DANIEL 2:21 - KA BAIBL

²¹ bad u pynkylla ma u ïa ki por bad ïa ki aïom: u pynduh ïa ki syiem, bad u thung ïa ki syiem: u ai ka jingstad ïa ki bastad, bad ka jingtip ïa kiba don jingshemphang.

Khasi CL Bible (BSI)

²¹ U bat synshar ïa ki por bad ki aïom; u pynlong bad u weng ïa ki syiem; long ma u, uba ai ka jingstad bad ka jingshemphang.

DANIEL 2:21 ပူးပေါင်းရင်းမြစ်များ

1 SYIEM 10:24

Bad baroh ka pyrthei ka la wad ïa ka khmat u Solomon, ban ïohsngew ïa ka jingstad jong u, kaba U Blei u la buh ha ka dohnud jong u.

1 SYIEM 3:28

Te ki Israel baroh ki la ïohsngew ïa kata ka jingbishar ïa kaba u syiem u la bishar; bad ki la sheptieng ïa u syiem: naba ki la ïohi ba ka jingstad U Blei ka la don ha u, ban leh ïa ka jingbishar.

1 SYIEM 4:29

Bad U Blei u la ai ïa u Solomon ka jingstad bad ka jingshemphang shikatdei eh, bad ka jingkhraw ka dohnud, kum u shyiap uba harud duriaw.

1 KHRONIKL 22:12

Tangba U Trai un ai ïa me ka jingsian bad ka jingsngewthuh, bad ba un ai ha me ka hukum shaphang ki Israel; ba kumta, men ïoh sumar ïa ka hukum U Trai U Blei jong me.

1 KHRONIKL 29:30

lem bad ka jingsynshar jong u baroh bad ka bor jong u, bad ki por kiba la pynleit ha u, bad ha ki Israel, bad ha ki hima baroh jong kita ki ri.

ESTHER 1:13

Ynda kumta, u syiem u la ong ïa kita ki riewstad, kiba la tip ïa ki por, (naba kumta ka la long ka rukom u syiem ïa kita baroh kiba la tip aiñ bad jingbishar;

Ka Kitab U Job 12:18

U loit noh ïa ka jingkhum jong ki syiem, bad u teh ïa ka syngkai jong ki da ka jingpanpoh.

EKSODOS 31:3

bad nga la pyndap ïa u da U Mynsiem U Blei, ha ka jingstad, bad ha ka jingshemphang, bad ha ka jingtip, bad ha ki kynja jingtrei baroh,

EKSODOS 31:6

Ha khmih te, ma nga, nga la ai lem bad u ïa u Aholiab, u khun u Ahisamakh, na ka jaid Dan; bad ha ka dohnud jong kita ki bastad dohnud baroh nga la buh ïa ka jingstad, ïa ka ban thaw ïa kita baroh ïa kiba nga la hukum ïa me:

DANIEL 1:17

Te shaphang kine saw ngut ki samla, U Blei u la ai ïa ki ka jingtip bad ka buit ha ka jingnang bad ka jingstad baroh: bad u Daniel u la don ka jingshemphang ha ki jingithuhpaw bad ki jingphohsniew baroh.

DANIEL 10:1

Ha ka snem ka balai jong u Seiros syiem ka Persha la pynpaw ei ei ha u Daniel, ïa uba la khot “u Belteshassar”; kata ruh ka la long kaba shisha, ka thma ka bakhraw keiñ: bad u la sngewthuh ïa kata, bad u la ïoh ka jingshemphang ïa kata ka jingithuhpaw.

DANIEL 11:6

Te ha ka bakut ki snem kin ïasoh lang; bad ka khun kynthei jong uta u syiem na shathie kan wan sha uta u syiem na shatei ban pynlong ka jingïakut: hynrei, kan ym bat ïa ka bor ka ksang'ti jong ka; u ruh, un ym ïeng, lymne ka ksang'ti jong u; hynrei, yn aiti noh ïa ka, bad ïa kita kiba la wallam ïa ka, bad ïa uta uba la pynkha ïa ka, bad ïa uta uba la ai bor ïa ka ha kita ki por.

DANIEL 2:20

U Daniel u la ïathuh bad u la ong, “Long ba la kyrkhu ïa ka kyrteng jong U Blei ha la ka rta: namar ka jingstad bad ka bor ki long ki jong u:

DANIEL 2:23

Nga nguh ïa me, bad nga ïaroh ïa me, A me U Blei ki kpa jong nga, uba la ai ha nga ka jingstad bad ka bor, bad uba la pyntip ha nga mynta ïa kaba ngi la pan na me: namar me la pyntip ha ngi ïa kane ka kam u syiem.”

DANIEL 2:9

Hynrei, lada phim pyntip ha nga ïa kata ka jingphohsniew, don tang kawei ka hukum ïa phi: namar phi la khreh ïa ki ktien kiba lamler bad kiba shukor ban kren ha khmat jong nga, tad ynda la pynkylla ïa ka por: namar kata, to ong ha nga ïa kata ka jingphohsniew, bad ngan tip ba phi nang ban pyni ha nga ïa ka jingbatai jong ka.”

DANIEL 4:14

U la pyrta jam, bad u la ong kumne, ‘To khet noh ïa uta u dieng, bad to ngor noh ïa ki tnat jong u, to kynther noh ïa ki sla jong u, bad pynsaphred ïa ki soh jong u: ai ba ki mrad khlaw kin mih noh napoh jong u, bad ki sim na ki tnat jong u.

DANIEL 4:17

Kane ka jingrai ka long da ka hukum jong kita ki nongap phira, bad ka jingleh da ka ktien jong kita ki bakhuid: khnang ba kita ki ba-im kin tip ba U Bahakhlieh Tam Eh u synshar ha ka hima jong ki briew, bad ba u ai ïa ka ha uno uno uba u mon hi, bad ba u buh halor jong ka, ïa uba poh tam na ki briew.’

DANIEL 4:22

uta, u long ma me, ko syiem, uba la nang khraw bad uba la nang khlaiñ: namar ka jingkhraw jong me ka la nang san, bad ka la kot haduh bneng, bad ka jingsynshar jong me haduh ka bakut ka khyndew.

DANIEL 4:32

Bad yn beh noh ïa me na ki briew, bad ka jaka shong jong me kan long ryngkat bad ki mrad khlaw; bad yn pynbam phlang ïa me kum ki masi dab, bad hynñiew ki aïom kin lut ha me; tad ynda me la tip ba U Bahakhlieh Tam Eh u synshar ha ka hima jong ki briew, bad ba u ai ïa ka ha uba u mon hi.”

DANIEL 7:25

Bad un kren ki ktien kiba pyrshah ïa U Bahakhlieh Tam Eh, bad un pynduh noh ïa ki riewkhuid jong U Bahakhlieh Tam Eh: bad un thmu ban pynkylla ïa ki por bad ïa ka hukum; bad yn ai noh ïa ki ha ka kti jong u haduh ka por bad ki por bad ka shiteng por.

LOUKAS 21:15

naba ngan ai ha phi ka shyntur bad ka jingstad, ïa kaba ki nongïaleh jong phi baroh keiñ kin ym lah ban ïasei nia kylliang, lane ban ïasaid kylliang.

Ka Shithi U Paul Sha Ki Nong Rom 13:1

To ai ba ka mynsiem baroh kan pynhapoh ïa lade ha ki bor kiba ha khlieh. Namar ym don kano kano ruh ka bor lymda na U Blei; te kita ki bor kiba don, la buh beit ïa ki da U Blei keiñ.

1 KORINTH 1:30

Te da u hi, phi, phi long ha U Khrist Jisu, ïa uba da U Blei la pynlong ha ngi ka jingstad, bad ka hok, bad ka jingpynkhuid, bad ka jingsiewspah;

JAKOB 1:17

Ka jingai babha baroh, bad ka jingai bajanai baroh, ka long na jrong, kaba wan hiar na U Kpa ki jingshai, bad uba ym don ka jingkylla shuh, lymne ka syrngiew kaba shat da ka jingkylla.

JAKOB 1:5

Hynrei, lada uno uno ruh na phi u duna ka jingstad, to un pan na U Blei, uba ai kylluid ïa baroh bad u bym kynnoh beiñ; te yn ai ïa kata ha u.

JINGPYNPAW 19:16

Bad u don halor ka jaiñkup, bad halor ka lbong jong u, ka kyrteng ba la thoh, “U Syiem Ki Syiem bad U Trai Ki Trai”.