DANIEL 2:39 - KA BAIBL

³⁹ Te hadien jong me, kan mih sa kawei pat ka hima kaba kham poh ïa me; bad sa kawei pat, ka balai ka hima da ka rnong, ka ban synshar halor ka khyndew baroh.

Khasi CL Bible (BSI)

³⁹ Hadien jong phi kan don sa kawei ka hima, ka bym da khraw kum ka jong phi, bad hadien kata sa kaba lai, ka hima kaba da ka rnong, ka ban synshar ïa ka pyrthei baroh kawei.

DANIEL 2:39 ပူးပေါင်းရင်းမြစ်များ

ISAÏAH 44:28

uba ong shaphang u Seiros, ‘U long u nongaplangbrot jong nga, te un pyndep ïa ka jingsngewbha jong nga baroh’: u da ong shaphang ka Jerusalem, ‘Yn tei ïa ka’; bad ha ka templ, ‘Yn pynshong nongrim ïa pha.’ ”

DANIEL 10:20

Ynda kumta, u la ong, “Me tip balei nga la wan sha me? te mynta ngan leit phai pat ban ïaleh bad u syiem ka Persha; bad haba nga leit mih noh, ha khmih, u syiem ka Gris un wan.

DANIEL 2:32

Shaphang kane ka durblei, ka khlieh jong ka, ka la long da ka ksiar banylla, ka shadem bad ki ksang'ti jong ka, da ka rupa, ka kpoh bad ki lbong jong ka, da ka rnong,

DANIEL 2:38

bad kat ha kaba ki shong ki khun bynriew, u la ai ha ka kti jong me ïa ki mrad khlaw bad ïa ki sim bneng, bad u la buh ïa me ban synshar halor jong ki baroh: me long kata ka khlieh ksiar.

DANIEL 2:40

Bad ka basaw ka hima kan long ka bakhlaiñ kat ka nar: naba kumba ka nar ka pynlwet bad ka jop ïa kiei kiei baroh: bad kumba ka nar kaba tylliat ïa kiei kiei baroh, ka ruh kan pynlwet bad kan tylliat.

DANIEL 7:23

“Kumne u la ong, ‘Uta u mrad u basaw, “ ‘un long ka hima ka basaw ha ka khyndew, ka ban long ka bapher na ki hima baroh, bad kan bam duh ïa ka khyndew baroh, bad kan ïuh roit noh ïa ka, bad kan pynlwet jin ïa ka.

DANIEL 8:20

Uta u langbrot ïa uba me la ïohi uba la don ar tylli ki reng, ki long ki syiem ka Mid bad ka Persha.

DANIEL 8:21

Bad uta u 'lang sohmoh uba runar u long u syiem ka Gris: bad kata ka reng bakhraw kaba hapdeng ki khmat jong u, ka long u syiem u banyngkong.

SEKHARAÏAH 6:3

bad ha ka balai ki kulai ki balieh; bad ha ka kali ka basaw ki kulai bathoh bria ki bashait.

SEKHARAÏAH 6:6

Kata ka kali ha kaba don ki kulai ïong ka leit mih shaphang ka ri shatei; bad kita ki balieh ki la leit mih hadien jong ki; bad kita ki bathoh bria ki la leit mih shaphang ka ri shathie.”