DANIEL 2:10 - KA BAIBL

¹⁰ Ki Khaldi ki la ïathuh ha khmat u syiem, bad ki la ong, “Ym don u briew ha ka khyndew uba lah ban pyni ïa kane ka kam u syiem; namar ym don u syiem lymne u kynrad, lymne u nongsynshar, uba la pan ïa kiba kum kine na uno uno u riewstad, lane u nongleh byrtong, lane u Khaldi.

Khasi CL Bible (BSI)

¹⁰ Ki nongai jingmut ki la jubab, “Ym don mano mano ha sla pyrthei kiba lah ban ïathuh ïa u Syiem Kynrad ïa kaei kaba phi kwah ban tip. Ym don u syiem, ym don wat uba khraw tam bad uba donbor tam, uba la pynlong kum kane ka jingdawa na ki nongbatai kupar, ki nongleh myntor bad ki nongleh byrtong.

DANIEL 2:10 ပူးပေါင်းရင်းမြစ်များ

ISAÏAH 47:13

Pha la thait ïan ha u paidbah ki jingsylla jong pha: to kin ïeng ki nongïit bneng, ki nongkhmih khlur, ki nongbatai bnai, ban pynim ïa pha na kiei kiei ki ban sa jia ha pha.

DANIEL 2:2

Ynda kumta, u syiem u la hukum ban khot ïa ki riewstad, bad ki nongleh byrtong, bad ki nongkheiñ ksuid, bad ki Khaldi, ban ïathuh ha u syiem ïa ki jingphohsniew jong u. Kumta, ki la wan hapoh bad ki la ïeng ha khmat u syiem.

DANIEL 2:27

U Daniel u la ïathuh ha khmat u syiem, bad u la ong, “Ym don ki riewstad, ki nongleh byrtong, ki nongleh myntor, lymne ki nongkren shwar, kiba lah ban pyni ha u syiem ïa kata ka jingbuhrieh ïa kaba u syiem u la kwah;

DANIEL 3:8

Te ha kata ka por, don ki Khaldi kiba la ïawan, bad ki la mudui ïa ki Jiw.

DANIEL 4:7

Ynda kumta, la wan hapoh ki riewstad, ki nongleh byrtong, ki Khaldi, bad ki nongkren shwar: bad nga la ïathuh ïa ka jingphohsniew ha khmat jong ki; hynrei, kim shym pyntip ha nga ïa ka jingbatai jong ka.