DANIEL 2:1 - KA BAIBL

¹ Te ha ka snem ka ba-ar ka jingsynshar u Nebukhadnessar, u Nebukhadnessar u la phohsniew ki jingphohsniew; bad la pynkhuslai ïa ka mynsiem jong u, bad ka jingïohthiah jong u ka la duh noh na u.

Khasi CL Bible (BSI)

¹ Ha ka snem kaba ar ba u Nebukhadnessar u long syiem, u la ïoh ka jingphohsniew. Ka la pynkhuslai shibun eh ïa u kat haduh ba um shym ïohthiah,

DANIEL 2:1 ပူးပေါင်းရင်းမြစ်များ

ESTHER 6:1

Ha kata ka miet, u syiem um lah ban ïohthiah; bad u la hukum ban wallam ïa Ki Kitab Ka Jingthoh Shaphang Ki Jingjia, bad la pule ïa ki ha khmat u syiem.

JEREMAÏAH 25:1

Ka ktien kaba la wan ha u Jeremaïah shaphang u paidbah Judah baroh ha ka basaw snem jong u Jehoïakim u khun u Josaïah, u syiem ka Judah; kata ka la long ka snem ka banyngkong jong u Nebukhadressar u syiem ka Babilon;

DANIEL 2:3

Bad u syiem u la ong ha ki, “Nga la phohsniew ka jingphohsniew, bad la pynkhuslai ïa ka mynsiem jong nga ban tip ïa kata ka jingphohsniew.”

DANIEL 4:2

Nga la ibit ban pyni ïa ki dak khyllah bad ïa ki jingphylla ïa kiba U Blei U Bahakhlieh Tam Eh u la leh ïa nga.

DANIEL 4:5

Nga la ïohi ïa ka jingphohsniew kaba la pynsheptieng ïa nga; bad ki jingpyrkhat halor ka jingthiah jong nga bad ki jingithuhpaw ka khlieh jong nga ki la pynkhuslai ïa nga.

DANIEL 5:9

Ynda kumta, u Belshassar syiem u la khuslai shikatdei eh, bad ka khmat jong u ka la kylla bak, bad ki rangbah jong u ki la sngewlyngngoh.

DANIEL 6:18

Ynda kumta, u syiem u la leit sha la ïing, bad u la pynleit ïa kata ka miet da kaba shah jingit: lymne ym shym la wallam jingtem ha khmat jong u: bad ka jingïohthiah ka la duh noh na u.

DANIEL 7:1

Ha ka snem ka banyngkong ka jong u Belshassar u syiem ka Babilon, u Daniel u la phohsniew bad u la ïohi ki jingithuhpaw halor ka jingthiah jong u: ynda kumta, u la thoh ïa kata ka jingphohsniew bad u la ïathuh ïa ka jingkyllum jong kita kiei kiei ruh.

DANIEL 7:15

“Nga hi u Daniel, ka mynsiem jong nga, ka la sngewsih hapdeng ka met jong nga, bad ki jingithuhpaw ka khlieh jong nga, ki la pynkhuslai ïa nga.