DANIEL 2:4 - KA BAIBL

⁴ Ynda kumta, ki Khaldi ki la kren ha u syiem ha ka ktien Syria, “Ko syiem, to im ha la ka rta: to ïathuh ha la ki shakri ïa kata ka jingphohsniew, te ngin pyni ïa ka jingbatai.”

Khasi CL Bible (BSI)

⁴ Ki la jubab ïa u syiem ha ka ktien Aramaik, “To u Syiem Kynrad un im junom! To ïathuh ha ngi ïa ka jingphohsniew jong phi, bad ngin batai ïa ka ha phi.”

DANIEL 2:4 ပူးပေါင်းရင်းမြစ်များ

JENESIS 31:47

Bad u Laban u la khot kyrteng ïa ka, “ka Jegar-sahadutha”: hynrei, u Jakob u la khot “ka Galeed” ïa ka.

JENESIS 41:8

Te mynstep ka la jia ba ka mynsiem jong u ka la khih khuslai; bad u la phah khot ïa ki kynja nongkren byrtong baroh ka ri Ijipt, bad ïa ki riewstad baroh jong ka: bad u Pharaoh u la ïathuh ha ki la ki jingphohsniew; hynrei, ym don ba lah ban batai ïa ki ha u Pharaoh.

1 SYIEM 1:25

Namar u la leit hiar ha kane ka sngi, bad u la pynïap ki masi bad kiba sngaid bad ki langbrot byllai, bad u la khot ïa ki khun u syiem baroh, bad ïa ki kaptan ki paidïapom, bad ïa u Abiathar lyngdoh; te ha khmih, ki ïabam ki ïadih ha khmat jong u, bad ki ïa-ong, ‘To U Blei un pynim ïa u syiem Adonijah.’

1 SYIEM 1:31

Ynda kumta, ka Bathsheba ka la nguh la ka khmat sha khyndew, bad ka la nguh ïa u syiem, ka la ong ruh, “To u syiem kynrad jong nga u Dabid un im junom.”

2 SYIEM 18:26

Ynda kumta, u Eliakim u khun u Hilkiah, bad u Shebnah, bad u Joah, ki la ong ha u Rabshakeh, “Nga kyrpad ïa me, to kren ha la ki shakri ha ka ktien Syria; naba ngi sngewthuh ïa kata: bad wat kren ha ngi ha ka ktien ki Jiw, ha kaba ïohsngew ki briew kiba don ha ka kynroh.”

ESRA 4:7

Bad ha ki sngi u Artakserksis, u Bishlam, u Mithredath, u Tabil, bad kita kiwei ki lok jong u, ki la thoh ha u Artakserksis u syiem ka Persha: bad ka jingthoh kata ka shithi la thoh ha ki dak Syria, bad la thoh ha ka ktien Syria.

NEHEMAÏAH 2:3

Bad nga la ong ha u syiem, “To u syiem un im junom: ka khmat jong nga kan ym i 'matsngewsih balei, haba ka nongbah, ka jaka ki jingtep ki kpa jong nga, ka sah khlaw, bad ba la thang duh ïa ki khyrdop jong ka, da ka ding?”

ISAÏAH 36:11

Te u Eliakim bad u Shebna bad u Joah ki la ong ha u Rabshakeh, “To kren, nga duwai ïa me, ha la ki shakri ha ka ktien Aram; namar ngi sngewthuh ïa kata: bad wat kren ha ngi ha ka ktien ki Jiw, ha ki shkor u paidlang uba don halor ka kynroh.”

ISAÏAH 44:25

Uba pyndam noh ïa ki dak jong kiba lamler, bad uba pynlamwir ïa ki nongkhan; uba pynphai da dien ïa ki bastad, bad uba pynbieit ïa ka jingtip jong ki:

DANIEL 1:4

ïa ki samla bymdon ka jingthoh dak, hynrei, kiba bhabriew, bad kiba don buit ha ka jingstad baroh, bad ki basian ha ka jingtip, bad kiba sngewthuh ïa ka tynrai ka jingstad, bad kiba nang ban ïeng ha ka ïing u syiem; bad ba un hikai ïa ki ka jingstad bad ka ktien ki Khaldi.

DANIEL 2:7

Ki la ïathuh ka ba-ar sien bad ki la ong, “To u syiem un ïathuh ha la ki shakri ïa ka jingphohsniew, ngi te ngin pyni ïa ka jingbatai.”

DANIEL 3:9

Ki la ïathuh bad ki la ong ha u Nebukhadnessar syiem, “Ko syiem, to im ha la ka rta.

DANIEL 4:19

Ynda kumta, u Daniel, uba kyrteng “u Belteshassar”, u la lyngngoh shi por, bad ki jingpyrkhat jong u ki la pynkhuslai ïa u. U syiem u la kren bad u la ong, “Ko Belteshassar, wat ai ba kata ka jingphohsniew, lane ka jingbatai, kan pynkhuslai ïa me.” U Belteshassar u la ïathuh bad u la ong, “Ko kynrad jong nga, kata ka jingphohsniew to kan long ïa ki nongshun jong me, bad ka jingbatai jong ka, ïa ki nongïaleh ïa me.

DANIEL 4:7

Ynda kumta, la wan hapoh ki riewstad, ki nongleh byrtong, ki Khaldi, bad ki nongkren shwar: bad nga la ïathuh ïa ka jingphohsniew ha khmat jong ki; hynrei, kim shym pyntip ha nga ïa ka jingbatai jong ka.

DANIEL 4:9

‘Ko Belteshassar, u rangbah ki riewstad, namar ba nga tip ba ka mynsiem jong kita ki blei bakhuid ka don ha me, bad ba ym don ka jingbuhrieh kaba eh ïa me, to ong ha nga ïa ki jingithuhpaw ka jingphohsniew jong nga ïa kiba nga la ïohi, bad ïa ka jingbatai jong ki ruh.

DANIEL 5:10

Te ka syiem, namar ki ktien u syiem bad ki rangbah jong u, ka la wan hapoh kata ka ïing khawai: bad ka syiem ka la kren bad ka la ong, “Ko syiem, to im ha la ka rta; wat ai ba ki jingpyrkhat jong me kin pynkhuslai ïa me, lymne wat ai ba ka khmat jong me kan kylla:

DANIEL 5:8

Ynda kumta, ki la wan rung baroh ki riewstad ki jong u syiem: hynrei, kim lah ban pule ïa kata ka jingthoh, lymne ban pyntip ha u syiem ïa ka jingbatai.

DANIEL 6:21

Ynda kumta, u Daniel u la ong ha u syiem, “Ko syiem, to im ha la ka rta.

DANIEL 6:6

Ynda kumta, kine ki rangbah bad ki lyngskor ki la ïawan lang sha u syiem, bad ki la ong kumne ha u, “Ko Daraïos syiem, to im ha la ka rta.

DANIEL 6:7

Ki rangbah baroh jong ka hima, ki deputi bad ki lyngskor, ki myntri bad ki nongsynshar, ki la ïapyrkhat lang ban buh ïa ka hukum syiem, bad ban pynlong ïa ka adong ka baskhem, ba uno uno u ban kyrpad jingkyrpad na uno uno u blei lane u briew, hapdeng laiphew sngi, lait na me, ko syiem, yn bred noh ïa uta sha ka krem ki sing.

MATHAÏOS 21:9

Kita ki paidbah de kiba ïaid sha shuwa, bad kita kiba bud nadien, ki la ïapyrta, ki da ong, “Hosanna ïa U Khun u Dabid! Long ba la kyrkhu ïa uta uba wan ha ka kyrteng U Trai! Hosanna ha kiba jrong tam eh!”

1 SAMUEL 10:24

Bad u Samuel u la ong ha kita ki briew baroh, “Phi ïohi ïa uba u la jied U Trai, ba ym don uba kum ma u hapdeng ki briew baroh?” Te kita ki briew baroh ki la ïarisa, bad ki la ïa-ong, “To un im u syiem.”