DANIEL 2:12 - KA BAIBL

¹² Namar kane ka daw, u syiem u la sngewsih bad u la bitar lep, bad u la hukum ban pynduh ïa ki riewstad baroh jong ka ri Babilon.

Khasi CL Bible (BSI)

¹² Ha kata, u syiem u la bitar shla bad u la hukum ban pynïap khoit ïa baroh ki nongai jingmut ïa u syiem ha Babilon.

DANIEL 2:12 ပူးပေါင်းရင်းမြစ်များ

Ka Kitab U Job 5:2

Naba ka jingsngewshitom ka pynïap ïa u babieit, bad ka jingbishni ka pynïap ïa u bymstad.

SALM 76:10

Shisha ka jingbitar u briew kan ïaroh ïa me: kaba sah ka jingbitar men panpoh ha me.

PROBERB 16:14

Ka jingbitar u syiem ka long kum ki nonglam-ktien ka jingïap: hynrei, u briew u bastad un pynjem ïa ka.

PROBERB 19:12

Ka jingbitar u syiem ka long kum ka jingkyrhuh u sing; hynrei, ka jingsngewbha jong u kum ka umjer halor u phlang.

PROBERB 20:2

Ka jingpynsheptieng u syiem ka long kum ka jingkyrhuh u sing: uta uba pankwah ïa u ban bitar u leh pop ïa la ka jong ka mynsiem.

PROBERB 29:22

U briew uba bitar u pynkynroi ïa ka jingïaleh, bad u briew uba shla u kynrei ka jingpalat.

DANIEL 2:24

Namar kata, u Daniel u la leit shapoh sha u Ariok, ïa uba u syiem u la thung ban pynduh ïa ki riewstad jong ka ri Babilon: u la leit bad u la ong kumne ha u; “Wat pynduh ïa ki riewstad ka ri Babilon: to ïalam ïa nga ha khmat u syiem, bad ngan pyni ha u syiem ïa kata ka jingbatai.”

DANIEL 2:5

U syiem u la ïathuh bad u la ong ha ki Khaldi, “Ka la jah noh na nga: lada phim pyntip ha nga ïa kata ka jingphohsniew bad ïa ka jingbatai jong ka, yn ot lyngkhot lyngkhai ïa phi, bad yn pynlong synrum ïa ki ïing jong phi.

DANIEL 3:13

Ynda kumta, u Nebukhadnessar ha la ka jingbitar bad ka jingotshla u la hukum ban wallam ïa u Shadrak, ïa u Meshak, bad ïa u Abednego. Ynda kumta, ki la wallam ïa kine ki briew ha khmat u syiem.

DANIEL 3:19

Ynda kumta, la pyndap ïa u Nebukhadnessar da ka jingbitar lep, bad ka dur ka khmat jong u ka la kylla pyrshah ïa u Shadrak, ïa u Meshak, bad ïa u Abednego: namar kata, u la kren bad u la hukum ba kin kham pynshit ïa kata ka lawar ding hynñiew shah ban ïa kaba la ju pynshit.

DANIEL 5:19

bad na ka bynta kata ka jingkhraw ba u la ai ha u, baroh ki briew, ki jaid bynriew, bad ki ktien ki la khynñiuh bad ki la sheptieng ha khmat jong u: ïa uba u mon u pynïap, bad ïa uba u mon u pynim; bad ïa uba u mon u kyntiew, bad ïa uba u mon u pynpoh.

MATHAÏOS 2:16

Ynda kumta, u Herod, haba u la ïohi ba la shukor ïa u da kita ki riewstad, u la bitar eh lep, bad u la phah pynïap noh ïa ki khun shynrang baroh kiba ha Bethlehem, bad ha ki phang jong ka baroh, naduh kiba ar snem bad kiba kham poh, kumba dei kata ka aïom ïa kaba u la kylli biang biang ruh na kita ki riewstad.

MATHAÏOS 5:22

hynrei, nga ong ha phi, ba uno uno ruh uba da sngewbitar ïa u paralok jong u khlem nia, kan dei ïa u ban hap ha ka jingbishar: uno uno ruh de u ban khot ïa u paralok jong u, ‘Raka’, kan dei ïa u ban hap ha ka jingbishar bah; uno uno ruh de u ban khot ïa u, ‘Me uba mutlop runar’, kan dei ïa u ban hap ha ka dujok ding.