DANIEL 2:11 - KA BAIBL

¹¹ Bad ka long ka bym ju don kaba u syiem u pan, bad ym don uno uno uba lah ban pyni ïa ka ha khmat u syiem, hynrei, tang kita ki blei, kiba ka jaka shong jong ki kam long lem bad ka doh.”

Khasi CL Bible (BSI)

¹¹ Kaei kaba u Syiem Kynrad u pan ka long kaba eh haduh katta katta ba ym don mano mano ba lah ban leh ïa kata lait tang ki blei, bad kim shong kim sah hapdeng ki bynriew.”

DANIEL 2:11 ပူးပေါင်းရင်းမြစ်များ

JENESIS 41:39

U Pharaoh u la ong ruh ha u Joseph, “Naba U Blei u la pyni ha me ïa kane baroh, ym don shuh u bashemphang bad u bastad kum ma me:

JENESIS 41:8

Te mynstep ka la jia ba ka mynsiem jong u ka la khih khuslai; bad u la phah khot ïa ki kynja nongkren byrtong baroh ka ri Ijipt, bad ïa ki riewstad baroh jong ka: bad u Pharaoh u la ïathuh ha ki la ki jingphohsniew; hynrei, ym don ba lah ban batai ïa ki ha u Pharaoh.

1 SYIEM 8:27

“Hynrei shisha shisha, U Blei un shong sah ma ha ka pyrthei? ha khmih, ka bneng bad ka bneng jong ki bneng kim lah ban ngiam ïa me; ine i ïing lei lei i katno eh iba nga la tei!

2 KHRONIKL 6:18

“Hynrei, shisha shisha U Blei un shong sah ma bad ki briew ha ka khyndew? Ha khmih, ka bneng bad ka bneng jong ki bneng kam lah ban kynthup ïa me; sa ine i ïing lei lei iba nga la tei!

SALM 132:14

Kane keiñ, ka jaka shongthait jong nga junom: hangne ngan shongneh; naba nga la imon ïa ka.

SALM 68:18

Me la kiew sha jrong, me la ïalam mraw ïa ka jinglongmraw, me la pdiang ïa ki jingai hapdeng ki briew, wat hapdeng kiba kiat ruh, ba U Trai U Blei un ïoh shong bad ki.

EKSODOS 29:45

Ngan shong duh ruh hapdeng ki khun Israel, bad ngan long U Blei jong ki.

EKSODOS 8:19

Ynda kumta, kita ki nongleh byrtong ki la ong ha u Pharaoh, “Kane ka long ka shynriah'ti ka jong U Blei:” te pynban, la pyneh ïa ka dohnud u Pharaoh, bad um shym la shahshkor ïa ki; kumba U Trai u la lah ong.

ISAÏAH 47:12

To ïeng te bad la ki jingleh myntor, bad ki jingleh byrtong babun jong pha, ha kiba pha la ju trei shitom naduh ba pha dang samla; lehse pha lah ban myntoi, lehse pha lah ban jop.

ISAÏAH 57:15

Naba kumne ong uta uba ha khlieh bad hajrong tam uba shong dap ïa ka bymjukut, uba ka kyrteng jong u, “U Bakhuid:” “Nga shong ha ka jaka kaba hajrong bad ka bakhuid, bad kata ka mynsiem ruh kaba sngewsih bad ba sngewrit, ban pynim ruh ïa ka mynsiem jong uba sngewrit, ban pynim ruh ïa ka dohnud jong kiba sngewsih.

ISAÏAH 8:18

Ha khmih, ma nga bad ki khun kiba U Trai u la ai ha nga, ngi long kum ki dak bad kum ki jingphylla ha Israel na U Trai ki paid, uba shong ha u lum Seïon.

DANIEL 4:4

“Nga, u Nebukhadnessar, nga la shongsuk ha la ïing, bad nga man bha ha la ka ïingsyiem.

DANIEL 5:11

don u briew ha ka hima jong me, ha uba don ka mynsiem jong kita ki blei bakhuid; bad ha ki sngi u kpa jong me, ïa ka jingshai bad ïa ka jingshemphang bad ïa ka jingstad, kum ka jingstad ki blei, la shem ha u: bad u Nebukhadnessar syiem, u kpa jong me, uta u syiem, u kpa jong me keiñ, u la pynlong rangbah ïa u halor ki riewstad, ki nongkren byrtong, ki Khaldi, bad ki nongkren shwar;

JOEL 3:21

Bad ngan sait ïa kata ka snam jong ki kaba ngam pat la sait: naba U Trai u shong sah ha ka Seïon.”

JINGKHEIÑ 35:34

Namar kata, to wat pyntngit sang ïa ka khyndew ha kaba phin ïashongneh, hapdeng kaba nga shongneh ma nga: namar nga U Trai, nga shongneh hapdeng ki khun Israel.’ ”

MATHAÏOS 19:26

U Jisu te haba u la khmih ïa ki u la ong ha ki, “Da ki briew kata ka bym lah, hynrei, da U Blei kiei kiei baroh ki long kiba lah.”

ÏOANNIS 1:14

Uta U Ktien te u la kynja doh, bad u la shong sah hapdeng jong ngi; bad ngi la ïoh-khmih shaiñ ïa ka burom jong u, ka burom kaba da kat ka jong uba la kha marwei na U Kpa, ba la dap da ka jingaiei bad ka jingshisha.

ÏOANNIS 14:17

ïa U Mynsiem ka jingshisha keiñ; ïa uba ka pyrthei kam lah ban pdiang, naba kam ïohi ïa u, lymne kam ithuh ïa u: phi, hynrei, phi ithuh ïa u, namar u ïaisah bad phi, un long ruh ha phi.

ÏOANNIS 14:23

U Jisu u la ïathuh bad U la ong ha u, “Lada uno uno ruh u ieit ïa nga, un sumar ïa ka ktien jong nga: te uta U Kpa jong nga un ieit ïa u, bad ngin ïawan ha u, bad ngin ïasah bad u.

2 KORINTH 6:16

Bad ka ïing U Blei ka don ka jingïasoh aïu bad ki bleithaw? namar ngi long ka ïing U Blei u ba-im, kumba U Blei u la ong, “Ngan shong sah hapoh jong ki, bad ngan ïaid sngewbha hapdeng jong ki; ngan long U Blei jong ki ruh, ki ruh kin long u paidlang jong nga.

JINGPYNPAW 21:3

Bad nga la ïohsngew ka ktien bajam na kata ka khet, ka da ong, “Ha khmih, Ka Tabernakl U Blei ryngkat bad ki briew, bad un shong lem bad ki, te ma ki kin ïalong ki paidlang jong u, bad U Blei hi un long lem bad ki, bad un long U Blei jong ki: