DANIEL 2:2 - KA BAIBL

² Ynda kumta, u syiem u la hukum ban khot ïa ki riewstad, bad ki nongleh byrtong, bad ki nongkheiñ ksuid, bad ki Khaldi, ban ïathuh ha u syiem ïa ki jingphohsniew jong u. Kumta, ki la wan hapoh bad ki la ïeng ha khmat u syiem.

Khasi CL Bible (BSI)

² kumta u la phah khot ïa ki nongbatai kupar, ki nongleh myntor, ki nongkheiñ ksuid bad ki nongleh byrtong ban ïawan bad batai ïa ka jingphohsniew ha u. Haba ki la ïawan bad ïeng ha khmat u syiem,

DANIEL 2:2 ပူးပေါင်းရင်းမြစ်များ

JENESIS 41:8

Te mynstep ka la jia ba ka mynsiem jong u ka la khih khuslai; bad u la phah khot ïa ki kynja nongkren byrtong baroh ka ri Ijipt, bad ïa ki riewstad baroh jong ka: bad u Pharaoh u la ïathuh ha ki la ki jingphohsniew; hynrei, ym don ba lah ban batai ïa ki ha u Pharaoh.

ESTHER 1:13

Ynda kumta, u syiem u la ong ïa kita ki riewstad, kiba la tip ïa ki por, (naba kumta ka la long ka rukom u syiem ïa kita baroh kiba la tip aiñ bad jingbishar;

EKSODOS 7:11

Ynda kumta, u Pharaoh ruh u la khot ïa ki riewstad, bad ïa ki nongleh byrtong: te ki nongleh byrtong ka ri Ijipt, ki hi ruh ki la leh kumjuh da ki jingleh myntor jong ki.

ISAÏAH 19:3

Bad ïa ka mynsiem ka Ijipt yn pynsuda noh hapdeng jong ka; ngan pynjot ruh ïa ka jingïasylla jong ka: te kin leit wad ha ki bleithaw, bad ha ki nongai jadu, bad ha kita kiba shong ksuid, bad ha ki nongai ksuid.

ISAÏAH 8:19

Te haba kin ong ïa phi, “Wad ïa ki nongkren blei bad ïa ki nongkren byrtong, kiba pah krik krik bad kiba kren blom blom”: kam dei ïa u paidlang ban wad ïa U Blei jong u? na ka bynta ki ba-im hato kin leit wad na ki baïap?

DANIEL 1:20

Bad ha ka jingstad bad ka jingshemphang baroh, shaphang kiba u syiem u la kylli ïa ki, u la shem ba ki la kham nang shiphew shah ban ïa ki riewstad bad ki nongleh byrtong baroh kiba ha ka hima jong u baroh.

DANIEL 1:4

ïa ki samla bymdon ka jingthoh dak, hynrei, kiba bhabriew, bad kiba don buit ha ka jingstad baroh, bad ki basian ha ka jingtip, bad kiba sngewthuh ïa ka tynrai ka jingstad, bad kiba nang ban ïeng ha ka ïing u syiem; bad ba un hikai ïa ki ka jingstad bad ka ktien ki Khaldi.

DANIEL 2:10

Ki Khaldi ki la ïathuh ha khmat u syiem, bad ki la ong, “Ym don u briew ha ka khyndew uba lah ban pyni ïa kane ka kam u syiem; namar ym don u syiem lymne u kynrad, lymne u nongsynshar, uba la pan ïa kiba kum kine na uno uno u riewstad, lane u nongleh byrtong, lane u Khaldi.

DANIEL 2:27

U Daniel u la ïathuh ha khmat u syiem, bad u la ong, “Ym don ki riewstad, ki nongleh byrtong, ki nongleh myntor, lymne ki nongkren shwar, kiba lah ban pyni ha u syiem ïa kata ka jingbuhrieh ïa kaba u syiem u la kwah;

DANIEL 3:8

Te ha kata ka por, don ki Khaldi kiba la ïawan, bad ki la mudui ïa ki Jiw.

DANIEL 4:3

“Kiba khraw katno ki long ki dak khyllah jong u! bad kiba don bor katno ki long ki jingphylla jong u! ka hima jong u ka long ka hima bymjukut, bad ka jingsynshar jong u kaba ha la ka rta.

DANIEL 4:6

Namar kata, nga la hukum ban wallam hapoh ha khmat jong nga ïa ki riewstad baroh jong ka Babilon, ba kin pyntip ha nga ïa ka jingbatai jong kata ka jingphohsniew.

DANIEL 5:7

U syiem u la pyrta jam ban wallam hapoh ïa ki nongkren byrtong, ki Khaldi, bad ïa ki nongkren shwar, u syiem u la kren bad u la ong ïa ki riewstad jong ka Babilon, “Uno uno u ban pule ïa kane ka jingthoh, bad u ban pyni ha nga ïa ka jingbatai jong ka ruh, yn pynkup ïa u da ki jaiñ basaw bthuh, bad un ïoh u kynjri ksiar ha ka ryndang jong u, bad un ïoh long u nongsynshar u balai ha ka hima.”

1 SAMUEL 6:2

Bad ki Philistia ki la phah khot ïa ki lyngdoh bad ïa ki nongkhan, ki da ong, “Ngin leh kumno ïa kane ka synduk U Trai? to ïathuh ha ngi da kumno ngin phah noh ïa ka sha ka jaka jong ka.”