DANIEL 2:44 - KA BAIBL

⁴⁴ Te ha ki sngi jong kita ki syiem, U Blei ka bneng un pynïeng ïa ka hima, ïa kaba yn ym pynduh lano lano ruh, lymne yn ym iehnoh ïa ka jingsynshar jong ka ha kawei pat ka jaid bynriew; hynrei, kan pynlwet bad kan bam duh ïa kine ki hima baroh bad kan ïaisah bymjukut.

Khasi CL Bible (BSI)

⁴⁴ Ha ka por jong kito ki nongsynshar U Blei ka bneng un seng ka hima ka ban ym kut junom. Yn ym lah ban jop ïa ka, hynrei kan pynjot thiaw ïa baroh kito ki hima, bad nangta kan neh junom.

DANIEL 2:44 ပူးပေါင်းရင်းမြစ်များ

JENESIS 49:10

U dieng synshar un ym kynriah na u Judah, lymne u nongthaw aiñ napdeng ki sla'jat jong u, ha ban da wan u Shiloh; bad ïa u ki jaid bynriew kin ïakohnguh.

2 SAMUEL 7:13

Un tei ma u keiñ ïa ka ïing ïa ka kyrteng jong nga; nga ruh ngan pynskhem ïa ka khet ka jinglong syiem jong u junom.

2 SAMUEL 7:16

Bad ïa ka ïing jong me bad ïa ka jinglong syiem jong me yn pynskhem ha khmat jong me junom: yn pynskhem keiñ ïa ka khet jong me junom.’ ”

SALM 145:13

Ka hima jong me ka long ka hima bymjukut, bad ka jingsynshar jong me ka neh pateng la pateng bynriew.

ISAÏAH 60:12

Namar kata ka jaid bynriew bad kata ka hima ka ban ym shakri ïa pha kan jot noh; shisha keiñ, ïa kita ki jaid bynriew yn pynjot noh khoit.

ESEKIEL 37:25

Bad kin ïoh shong ha ka ri kaba nga la ai ha u Jakob u shakri jong nga, ha kaba ki kpa jong phi ki la shong: kin shong hangta, ma ki, bad ki khun jong ki ruh, bad ki ksiew jong ki ruh de junom: bad u Dabid u shakri jong nga un long u nongïalam jong ki junom junom.

DANIEL 2:28

hynrei, don U Blei ha bneng uba pynpaw ïa ki jingbuhrieh, bad u la pyntip ïa u Nebukhadnessar syiem ïa kaei ka ban jia long ha ki sngi ki bakhatduh. Ka jingphohsniew jong me, bad ki jingithuhpaw ka khlieh jong me ha la ka jingthiah, ki long kine:

DANIEL 2:34

Me la ïohi tad ynda la khlaw ym da ka kti ïa uwei u maw, uba la shoh ïa kata ka durblei na ki sla'jat jong ka, kiba la long da ka nar bad ka 'dewbyrtha, bad u la pynlwet ïa ki.

DANIEL 2:35

Ynda kumta, la pynlwet lang ïa ka nar, ïa ka 'dewbyrtha, ïa ka rnong, ïa ka rupa, bad ïa ka ksiar, bad ki la long kum u stait ha ki kyntem kba ha ka por lyiur; bad ka lyer ka la kit noh ïa ki, katba ym shym la shem jaka shuh ïa ki: te uta u maw uba la shoh ïa kata ka durblei u la kylla long u lum uba khraw, bad u la dap ïa ka khyndew baroh.

DANIEL 2:37

Me, ko syiem, me long u syiem ki syiem, ha uba U Blei ka bneng u la ai ka hima, ka bor, bad ka jingkhlaiñ, bad ka burom;

DANIEL 2:43

Bad kumba me la ïohi ïa ka nar ba la ïakhleh bad ka 'dewbyrtha baktieh, kin pynkhleh ïa lade bad u symbai ki briew; hynrei, kin ym ïadait lang kumba ka nar ruh kam ïadait bad ka 'dewbyrtha.

DANIEL 4:3

“Kiba khraw katno ki long ki dak khyllah jong u! bad kiba don bor katno ki long ki jingphylla jong u! ka hima jong u ka long ka hima bymjukut, bad ka jingsynshar jong u kaba ha la ka rta.

DANIEL 4:34

“Te ha ka bakut kita ki sngi, nga, u Nebukhadnessar, nga la khmied la ki khmat sha bneng, bad ka jingshemphang jong nga ka la wan phai pat sha nga, bad nga la kyrkhu ïa U Bahakhlieh Tam Eh, bad nga la ïaroh bad nga la pyndonburom ïa uta u ba-im junom; “namar ka jingsynshar jong u ka long ka jingsynshar bymjukut, bad ka hima jong u pateng la pateng bynriew:

DANIEL 6:26

Nga buh ïa ka hukum, ba ha ka jingsynshar ka hima jong nga baroh ki briew kin khynñiuh bad kin sheptieng ha khmat U Blei jong u Daniel: “Namar ma U, U long U Blei U ba-im, bad U ba-neh junom, bad ïa ka hima jong U yn ym pynjot noh, bad ka jingsynshar jong U kan neh haduh ka bakut hi:

DANIEL 6:27

U pyllait bad U pynim, bad U pynlong ïa ki dak khyllah bad ïa ki jingphylla ha ka bneng bad ha ka khyndew; Uba la pynim ïa u Daniel na ka bor ki sing.”

DANIEL 7:27

Te ïa kata ka hima bad ïa ka jingsynshar, bad ïa ka jingkhraw jong kita ki hima hapoh ka bneng baroh, yn aiti noh ha ki briew jong kita ki riewkhuid ki jong U Bahakhlieh Tam Eh: ka hima jong u ka long ka hima bymjukut, bad ki jingsynshar baroh kin shakri bad kin kohnguh ïa u.’

DANIEL 8:25

Bad da ka buit jong u, un pynroi ïa ka jingshukor ha ka kti jong u; bad un pynkhraw ïa lade ha la ka dohnud, bad ha ka jingsngewshngain jong ki, shibun un pynjot; un ïeng ïaleh ruh ïa uta U Syiem ki syiem; hynrei, yn pynlwet ïa u ym da ka kti.

MIKAH 4:7

te ngan pynlong ka bynta ba sah ïa kata kaba la dkoh, bad ka jaid bynriew bakhlaiñ ïa kata kaba la bred noh sha jngai: bad U Trai un synshar halor jong ki ha u lum Seïon naduh mynta junom.”

HAGGAI 2:22

bad ngan pynkyllon ïa ka khet ki hima, bad ngan pynduh ïa ka bor ki hima jong ki jaid bynriew; bad ngan pynkyllon ïa ki kali ïapom, bad kita kiba shong ha ki; bad ki kulai bad la ki nongshong kin ïakyllon, uwei pa uwei na ki da ka waitlam u para jong u.

HAGGAI 2:7

bad ngan pynkhih ïa ki jaid bynriew baroh, bad kiei kiei kiba ñiewkor jong ki jaid bynriew baroh kin ïawan, bad ngan pyndap ïa kane ka ïing da ka burom,’ ong U Trai ki paid.

MATHAÏOS 28:18

U Jisu te u da wan u la kren ha ki, u da ong, “La ai ha nga ka bor baroh ha bneng bad ha ka khyndew:

ÏOANNIS 12:34

Uta u paidbah u la ïathuh ha U, “Ngi, ngi la ïohsngew na Ka Hukum, ba uta U Khrist u ïaisah sha ka bymjukut; te kumno ba ong ma me, ka dei ba yn kyntiew ïa U Khun u briew? uei une U Khun u briew?”

HEBRU 12:28

Naba kumta, haba ngi pdiang ïa ka hima ka bym lah pynkhih, to ngin ïoh ka jingsngewnguh, da kaba ngin ai ka jingshakri kaba pynsngewbha ïa U Blei da ka burom bad ka jingtieng burom;

JINGPYNPAW 11:15

Bad u angel u bahynñiew u la pynsawa; bad ki la long ki ktien bajam ha bneng kiba ong, “Kata ka hima ka jong ka pyrthei ka la jia long ka jong U Trai jong ngi, bad U Khrist jong u: te un synshar keiñ sha ki bymjukut ki bymjukut.”

JINGPYNPAW 2:27

bad un synshar ïa ki da u dieng synshar nar, kumba pynlwet jin ïa ki khiew jong u nongthaw khiew, kumba nga ruh nga la pdiang na U Kpa jong nga.