DANIEL 2:20 - KA BAIBL

²⁰ U Daniel u la ïathuh bad u la ong, “Long ba la kyrkhu ïa ka kyrteng jong U Blei ha la ka rta: namar ka jingstad bad ka bor ki long ki jong u:

Khasi CL Bible (BSI)

²⁰ “U Blei u long uba stad bad uba donbor! to ïaroh ïa u junom la junom.

DANIEL 2:20 ပူးပေါင်းရင်းမြစ်များ

JENESIS 14:20

bad to long ba la kyrkhu ïa U Blei U Bahalor Tam Eh, uba la aiti noh ïa ki nongshun jong me ha ka kti jong me.” Te u Abram u la ai ïa kaba shiphew bynta ha u na ka jinglute baroh.

1 SYIEM 8:56

“To long ba la kyrkhu ïa U Trai, uba la ai ka jingshongthait ha la ki briew ki Israel, katba kum kaba u la kular baroh: ym shym la duh ei kawei ka ktien na ka jingkular babha jong u baroh, kaba u la kular da ka kti u Moses u shakri jong u.

1 KHRONIKL 29:20

Bad u Dabid u la ong ha u paidlang baroh, “Mynta to kyrkhu ïa U Trai U Blei jong phi.” Te u paidlang baroh u la kyrkhu ïa U Trai, uba U Blei ki kpa jong ki, bad ki la dem la ki khlieh, bad ki la mane ïa U Trai, bad ïa u syiem.

2 KHRONIKL 20:21

Bad haba u la lah ïapyrkhat bad u paidbah, u la thung ïa kita ki ban rwai ha U Trai, bad ki ban ïaroh ïa ka jingitynnad ka jingkhuid, katba ki ïaïaid ha shuwa ki paidïapom, bad ba kin ong, “To ainguh ïa U Trai; namar ka jingisynei jong u ka neh junom.”

NEHEMAÏAH 9:5

Te ki Lebi, u Jeshua, u Kadmiel, u Bani, u Hashabneïah, bad u Sherebiah, u Hodiah, u Shebaniah, bad u Pethahiah, ki la ong, “To ïeng joit bad kyrkhu ïa U Trai U Blei jong phi na ka bymjukut sha ka bymjukut: bad long ba la kyrkhu ïa ka kyrteng ba-donburom jong me, ïa kaba la kyntiew halor ka jingkyrkhu bad ka jingïaroh baroh.

Ka Kitab U Job 12:13

“Ha u keiñ, ka don ka jingstad bad ka bor: u don ka jingpyrkhat bad ka jingshemphang.

SALM 113:1

To ïaroh ïa U Trai. Ko phi ki shakri U Trai, to ïaroh, to ïaroh ïa ka kyrteng U Trai.

SALM 113:2

Long ba la kyrkhu ïa ka kyrteng U Trai naduh mynta bad ha la ka rta.

SALM 115:18

hynrei, ma ngi ngin kyrkhu ïa U Trai naduh mynta bad ha la ka rta. To ïaroh ïa U Trai.

SALM 147:5

U bakhraw long U Trai jong ngi, bad u bakhlaiñ ha ka bor; ka jingshemphang jong u ka bymkut shuh.

SALM 41:13

Long ba la kyrkhu ïa U Trai, U Blei ki Israel, naduh bymjukut haduh bymjukut, Amen, bad Amen.

SALM 50:23

uta uba ai ka jingkñia ka jingainguh u pyndonburom ïa nga; bad ha uba pynbeit ïa la ka jingïaid ngan pyni ïa ka jingpynim U Blei.

SALM 62:11

U Blei u la kren shi sien, ar sien nga la ïohsngew ïa kane; ba ka bor ka dei ka jong U Blei:

PROBERB 8:14

Ka jingpyrkhat ka jong nga, bad ka jingtip kaba shisha: nga long ka jingshemphang; nga, nga don ka bor.

JEREMAÏAH 32:19

u bakhraw ha ka jingpyrkhat, bad u badonbor ha ka kam; uba ki khmat jong u ki peit ha ki lynti baroh jong ki khun bynriew; ban ai ha uwei uwei baroh katba kum ki lynti jong u, bad katba kum u soh ki jingleh jong u:

ESEKIEL 28:3

ha khmih, me long kham stad ïa u Daniel; ym don ka jingrieh ba ki lah ban buhrieh na me:

MATHAÏOS 6:13

To wat ïalam ïa ngi sha ka jingpynshoi ruh, hynrei, sumar ïa ngi na ka basniew. Naba ka jong me long ka hima, bad ka bor, bad ka burom ruh, ha la ka rta: Amen.

JUDAH 1:24

Te ha uta uba lah ban ri kyndong ïa phi ba khlem jynthut, bad ban pynïeng ïa phi ba khlem pop ha khmat ka burom jong u ha ka jingkmen bakhraw eh,

JINGPYNPAW 5:12

ki da ong da ka ktien bajam, “U long uba dei uta U Khun langbrot, ïa uba la pynïap, ban ïoh pdiang ïa kata ka bor, bad ïa ka jingkynrei spah, bad ïa ka jingstad, bad ïa ka jinglah, bad ïa ka jingpyndonburom bad ïa ka burom, bad ïa ka jingkyrkhu.”