DANIEL 2:34 - KA BAIBL

³⁴ Me la ïohi tad ynda la khlaw ym da ka kti ïa uwei u maw, uba la shoh ïa kata ka durblei na ki sla'jat jong ka, kiba la long da ka nar bad ka 'dewbyrtha, bad u la pynlwet ïa ki.

Khasi CL Bible (BSI)

³⁴ Katba phi dang khmih ïa ka, u maw uba khraw u la lait na ka synrang khlem don mano mano ba ktah ïa u, u la shoh ïa ka kjat nar bad dewbyrtha jong ka durbriew, bad u la pynkhynñiuh ïa ki.

DANIEL 2:34 ပူးပေါင်းရင်းမြစ်များ

SALM 118:22

U maw uba ki nongtei ki la kyntait u la kylla long ka khlieh ka dong.

ISAÏAH 28:16

namar kata, kumne u ong U Trai U Blei, “Ha khmih, nga buh nongrim ha Seïon, ïa u maw, u maw ba la tynjuh, u mawdong bakordor jong ka nongrim baskhem: ‘Uta uba ngeit un ym pynkyrkieh.’

ISAÏAH 60:12

Namar kata ka jaid bynriew bad kata ka hima ka ban ym shakri ïa pha kan jot noh; shisha keiñ, ïa kita ki jaid bynriew yn pynjot noh khoit.

ISAÏAH 8:9

To ïakhihwin, ko phi ki paidlang, te yn pynlwet ïa phi; bad to shahshkor, phi baroh na ki ri kiba jngai: to panpoh ïa lade, te yn pynlwet ïa phi; to panpoh ïa lade, te yn pynlwet ïa phi.

ESEKIEL 32:28

Hynrei, yn kdiah ïa me hapdeng kita ki bakhlem otsher, bad men thiah lem bad kita kiba la ïap da ka waitlam.

ESEKIEL 47:5

Hadien kata, u la thew sa shi hajar; te ka la long ka wah ba ngam lah ban ïaid lyngba namar ki um ki la kiew, ki um ban jngi keiñ, ka wah bym lah ban ïaid lyngba.

DANIEL 2:33

ki kjat jong ka, da ka nar, ki sla'jat jong ka, shi bynta da ka nar, bad shi bynta da ka 'dewbyrtha.

DANIEL 7:27

Te ïa kata ka hima bad ïa ka jingsynshar, bad ïa ka jingkhraw jong kita ki hima hapoh ka bneng baroh, yn aiti noh ha ki briew jong kita ki riewkhuid ki jong U Bahakhlieh Tam Eh: ka hima jong u ka long ka hima bymjukut, bad ki jingsynshar baroh kin shakri bad kin kohnguh ïa u.’

DANIEL 8:25

Bad da ka buit jong u, un pynroi ïa ka jingshukor ha ka kti jong u; bad un pynkhraw ïa lade ha la ka dohnud, bad ha ka jingsngewshngain jong ki, shibun un pynjot; un ïeng ïaleh ruh ïa uta U Syiem ki syiem; hynrei, yn pynlwet ïa u ym da ka kti.

SEKHARAÏAH 12:3

Te kan jia ha kata ka sngi, ba ngan pynlong ïa ka Jerusalem u maw bakhia ïa ki paidbah baroh; baroh kiba pynkit ïa ka ha ki yn pynmong sat ïa ki; bad ki jaid bynriew baroh ka khyndew kin ïalum lang pyrshah ïa ka.

SEKHARAÏAH 4:6

Ynda kumta, u la ïathuh bad u la kren, u da ong, “Kane ka long ka ktien U Trai ha u Serubbabel, ka da ong, ‘Ym da u paidïapom, lymne da ka bor, hynrei, da U Mynsiem jong nga,’ ” ong U Trai ki paid.

MATHAÏOS 16:18

Nga ruh nga ong ha me, ba me long u Petros, bad halor une u mawsiang ngan tei ïa ka balang jong nga; te ki khyrdop ka dujok kin ym lah ïa ka.

ÏOANNIS 1:13

kiba la kha, ym na ka snam, lymne na ka mon ka doh, lymne na ka mon u briew, hynrei, na U Blei.

KI KAM 4:11

Une u long uta u maw ïa uba la kyntait beiñ noh da phi ki nongtei, ïa uba la pynlong ha khlieh ka dong.

2 KORINTH 5:1

Namar ngi tip skhem ba lada yn lied noh ïa ka ïing jong ngi kaba ha ka khyndew, kane ka ïingtrep keiñ, ngi don ka jingtei na U Blei, ka ïing ba la thaw bym da ki kti, ka bymjukut ha ki bneng.

HEBRU 9:24

Namar U Khrist u la leit rung ym sha ka Jaka kyntang ba la thaw da ki kti, kaba syriem ïa kata kaba shisha; hynrei, sha kata ka bneng hi, mynta ban paw ha khmat U Blei na ka bynta jong ngi:

1 PETROS 2:7

Ïa phi, namar kata, kiba ngeit, don kata ka jingkordor: hynrei, ha ki bymngeit, “Ïa u maw ïa uba ki nongtei ki la kyntait noh, ïa une keiñ, la pynlong ha khlieh ka dong,”

JINGPYNPAW 11:15

Bad u angel u bahynñiew u la pynsawa; bad ki la long ki ktien bajam ha bneng kiba ong, “Kata ka hima ka jong ka pyrthei ka la jia long ka jong U Trai jong ngi, bad U Khrist jong u: te un synshar keiñ sha ki bymjukut ki bymjukut.”

JINGPYNPAW 17:14

Kine kin ïaleh thma bad uta U Khun langbrot, bad uta U Khun langbrot un jop noh ïa ki, naba u long U Trai ki trai, bad U Syiem ki syiem; kumjuh ruh kita kiba don lem bad u, ïa kiba la khot, bad ïa kiba la jied bad kiba ïaineh.”