DANIEL 2:23 - KA BAIBL

²³ Nga nguh ïa me, bad nga ïaroh ïa me, A me U Blei ki kpa jong nga, uba la ai ha nga ka jingstad bad ka bor, bad uba la pyntip ha nga mynta ïa kaba ngi la pan na me: namar me la pyntip ha ngi ïa kane ka kam u syiem.”

Khasi CL Bible (BSI)

²³ Nga ïaroh ïa me bad pyndonburom ïa me, A U Blei ki kpa tymmen jong nga. Me la ai ha nga ka jingstad bad ka jingkhlaiñ; me la jubab ïa ka jingduwai jong nga bad me la pyn-i ha ngi kaei ba ngin ïathuh ha u syiem.”

DANIEL 2:23 ပူးပေါင်းရင်းမြစ်များ

JENESIS 18:17

Bad U Trai u la ong, “Ngan buhrieh na u Abraham ïa kaba ngan sa leh?

JENESIS 31:42

Lymda U Blei jong u kpa jong nga, uba U Blei jong u Abraham bad uba ka jingsheptieng burom jong u Isaak u la don lem bad nga, shisha men da la lah phah noh suda ïa nga mynta. Ïa ka jingkhuslai jong nga bad ïa ka jingleh minot ki kti jong nga U Blei u la ïohi, te u la sneng pynrem ïa me mynhynne mynmiet.”

1 SYIEM 18:36

Te hamar ka por ainguh ïa ka jingkñia la janmiet, u Elijah u nongïathuhlypa u la wan hajan, bad u la ong, “A Trai, U Blei jong u Abraham, u jong u Isaak, bad u jong u Israel, to pyntip ha kane ka sngi ba me long U Blei ha Israel, bad ba nga long ma nga u shakri jong me, bad ba nga la leh ïa kine kiei kiei baroh da ka ktien jong me.

1 SYIEM 8:57

To U Trai uba U Blei jong ngi un long lem bad ngi, kumba u la long bad ki kpa jong ngi: to wat ai un iehnoh ïa ngi, lymne lyndet ïa ngi:

1 KHRONIKL 29:10

Namar kata, u Dabid u la kyrkhu ïa U Trai ha khmat u paidlang baroh: bad u Dabid u la ong, “Long ba la kyrkhu ïa me, A Trai, U Blei jong u Israel u kpa jong ngi, junom la junom.

1 KHRONIKL 29:13

Mynta, namar kata, A U Blei jong ngi, ngi nguh ïa me, bad ngi ïaroh ïa ka kyrteng ba-donburom jong me.

2 KHRONIKL 20:6

bad u la ong, “A Trai, U Blei ki kpa jong ngi, me mem long U Blei ha bneng? Bad me mem long u nongsynshar halor ki hima ki jaid bynriew baroh? Bad ha ka kti jong me ka long ka bor bad ka jinglah, kumta ba ym don ba lah ban ïeng pyrshah ïa me.

SALM 21:2

Me la ai ha u ïa ka jingkwah ka dohnud jong u, bad mem shym la kyntait ïa ka jingkyrpad ki rmiang shyntur jong u. Selah.

SALM 21:4

U la pan ka rta na me, me la ai ïa ka ha u; wat ka jingslem ki sngi ka rta kaba junom junom.

SALM 25:14

Ka jingmut barieh jong U Trai ka don bad kita kiba sheptieng ïa u; bad un pynbna ha ki, ïa la ka jutang.

SALM 50:14

To ai ha U Blei ïa ka jingkñia ka jingainguh; bad to siew ïa ki kular jong me ha U Bahakhlieh Tam:

EKSODOS 3:15

Nalor kane U Blei u la ong ruh ha u Moses, “Kumne men ong ha ki khun Israel, ‘U Trai uba U Blei ki kpa jong phi, U Blei u Abraham, U Blei u Isaak, bad U Blei u Jakob ruh, u la phah ïa nga ha phi’: kane ka long ka kyrteng jong nga ha la ka rta, bad kane ka long ka jingpynkynmaw ïa nga sha ki pateng bynriew baroh.

PROBERB 21:22

U briew u bastad u kiew sha ka nongbah jong kiba khraw bor, bad u pynkyllon ïa ka jingkhlaiñ ha kaba ka shaniah.

PROBERB 24:5

U briew u bastad u long uba khlaiñ; bad u briew uba tip u pynroi ïa ka bor.

PROBERB 8:14

Ka jingpyrkhat ka jong nga, bad ka jingtip kaba shisha: nga long ka jingshemphang; nga, nga don ka bor.

EKLESIASTIS 7:19

Ka jingstad ka kham long ka bor ïa u riewstad ban ïa ki shiphew ngut ki nongsynshar kiba don ha ka shnong.

EKLESIASTIS 9:16

Te nga la ong, “Lah ka jingstad ban ïa ka bor: pynban, la ibeiñ ïa ka jingstad u riewduk, bad ym shym la sngap ïa ki ktien jong u.”

EKLESIASTIS 9:18

Lah ka jingstad ban ïa ki tiar ïapom: hynrei, uwei u nongpop u pynjot bun ka babha.

ISAÏAH 12:1

Te ha kata ka sngi men ong, “Ngan ainguh ïa me, A Trai; namar la me la sngewbitar ïa nga, ïa ka jingbitar jong me la pynphai noh, bad me pyntngen ïa nga.

JEREMAÏAH 33:3

‘To khot ïa nga, te ngan phai ktien ïa me, bad ngan pyni ruh ha me ïa kiei kiei ki bakhraw, bad kiba eh, ïa kiba mem tip.’

DANIEL 1:17

Te shaphang kine saw ngut ki samla, U Blei u la ai ïa ki ka jingtip bad ka buit ha ka jingnang bad ka jingstad baroh: bad u Daniel u la don ka jingshemphang ha ki jingithuhpaw bad ki jingphohsniew baroh.

DANIEL 2:18

ba kin kyrpad ïa ki jingisynei na U Blei ka bneng shaphang kane ka jingbuhrieh; ba u Daniel bad ki lok jong u kin ym ïap lem bad kita kiwei pat ki riewstad jong ka ri Babilon.

AMOS 3:7

“Shisha U Trai U Blei un ym leh ei ei, khlem da pynpaw ïa la ka jingthmu ha la ki shakri ki nongïathuhlypa.

MATHAÏOS 11:25

Mynkata U Jisu u la ïathuh bad u la ong: “Nga nguh ïa me, ko Kpa, U Trai ka bneng bad ka khyndew, ba me la buhrieh ïa kine kiei kiei ruh na ki bastad bad ki basian, bad ba me la pynpaw ïa ki ha ki khunlung:

LOUKAS 10:21

Ha kata hi ka por, U Jisu u la shadkmen ha U Mynsiem Bakhuid, bad u la ong, “Nga nguh ïa me, ko Kpa, U Trai ka bneng bad ka khyndew, ba me la buhrieh ïa kine kiei kiei ruh na ki bastad bad na ki bashemphang, bad ba me la pynpaw ïa ki ha ki khunlung; shisha, ko Kpa, naba kumta ka la ibit ha khmat jong me.

ÏOANNIS 11:41

Ynda kumta, ki la ïakhyllie noh ïa uta u mawkhang, uba la don ha kaba la buh ïa uta uba la ïap. U Jisu te u la khmied la ki khmat, bad u la ong, “Ko Kpa, nga nguh ïa me ba me ju sngew ïa nga.

ÏOANNIS 15:15

Ngam khot shuh ki shakri ïa phi, naba u shakri um tip ïa kaei ba u leh u kynrad jong u: hynrei, nga la khot ‘ki lok’ ïa phi, namar ïa kiei kiei baroh kiba nga la ïohsngew na U Kpa jong nga, nga la pyntip ha phi.

JINGPYNPAW 1:1

Ka jingpynpaw U Jisu Khrist, ïa kaba U Blei u la ai ha u, ban pyni ha ki shakri jong u ïa kiei kiei ruh kiba dei ban jia long shen; bad haba u la phah da u angel jong u, u la pyntip ïa ka ha u Ïoannis u shakri jong u,

JINGPYNPAW 5:5

Te uwei na kita ki tymmen basan u ong ha nga, “To wat ïam: ha khmih, uta U Sing uba long na ka jaid Judah, U Thied u Dabid, u la jop ban plied ïa kata ka kitab, bad ban loit ïa kita ki hynñiew ki jingpyndait jong ka.”