syiem ka Babilon, u syiem jong ki syiem, na shatei, bad ki kulai, bad ki kali ïapom, bad ki nongshong kulai, bad ka kynhun shipai, bad u paidbah byllien.

DANIEL 11:36

“Bad uta u syiem un leh katba u mon; bad un pynkyntiew ïa lade, bad pynkhraw ïa lade halor ki blei baroh, bad un kren ïa kiei kiei ruh ki baphylla pyrshah ïa U Blei ki blei: bad un man bha haduh ba la pyndep ïa kata ka jingbitar; namar ïa kata kaba la thmu, yn pyndep keiñ.

DANIEL 2:19

Ynda kumta, la pynpaw ïa kata ka jingbuhrieh ha u Daniel ha ka jingithuhpaw mynmiet. Ynda kumta, u Daniel u la kyrkhu ïa U Blei ka bneng.

DANIEL 2:22

U pynpaw ïa kiei kiei kiba jylliew bad kiba rieh: u tip aïu don ha ka jingdum, bad ka jingshai ka shong sah lem bad u.

DANIEL 2:28

hynrei, don U Blei ha bneng uba pynpaw ïa ki jingbuhrieh, bad u la pyntip ïa u Nebukhadnessar syiem ïa kaei ka ban jia long ha ki sngi ki bakhatduh. Ka jingphohsniew jong me, bad ki jingithuhpaw ka khlieh jong me ha la ka jingthiah, ki long kine:

DANIEL 2:29

shaphang jong me, ko syiem, ki jingpyrkhat jong me ki la mih ha ka jingmut jong me ha ka jingthiah jong me, kaei ka ban sa jia hadien kane: bad uta uba pynpaw ïa ki jingbuhrieh u la pyntip ïa me kaei ka ban sa jia.

DANIEL 2:30

Hynrei, shaphang jong nga, ym shym la pynpaw ïa kane ka jingbuhrieh ïa nga namar ba nga don ka jingstad kham tam ïa uno uno baroh u ba-im, hynrei, khnang ban pyntip ïa kata ka jingbatai ïa u syiem, bad ba me men tip ïa ki jingpyrkhat ka dohnud jong me.

DANIEL 2:37

Me, ko syiem, me long u syiem ki syiem, ha uba U Blei ka bneng u la ai ka hima, ka bor, bad ka jingkhlaiñ, bad ka burom;

DANIEL 3:15

Mynta, lada phi la khreh hamar ba phi ïohsngew ïa ka jingsawa jong kata ka jingput, ka sharati, ka bajna, ka tangmuri, ka nebel, ka dulsimar, bad ki kynja jingtem baroh, ban dem ban mane ïa kata ka durblei ïa kaba nga la thaw, bha: hynrei, lada phim mane, yn sa bred noh ïa phi ha kata kajuh ka por hapdeng ka lawar ding ba la thang rhem; bad uei uta U Blei uba lah ban pyllait ïa phi na ki kti jong nga?”

DANIEL 3:28

Ynda kumta, u Nebukhadnessar u la kren bad u la ong, “Long ba la kyrkhu ïa U Blei jong u Shadrak, u Meshak, bad u Abednego, uba la phah ïa u angel jong u, bad uba la pyllait ïa ki shakri jong u kiba la shaniah ha u, kiba la pynkylla ïa ka hukum u syiem, bad kiba la aiti noh ïa la ki met, ba kin ym shakri lymne mane ïa uno uno u blei, hynrei, tang ïa U Blei jong ki hi.

DANIEL 3:29

Namar kata, nga buh ïa ka hukum, ba kino kino ki kynja bynriew, ki jaid bynriew, bad ki ktien, ki ban kren ei ei ka bymdei ïa U Blei jong u Shadrak, u Meshak, bad u Abednego, yn ot lyngkhot lyngkhai ïa ki, bad yn pynlong synrum ïa ki ïing jong ki: namar ym don uwei pat U Blei uba lah ban pyllait kum ha kane ka rukom.”

DANIEL 4:17

Kane ka jingrai ka long da ka hukum jong kita ki nongap phira, bad ka jingleh da ka ktien jong kita ki bakhuid: khnang ba kita ki ba-im kin tip ba U Bahakhlieh Tam Eh u synshar ha ka hima jong ki briew, bad ba u ai ïa ka ha uno uno uba u mon hi, bad ba u buh halor jong ka, ïa uba poh tam na ki briew.’

DANIEL 4:25

ba yn beh noh ïa me na ki briew bad ka jaka shong jong me kan long ryngkat bad ki mrad khlaw, bad yn pynbam phlang ïa me kum ki masi dab, bad yn synreit ïa me da ka umjer bneng, bad hynñiew ki aïom kin lut ha me; tad ynda me la tip ba U Bahakhlieh Tam Eh u synshar ha ka hima jong ki briew, bad ba u ai ïa ka ha uba u mon hi.

DANIEL 4:32

Bad yn beh noh ïa me na ki briew, bad ka jaka shong jong me kan long ryngkat bad ki mrad khlaw; bad yn pynbam phlang ïa me kum ki masi dab, bad hynñiew ki aïom kin lut ha me; tad ynda me la tip ba U Bahakhlieh Tam Eh u synshar ha ka hima jong ki briew, bad ba u ai ïa ka ha uba u mon hi.”

DANIEL 5:11

don u briew ha ka hima jong me, ha uba don ka mynsiem jong kita ki blei bakhuid; bad ha ki sngi u kpa jong me, ïa ka jingshai bad ïa ka jingshemphang bad ïa ka jingstad, kum ka jingstad ki blei, la shem ha u: bad u Nebukhadnessar syiem, u kpa jong me, uta u syiem, u kpa jong me keiñ, u la pynlong rangbah ïa u halor ki riewstad, ki nongkren byrtong, ki Khaldi, bad ki nongkren shwar;

AMOS 3:7

“Shisha U Trai U Blei un ym leh ei ei, khlem da pynpaw ïa la ka jingthmu ha la ki shakri ki nongïathuhlypa.

1 KORINTH 14:25

kumta te, la pynpaw ïa kiei kiei ruh kiba rieh ka dohnud jong u; kumta ruh, da kaba dem khrup un mane ïa U Blei, u da phla ba U Blei u long da shisha hapdeng jong phi.

DEUTERONOMI 10:17

Namar U Trai uba U Blei jong phi, u long U Blei jong ki blei, bad U Trai jong ki trai, U Blei u bakhraw, u badonbor, bad ba-itieng, u bymñiew shiliang khmat, lymne um bamsap.

1 TIMOTHI 6:15

ïa kaba un pyni ha la ki por ba dei hi, uba long Uba la kyrkhu bad U Bakhrawbor tang ma u hi, U Syiem ki syiem bad U Trai ki trai;

JOSHUA 22:22

“U Trai, U Blei ki blei, U Trai, U Blei ki blei, u tip, bad u Israel un sa tip; lada ka long ha ka jingïaleh pyrshah, lane lada ha ka jingpalat ïa U Trai, (wat pynim ïa ngi ha kane ka sngi,)

JINGPYNPAW 1:5

bad na U Jisu Khrist, uba long U Nongphla ïa uba lah ban shaniah, ïa uba la kha nyngkong na ki baïap, bad U Nongsynshar ki syiem ka pyrthei. Ha uta uba la ieit ïa ngi, bad uba la sait ïa ngi na ki pop jong ngi ha ka snam jong u hi;

JINGPYNPAW 17:14

Kine kin ïaleh thma bad uta U Khun langbrot, bad uta U Khun langbrot un jop noh ïa ki, naba u long U Trai ki trai, bad U Syiem ki syiem; kumjuh ruh kita kiba don lem bad u, ïa kiba la khot, bad ïa kiba la jied bad kiba ïaineh.”

JINGPYNPAW 19:16

Bad u don halor ka jaiñkup, bad halor ka lbong jong u, ka kyrteng ba la thoh, “U Syiem Ki Syiem bad U Trai Ki Trai”.